DIWAN E SUKHAN
Explore more on Diwan E Sukhan

Amjad Islam Amjad

1944 (Lahore) – 2023 (Lahore) • The Versatile Pen

"An immensely popular literary figure in Pakistan, celebrated not just as a deeply romantic poet but also as a master playwright. He wrote the iconic PTV drama 'Waris', which revolutionized Pakistani television. His poetry effortlessly captures the complexities of modern romance, making him a favorite among the younger generation."

Mashhoor Ash'aar

vo tire nasib ki baarishen kisi aur chhat pe baras gain dil-e-be-khabar miri baat sun use bhuul ja use bhuul ja...
jis taraf tu hai udhar hongi sabhi ki nazren iid ke chaand ka didar bahana hi sahi...
kahan aa ke rukne the raaste kahan moD tha use bhuul ja vo jo mil gaya use yaad rakh jo nahin mila use bhuul ja...
chehre pe mire zulf ko phailao kisi din kya roz garajte ho baras jaao kisi din...
us ke lahje mein barf thi lekin chhu ke dekha to haath jalne lage...
kya ho jaata hai in hanste jiite jaagte logon ko baiThe baiThe kyun ye khud se baaten karne lagte hain...
baDe sukun se Duube the Dubne vaale jo sahilon pe khaDe the bahut pukare bhi...
likha tha ek takhti par koi bhi phuul mat toDe magar aandhi to an-paDh thi so jab vo baagh se guzri koi ukhDa koi TuuTa khizan ke aakhiri din the...
jahan ho pyaar ghalat-fahmiyan bhi hoti hain so baat baat pe yun dil bura nahin karte...
jaise baarish se dhule sehn-e-gulistan amjad aankh jab khushk hui aur bhi chehra chamka...
kis qadar yaaden ubhar aai hain tere naam se ek patthar phenkne se paD gae kitne bhanvar...
har samundar ka ek sahil hai hijr ki raat ka kinara nahin...
saval ye hai ki aapas mein ham milen kaise hamesha saath to chalte hain do kinare bhi...
guzren jo mere ghar se to ruk jaen sitare is tarah miri raat ko chamkao kisi din...
maana nazar ke samne hai be-shumar dhund hai dekhna ki dhund ke is paar kaun hai...
ek nazar dekha tha us ne aage yaad nahin khul jaati hai dariya ki auqat samundar mein...
peDon ki tarah husn ki baarish mein naha lun baadal ki tarah jhuum ke ghar aao kisi din...
hadisa bhi hone mein vaqt kuchh to leta hai bakht ke bigaDne mein der kuchh to lagti hai...
har baat jaante hue dil maanta na tha ham jaane etibar ke kis marhale mein the...
jaise rail ki har khiDki ki apni apni duniya hai kuchh manzar to ban nahin paate kuchh pichhe rah jaate hain...
suna hai kaanon ke kachche ho tum bahut so ham tumhare shahr mein sab se bana ke rakhte hain...
kuchh aisi be-yaqini thi faza mein jo apne the vo begane lage hain...
be-samar peDon ko chuumenge saba ke sabz lab dekh lena ye khizan be-dast-o-pa rah jaegi...
kamal-e-husn hai husn-e-kamal se baahar azal ka rang hai jaise misal se baahar...
us ne aahista se jab pukara mujhe jhuk ke takne laga har sitara mujhe...
zindagi dard bhi dava bhi thi ham-safar bhi gurez-pa bhi thi...
hamein hamari anaen tabah kar dengi mukalme ka agar silsila nahin karte...
phir aaj kaise kaTegi pahaD jaisi raat guzar gaya hai yahi baat sochte hue din...
yun to har raat chamakte hain sitare lekin vasl ki raat bahut subh ka taara chamka...
saae Dhalne charag jalne lage log apne gharon ko chalne lage...
baat to kuchh bhi nahin thiin lekin us ka ek dam haath ko honTon pe rakh kar rokna achchha laga...
ye jo hasil hamein har shai ki faravani hai ye bhi to apni jagah ek pareshani hai...
tumhi ne kaun si achchhai ki hai chalo maana ki main achchha nahin tha...
tire firaq ki sadiyan tire visal ke pal shumar-e-umr mein ye maah o saal se kuchh hain...
duriyan simaTne mein der kuchh to lagti hai ranjishon ke miTne mein der kuchh to lagti hai...
bevafa to vo khair tha amjad lekin us mein kahin vafa bhi thi...
ye jo saae se bhaTakte hain hamare ird-gird chhu ke un ko dekhiye to vahima koi nahin...
aankh bhi apni sarab-aalud hai aur is dariya mein paani bhi nahin...
dard ka rasta hai yā hai saat-e-roz-e-hisab saikaDōn logon ko roka ek bhi Thahra nahin...
tum hi ne paanv na rakkha vagarna vasl ki shab zamin pe ham ne sitare bichha ke rakkhe the...
faza mein tairte rahte hain naqsh se kya kya mujhe talash na karti hon ye balaen kahin...
na us ka ant hai koi na istiara hai ye dastan hai hijr-o-visal se baahar...
bichhaD ke tujh se na ji paae mukhtasar ye hai is ek baat se nikli hai dastan kya kya...
sadiyan jin mein zinda hon vo sach bhi marne lagte hain dhuup aankhon tak aa jaae to khvab bikharne lagte hain...
us ki galiyon mein rahe gard-e-safar ki surat sang-e-manzil na bane raah ka patthar na hue...
qadam uTha hai to paanv tale zamin hi nahin safar ka ranj hamein khvahish-e-safar se hua...
daam-e-khushbu mein giraftar saba hai kab se lafz izhar ki uljhan mein paDa hai kab se...
aankhon mein kaise tan gai divar-e-be-hisi sinon mein ghuT ke rah gai aavaz kis tarah...
tiir aaya tha jidhar ye mire shahr ke log kitne saada hain ki marham bhi vahin dekhte hain...
itne khadshe nahin hain raston mein jis qadar khvahish-e-safar mein hain...
shabnami aankhon ke jugnu kaanpte honTon ke phuul ek lamha tha jo amjad aaj tak guzra nahin...
kun-fakan ke bhed se maula mujhe aagah kar kaun hun main gar yahan par dusra koi nahin...
shahr-e-sukhan mein aisa kuchh kar izzat ban jaae sab kuchh miTTi ho jaata hai izzat rahti hai...
vo samne hai phir bhi dikhai na de sake mere aur us ke biich ye divar kaun hai...
tum se bichhaD kar pahron sochta rahta hun ab main kyon aur kis ki khatir zinda hun...
saae larazte rahte hain shahron ki galiyon mein rahte the insan jahan ab dahshat rahti hai...
ho chaman ke phulon ka ya kisi pari-vash ka husn ke sanvarne mein der kuchh to lagti hai...
gaahe gaahe hi sahi amjad magar ye vaaqia yun bhi lagta hai ki duniya ka khuda koi nahin...
zakhm ye vasl ke marham se bhi shayad na bhare hijr mein aaisi mili ab ke masafat ham ko...
paspa hui sipah to parcham bhi ham hi the hairat ki baat ye hai ki barham bhi ham hi the...
koi chale to zamin saath saath chalti hai ye raaz ham pe ayaan gard-e-rahguzar se hua...
lahren uTh uTh ke magar us ka badan chuumti thiin vo jo paani mein gaya khuub hi dariya chamka...
larzish nigah mein lahje mein luknat ajiib thi us avvalin visal ki vahshat ajiib thi...
hijr ki anjuman se har saat ashk-e-be-tab ki tarah guzri...
Explore more on Diwan E Sukhan