Ab Ke Tajdid-e-Wafa Ka Nahin Imkan Jaanan
اب کے تجدید وفا کا نہیں امکاں جاناں
یاد کیا تجھ کو دلائیں ترا پیماں جاناں
یونہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں
زندگی تیری عطا تھی سو ترے نام کی ہے
ہم نے جیسے بھی بسر کی ترا احساں جاناں
دل یہ کہتا ہے کہ شاید ہے فسردہ تو بھی
دل کی کیا بات کریں دل تو ہے ناداں جاناں
اول اول کی محبت کے نشے یاد تو کر
بے پیے بھی ترا چہرہ تھا گلستاں جاناں
آخر آخر تو یہ عالم ہے کہ اب ہوش نہیں
رگ مینا سلگ اٹھی کہ رگ جاں جاناں
مدتوں سے یہی عالم نہ توقع نہ امید
دل پکارے ہی چلا جاتا ہے جاناں جاناں
ہم بھی کیا سادہ تھے ہم نے بھی سمجھ رکھا تھا
غم دوراں سے جدا ہے غم جاناں جاناں
اب کے کچھ ایسی سجی محفل یاراں جاناں
سر بزانو ہے کوئی سر بگریباں جاناں
ہر کوئی اپنی ہی آواز سے کانپ اٹھتا ہے
ہر کوئی اپنے ہی سائے سے ہراساں جاناں
جس کو دیکھو وہی زنجیر بپا لگتا ہے
شہر کا شہر ہوا داخل زنداں جاناں
اب ترا ذکر بھی شاید ہی غزل میں آئے
اور سے اور ہوئے درد کے عنواں جاناں
ہم کہ روٹھی ہوئی رت کو بھی منا لیتے تھے
ہم نے دیکھا ہی نہ تھا موسم ہجراں جاناں
ہوش آیا تو سبھی خواب تھے ریزہ ریزہ
جیسے اڑتے ہوئے اوراق پریشاں جاناں
अब के तजदीद-ए-वफ़ा का नहीं इम्काँ जानाँ
याद क्या तुझ को दिलाएँ तिरा पैमाँ जानाँ
यूँही मौसम की अदा देख के याद आया है
किस क़दर जल्द बदल जाते हैं इंसाँ जानाँ
ज़िंदगी तेरी अता थी सो तिरे नाम की है
हम ने जैसे भी बसर की तिरा एहसाँ जानाँ
दिल ये कहता है कि शायद है फ़सुर्दा तू भी
दिल की क्या बात करें दिल तो है नादाँ जानाँ
अव्वल अव्वल की मोहब्बत के नशे याद तो कर
बे-पिए भी तिरा चेहरा था गुलिस्ताँ जानाँ
आख़िर आख़िर तो ये आलम है कि अब होश नहीं
रग-ए-मीना सुलग उट्ठी कि रग-ए-जाँ जानाँ
मुद्दतों से यही आलम न तवक़्क़ो न उमीद
दिल पुकारे ही चला जाता है जानाँ जानाँ
हम भी क्या सादा थे हम ने भी समझ रक्खा था
ग़म-ए-दौराँ से जुदा है ग़म-ए-जानाँ जानाँ
अब के कुछ ऐसी सजी महफ़िल-ए-याराँ जानाँ
सर-ब-ज़ानू है कोई सर-ब-गिरेबाँ जानाँ
हर कोई अपनी ही आवाज़ से काँप उठता है
हर कोई अपने ही साए से हिरासाँ जानाँ
जिस को देखो वही ज़ंजीर-ब-पा लगता है
शहर का शहर हुआ दाख़िल-ए-ज़िंदाँ जानाँ
अब तिरा ज़िक्र भी शायद ही ग़ज़ल में आए
और से और हुए दर्द के उन्वाँ जानाँ
हम कि रूठी हुई रुत को भी मना लेते थे
हम ने देखा ही न था मौसम-ए-हिज्राँ जानाँ
होश आया तो सभी ख़्वाब थे रेज़ा रेज़ा
जैसे उड़ते हुए औराक़-ए-परेशाँ जानाँ
ab ke tajdīd-e-vafā kā nahīñ imkāñ jānāñ
yaad kyā tujh ko dilā.eñ tirā paimāñ jānāñ
yūñhī mausam kī adā dekh ke yaad aayā hai
kis qadar jald badal jaate haiñ insāñ jānāñ
zindagī terī atā thī so tire naam kī hai
ham ne jaise bhī basar kī tirā ehsāñ jānāñ
dil ye kahtā hai ki shāyad hai fasurda tū bhī
dil kī kyā baat kareñ dil to hai nādāñ jānāñ
avval avval kī mohabbat ke nashe yaad to kar
be-piye bhī tirā chehra thā gulistāñ jānāñ
āḳhir āḳhir to ye aalam hai ki ab hosh nahīñ
rag-e-mīnā sulag uTThī ki rag-e-jāñ jānāñ
muddatoñ se yahī aalam na tavaqqo na umiid
dil pukāre hī chalā jaatā hai jānāñ jānāñ
ham bhī kyā saada the ham ne bhī samajh rakkhā thā
ġham-e-daurāñ se judā hai ġham-e-jānāñ jānāñ
ab ke kuchh aisī sajī mahfil-e-yārāñ jānāñ
sar-ba-zānū hai koī sar-ba-garebāñ jānāñ
har koī apnī hī āvāz se kaañp uThtā hai
har koī apne hī saa.e se hirāsāñ jānāñ
jis ko dekho vahī zanjīr-ba-pā lagtā hai
shahr kā shahr huā dāḳhil-e-zindāñ jānāñ
ab tirā zikr bhī shāyad hī ġhazal meñ aa.e
aur se aur hue dard ke unvāñ jānāñ
ham ki rūThī huī rut ko bhī manā lete the
ham ne dekhā hī na thā mausam-e-hijrāñ jānāñ
hosh aayā to sabhī ḳhvāb the reza reza
jaise uḌte hue aurāq-e-pareshāñ jānāñ