Dagh Dehlvi
Urdu
Hindi
Roman
اچھی صورت پہ غضب ٹوٹ کے آنا دل کا
یاد آتا ہے ہمیں ہائے زمانہ دل کا
تم بھی منہ چوم لو بے ساختہ پیار آ جائے
میں سناؤں جو کبھی دل سے فسانہ دل کا
نگہ یار نے کی خانہ خرابی ایسی
نہ ٹھکانا ہے جگر کا نہ ٹھکانا دل کا
پوری مہندی بھی لگانی نہیں آتی اب تک
کیونکر آیا تجھے غیروں سے لگانا دل کا
غنچۂ گل کو وہ مٹھی میں لیے آتے تھے
میں نے پوچھا تو کیا مجھ سے بہانہ دل کا
ان حسینوں کا لڑکپن ہی رہے یا اللہ
ہوش آتا ہے تو آتا ہے ستانا دل کا
دے خدا اور جگہ سینہ و پہلو کے سوا
کہ برے وقت میں ہو جائے ٹھکانا دل کا
میری آغوش سے کیا ہی وہ تڑپ کر نکلے
ان کا جانا تھا الٰہی کہ یہ جانا دل کا
نگہ شرم کو بے تاب کیا کام کیا
رنگ لایا تری آنکھوں میں سمانا دل کا
انگلیاں تار گریباں میں الجھ جاتی ہیں
سخت دشوار ہے ہاتھوں سے دبانا دل کا
حور کی شکل ہو تم نور کے پتلے ہو تم
اور اس پر تمہیں آتا ہے جلانا دل کا
چھوڑ کر اس کو تری بزم سے کیونکر جاؤں
اک جنازے کا اٹھانا ہے اٹھانا دل کا
بے دلی کا جو کہا حال تو فرماتے ہیں
کر لیا تو نے کہیں اور ٹھکانا دل کا
بعد مدت کے یہ اے داغؔ سمجھ میں آیا
وہی دانا ہے کہا جس نے نہ مانا دل کا
अच्छी सूरत पे ग़ज़ब टूट के आना दिल का
याद आता है हमें हाए ज़माना दिल का
तुम भी मुँह चूम लो बे-साख़्ता प्यार आ जाए
मैं सुनाऊँ जो कभी दिल से फ़साना दिल का
निगह-ए-यार ने की ख़ाना-ख़राबी ऐसी
न ठिकाना है जिगर का न ठिकाना दिल का
पूरी मेहँदी भी लगानी नहीं आती अब तक
क्यूँकर आया तुझे ग़ैरों से लगाना दिल का
ग़ुंचा-ए-गुल को वो मुट्ठी में लिए आते थे
मैं ने पूछा तो किया मुझ से बहाना दिल का
इन हसीनों का लड़कपन ही रहे या अल्लाह
होश आता है तो आता है सताना दिल का
दे ख़ुदा और जगह सीना ओ पहलू के सिवा
कि बुरे वक़्त में हो जाए ठिकाना दिल का
मेरी आग़ोश से क्या ही वो तड़प कर निकले
उन का जाना था इलाही कि ये जाना दिल का
निगह-ए-शर्म को बे-ताब किया काम किया
रंग लाया तिरी आँखों में समाना दिल का
उँगलियाँ तार-ए-गिरेबाँ में उलझ जाती हैं
सख़्त दुश्वार है हाथों से दबाना दिल का
हूर की शक्ल हो तुम नूर के पुतले हो तुम
और इस पर तुम्हें आता है जलाना दिल का
छोड़ कर उस को तिरी बज़्म से क्यूँकर जाऊँ
इक जनाज़े का उठाना है उठाना दिल का
बे-दिली का जो कहा हाल तो फ़रमाते हैं
कर लिया तू ने कहीं और ठिकाना दिल का
बा'द मुद्दत के ये ऐ 'दाग़' समझ में आया
वही दाना है कहा जिस ने न माना दिल का
achchhī sūrat pe ġhazab TuuT ke aanā dil kā
yaad aatā hai hameñ haa.e zamānā dil kā
tum bhī muñh chuum lo be-sāḳhta pyaar aa jaa.e
maiñ sunā.ūñ jo kabhī dil se fasānā dil kā
nigah-e-yār ne kī ḳhāna-ḳharābī aisī
na Thikānā hai jigar kā na Thikānā dil kā
puurī mehñdī bhī lagānī nahīñ aatī ab tak
kyūñkar aayā tujhe ġhairoñ se lagānā dil kā
ġhuncha-e-gul ko vo muTThī meñ liye aate the
maiñ ne pūchhā to kiyā mujh se bahānā dil kā
in hasīnoñ kā laḌakpan hī rahe yā allāh
hosh aatā hai to aatā hai satānā dil kā
de ḳhudā aur jagah siina o pahlū ke sivā
ki bure vaqt meñ ho jaa.e Thikānā dil kā
merī āġhosh se kyā hī vo taḌap kar nikle
un kā jaanā thā ilāhī ki ye jaanā dil kā
nigah-e-sharm ko be-tāb kiyā kaam kiyā
rañg laayā tirī āñkhoñ meñ samānā dil kā
uñgliyāñ tār-e-garebāñ meñ ulajh jaatī haiñ
saḳht dushvār hai hāthoñ se dabānā dil kā
huur kī shakl ho tum nuur ke putle ho tum
aur is par tumheñ aatā hai jalānā dil kā
chhoḌ kar us ko tirī bazm se kyūñkar jā.ūñ
ik janāze kā uThānā hai uThānā dil kā
be-dilī kā jo kahā haal to farmāte haiñ
kar liyā tū ne kahīñ aur Thikānā dil kā
ba.ad muddat ke ye ai 'dāġh' samajh meñ aayā
vahī daanā hai kahā jis ne na maanā dil kā