Dafn Jab Khak Mein Hum Sokhta-Saman Honge
دفن جب خاک میں ہم سوختہ ساماں ہوں گے
فلس ماہی کے گل شمع شبستاں ہوں گے
ناوک انداز جدھر دیدۂ جاناں ہوں گے
نیم بسمل کئی ہوں گے کئی بے جاں ہوں گے
تاب نظارہ نہیں آئنہ کیا دیکھنے دوں
اور بن جائیں گے تصویر جو حیراں ہوں گے
تو کہاں جائے گی کچھ اپنا ٹھکانا کر لے
ہم تو کل خواب عدم میں شب ہجراں ہوں گے
ناصحا دل میں تو اتنا تو سمجھ اپنے کہ ہم
لاکھ ناداں ہوئے کیا تجھ سے بھی ناداں ہوں گے
کر کے زخمی مجھے نادم ہوں یہ ممکن ہی نہیں
گر وہ ہوں گے بھی تو بے وقت پشیماں ہوں گے
ایک ہم ہیں کہ ہوئے ایسے پشیمان کہ بس
ایک وہ ہیں کہ جنہیں چاہ کے ارماں ہوں گے
ہم نکالیں گے سن اے موج ہوا بل تیرا
اس کی زلفوں کے اگر بال پریشاں ہوں گے
صبر یا رب مری وحشت کا پڑے گا کہ نہیں
چارہ فرما بھی کبھی قیدی زنداں ہوں گے
منت حضرت عیسیٰ نہ اٹھائیں گے کبھی
زندگی کے لیے شرمندۂ احساں ہوں گے
تیرے دل تفتہ کی تربت پہ عدو جھوٹا ہے
گل نہ ہوں گے شرر آتش سوزاں ہوں گے
غور سے دیکھتے ہیں طوف کو آہوئے حرم
کیا کہیں اس کے سگ کوچہ کے قرباں ہوں گے
داغ دل نکلیں گے تربت سے مری جوں لالہ
یہ وہ اخگر نہیں جو خاک میں پنہاں ہوں گے
چاک پردے سے یہ غمزے ہیں تو اے پردہ نشیں
ایک میں کیا کہ سبھی چاک گریباں ہوں گے
پھر بہار آئی وہی دشت نوردی ہوگی
پھر وہی پاؤں وہی خار مغیلاں ہوں گے
سنگ اور ہاتھ وہی وہ ہی سر و داغ جنون
وہ ہی ہم ہوں گے وہی دشت و بیاباں ہوں گے
عمر ساری تو کٹی عشق بتاں میں مومنؔ
آخری وقت میں کیا خاک مسلماں ہوں گے
दफ़्न जब ख़ाक में हम सोख़्ता-सामाँ होंगे
फ़िल्ल-ए-माही के गुल-ए-शम्अ-ए-शबिस्ताँ होंगे
नावक-अंदाज़ जिधर दीदा-ए-जानाँ होंगे
नीम-बिस्मिल कई होंगे कई बे-जाँ होंगे
ताब-ए-नज़्ज़ारा नहीं आइना क्या देखने दूँ
और बन जाएँगे तस्वीर जो हैराँ होंगे
तू कहाँ जाएगी कुछ अपना ठिकाना कर ले
हम तो कल ख़्वाब-ए-अदम में शब-ए-हिज्राँ होंगे
नासेहा दिल में तू इतना तो समझ अपने कि हम
लाख नादाँ हुए क्या तुझ से भी नादाँ होंगे
कर के ज़ख़्मी मुझे नादिम हों ये मुमकिन ही नहीं
गर वो होंगे भी तो बे-वक़्त पशेमाँ होंगे
एक हम हैं कि हुए ऐसे पशेमान कि बस
एक वो हैं कि जिन्हें चाह के अरमाँ होंगे
हम निकालेंगे सुन ऐ मौज-ए-हवा बल तेरा
उस की ज़ुल्फ़ों के अगर बाल परेशाँ होंगे
सब्र या रब मिरी वहशत का पड़ेगा कि नहीं
चारा-फ़रमा भी कभी क़ैदी-ए-ज़िंदाँ होंगे
मिन्नत-ए-हज़रत-ए-ईसा न उठाएँगे कभी
ज़िंदगी के लिए शर्मिंदा-ए-एहसाँ होंगे
तेरे दिल-तफ़्ता की तुर्बत पे अदू झूटा है
गुल न होंगे शरर-ए-आतिश-ए-सोज़ाँ होंगे
ग़ौर से देखते हैं तौफ़ को आहू-ए-हरम
क्या कहें उस के सग-ए-कूचा के क़ुर्बाँ होंगे
दाग़-ए-दिल निकलेंगे तुर्बत से मिरी जूँ लाला
ये वो अख़्गर नहीं जो ख़ाक में पिन्हाँ होंगे
चाक पर्दे से ये ग़म्ज़े हैं तो ऐ पर्दा-नशीं
एक मैं क्या कि सभी चाक-ए-गिरेबाँ होंगे
फिर बहार आई वही दश्त-नवर्दी होगी
फिर वही पाँव वही ख़ार-ए-मुग़ीलाँ होंगे
संग और हाथ वही वो ही सर ओ दाग़-ए-जुनून
वो ही हम होंगे वही दश्त ओ बयाबाँ होंगे
उम्र सारी तो कटी इश्क़-ए-बुताँ में 'मोमिन'
आख़िरी वक़्त में क्या ख़ाक मुसलमाँ होंगे
dafn jab ḳhaak meñ ham soḳhta-sāmāñ hoñge
fils maahī ke gul-e-sham-e-shabistāñ hoñge
nāvak-andāz jidhar dīda-e-jānāñ hoñge
nīm-bismil ka.ī hoñge ka.ī be-jāñ hoñge
tāb-e-nazzāra nahīñ aa.ina kyā dekhne duuñ
aur ban jā.eñge tasvīr jo hairāñ hoñge
tū kahāñ jā.egī kuchh apnā Thikānā kar le
ham to kal ḳhvāb-e-adam meñ shab-e-hijrāñ hoñge
nāsehā dil meñ tū itnā to samajh apne ki ham
laakh nādāñ hue kyā tujh se bhī nādāñ hoñge
kar ke zaḳhmī mujhe nādim hoñ ye mumkin hī nahīñ
gar vo hoñge bhī to be-vaqt pashemāñ hoñge
ek ham haiñ ki hue aise pashemān ki bas
ek vo haiñ ki jinheñ chaah ke armāñ hoñge
ham nikāleñge sun ai mauj-e-havā bal terā
us kī zulfoñ ke agar baal pareshāñ hoñge
sabr yā rab mirī vahshat kā paḌegā ki nahīñ
chāra-farmā bhī kabhī qaidi-e-zindāñ hoñge
minnat-e-hazrat-e-īsā na uThā.eñge kabhī
zindagī ke liye sharminda-e-ehsāñ hoñge
tere dil-tafta kī turbat pe adū jhūTā hai
gul na hoñge sharar-e-ātash-e-sozāñ hoñge
ġhaur se dekhte haiñ tauf ko āhu-e-haram
kyā kaheñ us ke sag-e-kūcha ke qurbāñ hoñge
dāġh-e-dil nikleñge turbat se mirī juuñ laala
ye vo aḳhgar nahīñ jo ḳhaak meñ pinhāñ hoñge
chaak parde se ye ġhamze haiñ to ai parda-nashīñ
ek maiñ kyā ki sabhī chāk-e-garebāñ hoñge
phir bahār aa.ī vahī dasht-navardī hogī
phir vahī paañv vahī ḳhār-e-muġhīlāñ hoñge
sañg aur haath vahī vo hī sar o dāġh-e-junūn
vo hī ham hoñge vahī dasht o bayābāñ hoñge
umr saarī to kaTī ishq-e-butāñ meñ 'momin'
āḳhirī vaqt meñ kyā ḳhaak musalmāñ hoñge