Dekh To Dil Ki Jaan Se Uthta Hai
دیکھ تو دل کہ جاں سے اٹھتا ہے
یہ دھواں سا کہاں سے اٹھتا ہے
گور کس دل جلے کی ہے یہ فلک
شعلہ اک صبح یاں سے اٹھتا ہے
خانۂ دل سے زینہار نہ جا
کوئی ایسے مکاں سے اٹھتا ہے
نالہ سر کھینچتا ہے جب میرا
شور اک آسماں سے اٹھتا ہے
لڑتی ہے اس کی چشم شوخ جہاں
ایک آشوب واں سے اٹھتا ہے
سدھ لے گھر کی بھی شعلۂ آواز
دود کچھ آشیاں سے اٹھتا ہے
بیٹھنے کون دے ہے پھر اس کو
جو ترے آستاں سے اٹھتا ہے
یوں اٹھے آہ اس گلی سے ہم
جیسے کوئی جہاں سے اٹھتا ہے
عشق اک میرؔ بھاری پتھر ہے
کب یہ تجھ ناتواں سے اٹھتا ہے
देख तो दिल कि जाँ से उठता है
ये धुआँ सा कहाँ से उठता है
गोर किस दिलजले की है ये फ़लक
शोला इक सुब्ह याँ से उठता है
ख़ाना-ए-दिल से ज़ीन्हार न जा
कोई ऐसे मकाँ से उठता है
नाला सर खींचता है जब मेरा
शोर इक आसमाँ से उठता है
लड़ती है उस की चश्म-ए-शोख़ जहाँ
एक आशोब वाँ से उठता है
सुध ले घर की भी शोला-ए-आवाज़
दूद कुछ आशियाँ से उठता है
बैठने कौन दे है फिर उस को
जो तिरे आस्ताँ से उठता है
यूँ उठे आह उस गली से हम
जैसे कोई जहाँ से उठता है
इश्क़ इक 'मीर' भारी पत्थर है
कब ये तुझ ना-तवाँ से उठता है
dekh to dil ki jaañ se uThtā hai
ye dhuāñ sā kahāñ se uThtā hai
gor kis diljale kī hai ye falak
shola ik sub.h yaañ se uThtā hai
ḳhāna-e-dil se zīnhār na jā
koī aise makāñ se uThtā hai
naala sar khīñchtā hai jab merā
shor ik āsmāñ se uThtā hai
laḌtī hai us kī chashm-e-shoḳh jahāñ
ek āshob vaañ se uThtā hai
sudh le ghar kī bhī shola-e-āvāz
duud kuchh āshiyāñ se uThtā hai
baiThne kaun de hai phir us ko
jo tire āstāñ se uThtā hai
yuuñ uThe aah us galī se ham
jaise koī jahāñ se uThtā hai
ishq ik 'mīr' bhārī patthar hai
kab ye tujh nā-tavāñ se uThtā hai