Dil-Bastagi Si Hai Kisi Zulf-e-Duta Ke Sath
دل بستگی سی ہے کسی زلف دوتا کے ساتھ
پالا پڑا ہے ہم کو خدا کس بلا کے ساتھ
کب تک نبھائیے بت ناآشنا کے ساتھ
کیجے وفا کہاں تلک اس بے وفا کے ساتھ
یاد ہوائے یار نے کیا کیا نہ گل کھلائے
آئی چمن سے نکہت گل جب صبا کے ساتھ
مانگا کریں گے اب سے دعا ہجر یار کی
آخر تو دشمنی ہے اثر کو دعا کے ساتھ
ہے کس کا انتظار کہ خواب عدم سے بھی
ہر بار چونک پڑتے ہیں آواز پا کے ساتھ
یا رب وصال یار میں کیونکر ہو زندگی
نکلی ہی جان جاتی ہے ہر ہر ادا کے ساتھ
اللہ رے سوز آتش غم بعد مرگ بھی
اٹھتے ہیں میری خاک سے شعلے ہوا کے ساتھ
سو زندگی نثار کروں ایسی موت پر
یوں روئے زار زار تو اہل عزا کے ساتھ
ہر دم عرق عرق نگہ بے حجاب ہے
کس نے نگاہ گرم سے دیکھا حیا کے ساتھ
مرنے کے بعد بھی وہی آوارگی رہی
افسوس جاں گئی نفس نارسا کے ساتھ
دست جنوں نے میرا گریباں سمجھ لیا
الجھا ہے ان سے شوخ کے بند قبا کے ساتھ
آتے ہی تیرے چل دیے سب ورنہ یاس کا
کیسا ہجوم تھا دل حسرت فزا کے ساتھ
میں کینے سے بھی خوش ہوں کہ سب یہ تو کہتے ہیں
اس فتنہ گر کو لاگ ہے اس مبتلا کے ساتھ
اللہ ری گمراہی بت و بت خانہ چھوڑ کر
مومنؔ چلا ہے کعبہ کو اک پارسا کے ساتھ
مومنؔ وہی غزل پڑھو شب جس سے بزم میں
آتی تھی لب پہ جان زہ و حبذا کے ساتھ
दिल-बस्तगी सी है किसी ज़ुल्फ़-ए-दुता के साथ
पाला पड़ा है हम को ख़ुदा किस बला के साथ
कब तक निभाइए बुत-ए-ना-आश्ना के साथ
कीजे वफ़ा कहाँ तलक उस बेवफ़ा के साथ
याद-ए-हवा-ए-यार ने क्या क्या न गुल खिलाए
आई चमन से निकहत-ए-गुल जब सबा के साथ
माँगा करेंगे अब से दुआ हिज्र-ए-यार की
आख़िर तो दुश्मनी है असर को दुआ के साथ
है किस का इंतज़ार कि ख़्वाब-ए-अदम से भी
हर बार चौंक पड़ते हैं आवाज़-ए-पा के साथ
या रब विसाल-ए-यार में क्यूँकर हो ज़िंदगी
निकली ही जान जाती है हर हर अदा के साथ
अल्लाह रे सोज़-ए-आतिश-ए-ग़म बा'द-ए-मर्ग भी
उठते हैं मेरी ख़ाक से शो'ले हवा के साथ
सौ ज़िंदगी निसार करूँ ऐसी मौत पर
यूँ रोए ज़ार ज़ार तू अहल-ए-अज़ा के साथ
हर दम अरक़ अरक़ निगह-ए-बे-हिजाब है
किस ने निगाह-ए-गर्म से देखा हया के साथ
मरने के बा'द भी वही आवारगी रही
अफ़्सोस जाँ गई नफ़स-ए-ना-रसा के साथ
दस्त-ए-जुनूँ ने मेरा गरेबाँ समझ लिया
उलझा है उन से शोख़ के बंद-ए-क़बा के साथ
आते ही तेरे चल दिए सब वर्ना यास का
कैसा हुजूम था दिल-ए-हसरत-फ़ज़ा के साथ
मैं कीने से भी ख़ुश हूँ कि सब ये तो कहते हैं
उस फ़ित्ना-गर को लाग है इस मुब्तला के साथ
अल्लाह री गुमराही बुत ओ बुत-ख़ाना छोड़ कर
'मोमिन' चला है का'बा को इक पारसा के साथ
'मोमिन' वही ग़ज़ल पढ़ो शब जिस से बज़्म में
आती थी लब पे जान ज़ह-ओ-हब्ज़ा के साथ
dil-bastagī sī hai kisī zulf-e-dutā ke saath
paalā paḌā hai ham ko ḳhudā kis balā ke saath
kab tak nibhā.iye but-e-nā-āshnā ke saath
kiije vafā kahāñ talak us bevafā ke saath
yād-e-havā-e-yār ne kyā kyā na gul khilā.e
aa.ī chaman se nik.hat-e-gul jab sabā ke saath
māñgā kareñge ab se duā hijr-e-yār kī
āḳhir to dushmanī hai asar ko duā ke saath
hai kis kā intizār ki ḳhvāb-e-adam se bhī
har baar chauñk paḌte haiñ āvāz-e-pā ke saath
yā rab visāl-e-yār meñ kyūñkar ho zindagī
niklī hī jaan jaatī hai har har adā ke saath
allāh re soz-e-ātish-e-ġham bā'd-e-marg bhī
uThte haiñ merī ḳhaak se sho'le havā ke saath
sau zindagī nisār karūñ aisī maut par
yuuñ ro.e zaar zaar tū ahl-e-azā ke saath
har dam araq araq nigah-e-be-hijāb hai
kis ne nigāh-e-garm se dekhā hayā ke saath
marne ke baa'd bhī vahī āvārgī rahī
afsos jaañ ga.ī nafas-e-nā-rasā ke saath
dast-e-junūñ ne merā garebāñ samajh liyā
uljhā hai un se shoḳh ke band-e-qabā ke saath
aate hī tere chal diye sab varna yaas kā
kaisā hujūm thā dil-e-hasrat-fazā ke saath
maiñ kiine se bhī ḳhush huuñ ki sab ye to kahte haiñ
us fitna-gar ko laag hai is mubtalā ke saath
allāh rī gumrahī but o but-ḳhāna chhoḌ kar
'momin' chalā hai kā'ba ko ik pārsā ke saath
'momin' vahī ġhazal paḌho shab jis se bazm meñ
aatī thī lab pe jaan zah-o-habbazā ke saath