Fikr Hi Thahri To Dil Ko Fikr-e-Khuban Kyun Na Ho
فکر ہی ٹھہری تو دل کو فکر خوباں کیوں نہ ہو
خاک ہونا ہے تو خاک کوئے جاناں کیوں نہ ہو
دہر میں اے خواجہ ٹھہری جب اسیری ناگزیر
دل اسیر حلقۂ گیسوئے پیچاں کیوں نہ ہو
زیست ہے جب مستقل آوارہ گردی ہی کا نام
عقل والو پھر طواف کوئے جاناں کیوں نہ ہو
جب نہیں مستوریوں میں بھی گناہوں سے نجات
دل کھلے بندوں غریق بحر عصیاں کیوں نہ ہو
اک نہ اک ہنگامے پر موقوف ہے جب زندگی
میکدے میں رند رقصاں و غزل خواں کیوں نہ ہو
جب خوش و ناخوش کسی کے ہاتھ میں دینا ہے ہاتھ
ہم نشیں پھر بیعت جام زر افشاں کیوں نہ ہو
جب بشر کی دسترس سے دور ہے حبل المتیں
دشت وحشت میں پھر اک کافر کا داماں کیوں نہ ہو
ایک ہے جب شور جہل و بانگ حکمت کا مآل
دل ہلاک ذوق گلبانگ پریشاں کیوں نہ ہو
اک نہ اک رفعت کے آگے سجدہ لازم ہے تو پھر
آدمی محو سجود سرو خوباں کیوں نہ ہو
اک نہ اک پھندے ہی میں پھنسنا ہے جب انسان کو
دوش پر دام سیاہ سنبلستاں کیوں نہ ہو
جب فریبوں میں ہی رہنا ہے تو اے اہل خرد
لذت پیمان بار سست پیماں کیوں نہ ہو
یاں جب آویزش ہی ٹھہری ہے تو ذرے چھوڑ کر
آدمی خورشید سے دست و گریباں کیوں نہ ہو
اک نہ اک ظلمت سے جب وابستہ رہنا ہے تو جوشؔ
زندگی پر سایۂ زلف پریشاں کیوں نہ ہو
फ़िक्र ही ठहरी तो दिल को फ़िक्र-ए-ख़ूबाँ क्यूँ न हो
ख़ाक होना है तो ख़ाक-ए-कू-ए-जानाँ क्यूँ न हो
दहर में ऐ ख़्वाजा ठहरी जब असीरी ना-गुज़ीर
दिल असीर-ए-हल्क़ा-ए-गेसू-ए-पेचाँ क्यूँ न हो
ज़ीस्त है जब मुस्तक़िल आवारागर्द़ी ही का नाम
अक़्ल वालो फिर तवाफ़-ए-कू-ए-जानाँ क्यूँ न हो
जब नहीं मस्तूरियों में भी गुनाहों से नजात
दिल खुले बंदों ग़रीक़-ए-बहर-ए-इस्याँ क्यूँ न हो
इक न इक हंगामे पर मौक़ूफ़ है जब ज़िंदगी
मय-कदे में रिंद रक़्साँ ओ ग़ज़ल-ख़्वाँ क्यूँ न हो
जब ख़ुश ओ ना-ख़ुश किसी के हाथ में देना है हाथ
हम-नशीं फिर बैअत-ए-जाम-ए-ज़र-अफ़्शाँ क्यूँ न हो
जब बशर की दस्तरस से दूर है हबलुल-मतीं
दश्त-ए-वहशत में फिर इक काफ़िर का दामाँ क्यूँ न हो
एक है जब शोर-ए-जहल ओ बाँग-ए-हिकमत का मआल
दिल हलाक-ए-ज़ौक़-ए-गुल्बाँग-ए-परेशाँ क्यूँ न हो
इक न इक रिफ़अत के आगे सज्दा लाज़िम है तो फिर
आदमी महव-ए-सुजूद-ए-सर्व-ए-ख़ूबाँ क्यूँ न हो
इक न इक फंदे ही में फँसना है जब इंसान को
दोश पर दाम-ए-सियाह-ए-सुम्बुलिस्ताँ क्यूँ न हो
जब फ़रेबों में ही रहना है तो ऐ अहल-ए-ख़िरद
लज़्ज़त-ए-पैमान-बार-ए-सुस्त-पैमाँ क्यूँ न हो
याँ जब आवेज़िश ही ठहरी है तो ज़र्रे छोड़ कर
आदमी ख़ुर्शीद से दस्त-ओ-गिरेबाँ क्यूँ न हो
इक न इक ज़ुल्मत से जब वाबस्ता रहना है तो 'जोष'
ज़िंदगी पर साया-ए-ज़ुल्फ़-ए-परेशाँ क्यूँ न हो
fikr hī Thahrī to dil ko fikr-e-ḳhūbāñ kyuuñ na ho
ḳhaak honā hai to ḳhāk-e-kū-e-jānāñ kyuuñ na ho
dahr meñ ai ḳhvāja Thahrī jab asīrī nā-guzīr
dil asīr-e-halqa-e-gesū-e-pechāñ kyuuñ na ho
ziist hai jab mustaqil āvāragardī hī kā naam
aql vaalo phir tavāf-e-kū-e-jānāñ kyuuñ na ho
jab nahīñ mastūriyoñ meñ bhī gunāhoñ se najāt
dil khule bandoñ ġharīq-e-bahr-e-isyāñ kyuuñ na ho
ik na ik hañgāme par mauqūf hai jab zindagī
mai-kade meñ rind raqsāñ o ġhazal-ḳhvāñ kyuuñ na ho
jab ḳhush o nā-ḳhush kisī ke haath meñ denā hai haath
ham-nashīñ phir bai.at-e-jām-e-zar-afshāñ kyuuñ na ho
jab bashar kī dastaras se duur hai hablul-matīñ
dasht-e-vahshat meñ phir ik kāfir kā dāmāñ kyuuñ na ho
ek hai jab shor-e-jahl o bāñg-e-hikmat kā ma.aal
dil halāk-e-zauq-e-gulbāñg-e-pareshāñ kyuuñ na ho
ik na ik rif.at ke aage sajda lāzim hai to phir
aadmī mahv-e-sujūd-e-sarv-e-ḳhūbāñ kyuuñ na ho
ik na ik phande hī meñ phañsnā hai jab insān ko
dosh par dām-e-siyāh-e-sumbulistāñ kyuuñ na ho
jab fareboñ meñ hī rahnā hai to ai ahl-e-ḳhirad
lazzat-e-paimān bār-e-sust-paimāñ kyuuñ na ho
yaañ jab āvezish hī Thahrī hai to zarre chhoḌ kar
aadmī ḳhurshīd se dast-o-garebāñ kyuuñ na ho
ik na ik zulmat se jab vābasta rahnā hai to 'josh'
zindagī par sāya-e-zulf-e-pareshāñ kyuuñ na ho