Momin Khan Momin
Urdu
Hindi
Roman
غیروں پہ کھل نہ جائے کہیں راز دیکھنا
میری طرف بھی غمزۂ غماز دیکھنا
اڑتے ہی رنگ رخ مرا نظروں سے تھا نہاں
اس مرغ پر شکستہ کی پرواز دیکھنا
دشنام یار طبع حزیں پر گراں نہیں
اے ہم نفس نزاکت آواز دیکھنا
دیکھ اپنا حال زار منجم ہوا رقیب
تھا سازگار طالع ناساز دیکھنا
بد کام کا مآل برا ہے جزا کے دن
حال سپہر تفرقہ انداز دیکھنا
مت رکھیو گرد تارک عشاق پر قدم
پامال ہو نہ جائے سرفراز دیکھنا
میری نگاہ خیرہ دکھاتے ہیں غیر کو
بے طاقتی پہ سرزنش ناز دیکھنا
ترک صنم بھی کم نہیں سوز جحیم سے
مومنؔ غم مآل کا آغاز دیکھنا
ग़ैरों पे खुल न जाए कहीं राज़ देखना
मेरी तरफ़ भी ग़म्ज़ा-ए-ग़म्माज़ देखना
उड़ते ही रंग-ए-रुख़ मिरा नज़रों से था निहाँ
इस मुर्ग़-ए-पर-शिकस्ता की पर्वाज़ देखना
दुश्नाम-ए-यार तब्अ-ए-हज़ीं पर गिराँ नहीं
ऐ हम-नफ़स नज़ाकत-ए-आवाज़ देखना
देख अपना हाल-ए-ज़ार मुनज्जिम हुआ रक़ीब
था साज़गार ताले-ए-ना-साज़ देखना
बद-काम का मआल बुरा है जज़ा के दिन
हाल-ए-सिपहर-ए-तफ़रक़ा-अंदाज़ देखना
मत रखियो गर्द-ए-तारिक-ए-उश्शाक़ पर क़दम
पामाल हो न जाए सर-अफ़राज़ देखना
मेरी निगाह-ए-ख़ीरा दिखाते हैं ग़ैर को
बे-ताक़ती पे सरज़निश-ए-नाज़ देखना
तर्क-ए-सनम भी कम नहीं सोज़-ए-जहीम से
'मोमिन' ग़म-ए-मआल का आग़ाज़ देखना
ġhairoñ pe khul na jaa.e kahīñ raaz dekhnā
merī taraf bhī ġhamza-e-ġhammāz dekhnā
uḌte hī rañg-e-ruḳh mirā nazroñ se thā nihāñ
is murġh-e-par-shikasta kī parvāz dekhnā
dushnām-e-yār tab-e-hazīñ par girāñ nahīñ
ai ham-nafas nazākat-e-āvāz dekhnā
dekh apnā hāl-e-zār munajjim huā raqīb
thā sāzgār tāla-e-nā-sāz dekhnā
bad-kām kā ma.aal burā hai jazā ke din
hāl-e-sip.har-e-tafraqa-andāz dekhnā
mat rakhiyo gard-e-tārik-e-ushshāq par qadam
pāmāl ho na jaa.e sar-afrāz dekhnā
merī nigāh-e-ḳhīra dikhāte haiñ ġhair ko
be-tāqatī pe sarzanish-e-nāz dekhnā
tark-e-sanam bhī kam nahīñ soz-e-jahīm se
'momin' ġham-e-ma.āl kā āġhāz dekhnā