Dagh Dehlvi
Urdu
Hindi
Roman
غضب کیا ترے وعدے پہ اعتبار کیا
تمام رات قیامت کا انتظار کیا
کسی طرح جو نہ اس بت نے اعتبار کیا
مری وفا نے مجھے خوب شرمسار کیا
ہنسا ہنسا کے شب وصل اشک بار کیا
تسلیاں مجھے دے دے کے بے قرار کیا
یہ کس نے جلوہ ہمارے سر مزار کیا
کہ دل سے شور اٹھا ہائے بے قرار کیا
سنا ہے تیغ کو قاتل نے آب دار کیا
اگر یہ سچ ہے تو بے شبہہ ہم پہ وار کیا
نہ آئے راہ پہ وہ عجز بے شمار کیا
شب وصال بھی میں نے تو انتظار کیا
تجھے تو وعدۂ دیدار ہم سے کرنا تھا
یہ کیا کیا کہ جہاں کو امیدوار کیا
یہ دل کو تاب کہاں ہے کہ ہو مآل اندیش
انہوں نے وعدہ کیا اس نے اعتبار کیا
کہاں کا صبر کہ دم پر ہے بن گئی ظالم
بہ تنگ آئے تو حال دل آشکار کیا
تڑپ پھر اے دل ناداں کہ غیر کہتے ہیں
اخیر کچھ نہ بنی صبر اختیار کیا
ملے جو یار کی شوخی سے اس کی بے چینی
تمام رات دل مضطرب کو پیار کیا
بھلا بھلا کے جتایا ہے ان کو راز نہاں
چھپا چھپا کے محبت کو آشکار کیا
نہ اس کے دل سے مٹایا کہ صاف ہو جاتا
صبا نے خاک پریشاں مرا غبار کیا
ہم ایسے محو نظارہ نہ تھے جو ہوش آتا
مگر تمہارے تغافل نے ہوشیار کیا
ہمارے سینے میں جو رہ گئی تھی آتش ہجر
شب وصال بھی اس کو نہ ہمکنار کیا
رقیب و شیوۂ الفت خدا کی قدرت ہے
وہ اور عشق بھلا تم نے اعتبار کیا
زبان خار سے نکلی صدائے بسم اللہ
جنوں کو جب سر شوریدہ پر سوار کیا
تری نگہ کے تصور میں ہم نے اے قاتل
لگا لگا کے گلے سے چھری کو پیار کیا
غضب تھی کثرت محفل کہ میں نے دھوکے میں
ہزار بار رقیبوں کو ہمکنار کیا
ہوا ہے کوئی مگر اس کا چاہنے والا
کہ آسماں نے ترا شیوہ اختیار کیا
نہ پوچھ دل کی حقیقت مگر یہ کہتے ہیں
وہ بے قرار رہے جس نے بے قرار کیا
جب ان کو طرز ستم آ گئے تو ہوش آیا
برا ہو دل کا برے وقت ہوشیار کیا
فسانۂ شب غم ان کو اک کہانی تھی
کچھ اعتبار کیا کچھ نہ اعتبار کیا
اسیری دل آشفتہ رنگ لا کے رہی
تمام طرۂ طرار تار تار کیا
کچھ آ گئی داور محشر سے ہے امید مجھے
کچھ آپ نے مرے کہنے کا اعتبار کیا
کسی کے عشق نہاں میں یہ بدگمانی تھی
کہ ڈرتے ڈرتے خدا پر بھی آشکار کیا
فلک سے طور قیامت کے بن نہ پڑتے تھے
اخیر اب تجھے آشوب روزگار کیا
وہ بات کر جو کبھی آسماں سے ہو نہ سکے
ستم کیا تو بڑا تو نے افتخار کیا
بنے گا مہر قیامت بھی ایک خال سیاہ
جو چہرہ داغؔ سیہ رو نے آشکار کیا
ग़ज़ब किया तिरे वा'दे पे ए'तिबार किया
तमाम रात क़यामत का इंतज़ार किया
किसी तरह जो न उस बुत ने ए'तिबार किया
मिरी वफ़ा ने मुझे ख़ूब शर्मसार किया
हँसा हँसा के शब-ए-वस्ल अश्क-बार किया
तसल्लियाँ मुझे दे दे के बे-क़रार किया
ये किस ने जल्वा हमारे सर-ए-मज़ार किया
कि दिल से शोर उठा हाए बे-क़रार किया
सुना है तेग़ को क़ातिल ने आब-दार किया
अगर ये सच है तो बे-शुब्हा हम पे वार किया
न आए राह पे वो इज्ज़ बे-शुमार किया
शब-ए-विसाल भी मैं ने तो इंतज़ार किया
तुझे तो वा'दा-ए-दीदार हम से करना था
ये क्या किया कि जहाँ को उमीद-वार किया
ये दिल को ताब कहाँ है कि हो मआल-अंदेश
उन्हों ने वा'दा किया इस ने ए'तिबार किया
कहाँ का सब्र कि दम पर है बन गई ज़ालिम
ब तंग आए तो हाल-ए-दिल आशकार किया
तड़प फिर ऐ दिल-ए-नादाँ कि ग़ैर कहते हैं
अख़ीर कुछ न बनी सब्र इख़्तियार किया
मिले जो यार की शोख़ी से उस की बेचैनी
तमाम रात दिल-ए-मुज़्तरिब को प्यार किया
भुला भुला के जताया है उन को राज़-ए-निहाँ
छुपा छुपा के मोहब्बत को आशकार किया
न उस के दिल से मिटाया कि साफ़ हो जाता
सबा ने ख़ाक परेशाँ मिरा ग़ुबार किया
हम ऐसे महव-ए-नज़ारा न थे जो होश आता
मगर तुम्हारे तग़ाफ़ुल ने होशियार किया
हमारे सीने में जो रह गई थी आतिश-ए-हिज्र
शब-ए-विसाल भी उस को न हम-कनार किया
रक़ीब ओ शेवा-ए-उल्फ़त ख़ुदा की क़ुदरत है
वो और इश्क़ भला तुम ने ए'तिबार किया
ज़बान-ए-ख़ार से निकली सदा-ए-बिस्मिल्लाह
जुनूँ को जब सर-ए-शोरीदा पर सवार किया
तिरी निगह के तसव्वुर में हम ने ऐ क़ातिल
लगा लगा के गले से छुरी को प्यार किया
ग़ज़ब थी कसरत-ए-महफ़िल कि मैं ने धोके में
हज़ार बार रक़ीबों को हम-कनार किया
हुआ है कोई मगर उस का चाहने वाला
कि आसमाँ ने तिरा शेवा इख़्तियार किया
न पूछ दिल की हक़ीक़त मगर ये कहते हैं
वो बे-क़रार रहे जिस ने बे-क़रार किया
जब उन को तर्ज़-ए-सितम आ गए तो होश आया
बुरा हो दिल का बुरे वक़्त होशियार किया
फ़साना-ए-शब-ए-ग़म उन को इक कहानी थी
कुछ ए'तिबार किया कुछ न ए'तिबार किया
असीरी दिल-ए-आशुफ़्ता रंग ला के रही
तमाम तुर्रा-ए-तर्रार तार तार किया
कुछ आ गई दावर-ए-महशर से है उम्मीद मुझे
कुछ आप ने मिरे कहने का ए'तिबार किया
किसी के इश्क़-ए-निहाँ में ये बद-गुमानी थी
कि डरते डरते ख़ुदा पर भी आशकार किया
फ़लक से तौर क़यामत के बन न पड़ते थे
अख़ीर अब तुझे आशोब-ए-रोज़गार किया
वो बात कर जो कभी आसमाँ से हो न सके
सितम किया तो बड़ा तू ने इफ़्तिख़ार किया
बनेगा मेहर-ए-क़यामत भी एक ख़ाल-ए-सियाह
जो चेहरा 'दाग़'-ए-सियह-रू ने आशकार किया
ġhazab kiyā tire va.ade pe e'tibār kiyā
tamām raat qayāmat kā intizār kiyā
kisī tarah jo na us but ne e'tibār kiyā
mirī vafā ne mujhe ḳhuub sharmsār kiyā
hañsā hañsā ke shab-e-vasl ashk-bār kiyā
tasalliyāñ mujhe de de ke be-qarār kiyā
ye kis ne jalva hamāre sar-e-mazār kiyā
ki dil se shor uThā haa.e be-qarār kiyā
sunā hai teġh ko qātil ne āb-dār kiyā
agar ye sach hai to be-shub.ha ham pe vaar kiyā
na aa.e raah pe vo ijz be-shumār kiyā
shab-e-visāl bhī maiñ ne to intizār kiyā
tujhe to vāda-e-dīdār ham se karnā thā
ye kyā kiyā ki jahāñ ko umīd-vār kiyā
ye dil ko taab kahāñ hai ki ho ma.āl-andesh
unhoñ ne va.ada kiyā is ne e'tibār kiyā
kahāñ kā sabr ki dam par hai ban ga.ī zālim
ba tang aa.e to hāl-e-dil āshkār kiyā
taḌap phir ai dil-e-nādāñ ki ġhair kahte haiñ
aḳhīr kuchh na banī sabr iḳhtiyār kiyā
mile jo yaar kī shoḳhī se us kī bechainī
tamām raat dil-e-muztarib ko pyaar kiyā
bhulā bhulā ke jatāyā hai un ko rāz-e-nihāñ
chhupā chhupā ke mohabbat ko āshkār kiyā
na us ke dil se miTāyā ki saaf ho jaatā
sabā ne ḳhaak pareshāñ mirā ġhubār kiyā
ham aise mahv-e-nazāra na the jo hosh aatā
magar tumhāre taġhāful ne hoshyār kiyā
hamāre siine meñ jo rah ga.ī thī ātish-e-hijr
shab-e-visāl bhī us ko na ham-kanār kiyā
raqīb o sheva-e-ulfat ḳhudā kī qudrat hai
vo aur ishq bhalā tum ne e'tibār kiyā
zabān-e-ḳhār se niklī sadā-e-bismillāh
junūñ ko jab sar-e-shorīda par savār kiyā
tirī nigah ke tasavvur meñ ham ne ai qātil
lagā lagā ke gale se chhurī ko pyaar kiyā
ġhazab thī kasrat-e-mahfil ki maiñ ne dhoke meñ
hazār baar raqīboñ ko ham-kanār kiyā
huā hai koī magar us kā chāhne vaalā
ki āsmāñ ne tirā sheva iḳhtiyār kiyā
na pūchh dil kī haqīqat magar ye kahte haiñ
vo be-qarār rahe jis ne be-qarār kiyā
jab un ko tarz-e-sitam aa ga.e to hosh aayā
burā ho dil kā bure vaqt hoshyār kiyā
fasāna-e-shab-e-ġham un ko ik kahānī thī
kuchh e'tibār kiyā kuchh na e'tibār kiyā
asīrī dil-e-āshufta rang lā ke rahī
tamām turra-e-tarrār taar taar kiyā
kuchh aa ga.ī dāvar-e-mahshar se hai ummīd mujhe
kuchh aap ne mire kahne kā e'tibār kiyā
kisī ke ishq-e-nihāñ meñ ye bad-gumānī thī
ki Darte Darte ḳhudā par bhī āshkār kiyā
falak se taur qayāmat ke ban na paḌte the
aḳhīr ab tujhe āshob-e-rozgār kiyā
vo baat kar jo kabhī āsmāñ se ho na sake
sitam kiyā to baḌā tū ne iftiḳhār kiyā
banegā mehr-e-qayāmat bhī ek ḳhāl-e-siyāh
jo chehra 'dāġh'-e-siyah-rū ne āshkār kiyā