Gunah Kya Hai Mera Pahle Inkishaf Karo
گناہ کیا ہے مرا پہلے انکشاف کرو
اور اس کے بعد سزا دو یا پھر معاف کرو
یہ میں بھی مان ہی لوں گا کہ کچھ غلط تھا میں
مگر تم اپنی بھی غلطی کا اعتراف کرو
چلو کہ پھر سے نئے عشق کی کریں شروعات
چلو جو دل میں کدورت ہے اس کو صاف کرو
اڑا رہوں گا ادھر میں بھی ناشناسی پر
ادھر تم اپنے تعلق سے انحراف کرو
محبتوں میں انا کام کس کے آئی ہے
ہر ایک بات سے میری نہ اختلاف کرو
یہ خانقاہِ محبت ہے دل مرا ساحل
عمل یہاں جو کرو عقل کے خلاف کرو
गुनाह क्या है मिरा पहले इंकिशाफ़ करो
और उस के बाद सज़ा दो या फिर मुआफ़ करो
ये मैं भी मान ही लूँगा कि कुछ ग़लत था मैं
मगर तुम अपनी भी ग़लती का ए'तिराफ़ करो
चलो कि फिर से नए इश्क़ की करें शुरुआत
चलो जो दिल में कुदूरत है उस को साफ़ करो
अड़ा रहूँगा इधर मैं भी ना-शनासी पर
उधर तुम अपने तअल्लुक़ से इनहिराफ़ करो
मोहब्बतों में अना काम किस के आई है
हर एक बात से मेरी न इख़्तिलाफ़ करो
ये ख़ानक़ाह-ए-मोहब्बत है दिल मिरा 'साहिल'
अमल यहाँ जो करो अक़्ल के ख़िलाफ़ करो
Gunah kya hai mera pehle inkishaf karo
Aur us ke baad saza do ya phir maaf karo
Ye main bhi maan hi loonga ki kuch ghalat tha main
Magar tum apni bhi ghalti ka eteraf karo
Chalo ki phir se naye ishq ki karein shuruat
Chalo jo dil mein kudoorat hai us ko saaf karo
Ada rahunga idhar main bhi na-shanasi par
Udhar tum apne taalluq se inhiraf karo
Mohabbaton mein ana kaam kis ke aayi hai
Har ek baat se meri na ikhtilaf karo
Ye khanqah-e-mohabbat hai dil mera sahil
Amal yahan jo karo aql ke khilaf karo