Haalat-e-Haal Ke Sabab Haalat-e-Haal Hi Gai
حالت حال کے سبب حالت حال ہی گئی
شوق میں کچھ نہیں گیا شوق کی زندگی گئی
تیرا فراق جان جاں عیش تھا کیا مرے لیے
یعنی ترے فراق میں خوب شراب پی گئی
تیرے وصال کے لیے اپنے کمال کے لیے
حالت دل کہ تھی خراب اور خراب کی گئی
اس کی امید ناز کا ہم سے یہ مان تھا کہ آپ
عمر گزار دیجیے عمر گزار دی گئی
ایک ہی حادثہ تو ہے اور وہ یہ کہ آج تک
بات نہیں کہی گئی بات نہیں سنی گئی
بعد بھی تیرے جان جاں دل میں رہا عجب سماں
یاد رہی تری یہاں پھر تری یاد بھی گئی
اس کے بدن کو دی نمود ہم نے سخن میں اور پھر
اس کے بدن کے واسطے ایک قبا بھی سی گئی
مینا بہ مینا مے بہ مے جام بہ جام جم بہ جم
ناف پیالے کی ترے یاد عجب سہی گئی
کہنی ہے مجھ کو ایک بات آپ سے یعنی آپ سے
آپ کے شہر وصل میں لذت ہجر بھی گئی
صحن خیال یار میں کی نہ بسر شب فراق
جب سے وہ چاندنا گیا جب سے وہ چاندنی گئی
हालत-ए-हाल के सबब हालत-ए-हाल ही गई
शौक़ में कुछ नहीं गया शौक़ की ज़िंदगी गई
तेरा फ़िराक़ जान-ए-जाँ ऐश था क्या मिरे लिए
या'नी तिरे फ़िराक़ में ख़ूब शराब पी गई
तेरे विसाल के लिए अपने कमाल के लिए
हालत-ए-दिल कि थी ख़राब और ख़राब की गई
उस की उमीद-ए-नाज़ का हम से ये मान था कि आप
उम्र गुज़ार दीजिए उम्र गुज़ार दी गई
एक ही हादिसा तो है और वो ये कि आज तक
बात नहीं कही गई बात नहीं सुनी गई
बा'द भी तेरे जान-ए-जाँ दिल में रहा अजब समाँ
याद रही तिरी यहाँ फिर तिरी याद भी गई
उस के बदन को दी नुमूद हम ने सुख़न में और फिर
उस के बदन के वास्ते एक क़बा भी सी गई
मीना-ब-मीना मय-ब-मय जाम-ब-जाम जम-ब-जम
नाफ़-पियाले की तिरे याद अजब सही गई
कहनी है मुझ को एक बात आप से या'नी आप से
आप के शहर-ए-वस्ल में लज़्ज़त-ए-हिज्र भी गई
सहन-ए-ख़याल-ए-यार में की न बसर शब-ए-फ़िराक़
जब से वो चाँदना गया जब से वो चाँदनी गई
hālat-e-hāl ke sabab hālat-e-hāl hī ga.ī
shauq meñ kuchh nahīñ gayā shauq kī zindagī ga.ī
terā firāq jān-e-jāñ aish thā kyā mire liye
ya.anī tire firāq meñ ḳhuub sharāb pī ga.ī
tere visāl ke liye apne kamāl ke liye
hālat-e-dil ki thī ḳharāb aur ḳharāb kī ga.ī
us kī umīd-e-nāz kā ham se ye maan thā ki aap
umr guzār dījiye umr guzār dī ga.ī
ek hī hādsa to hai aur vo ye ki aaj tak
baat nahīñ kahī ga.ī baat nahīñ sunī ga.ī
ba.ad bhī tere jān-e-jāñ dil meñ rahā ajab samāñ
yaad rahī tirī yahāñ phir tirī yaad bhī ga.ī
us ke badan ko dī numūd ham ne suḳhan meñ aur phir
us ke badan ke vāste ek qabā bhī sī ga.ī
mīnā-ba-mīnā mai-ba-mai jām-ba-jām jam-ba-jam
nāf-piyāle kī tire yaad ajab sahī ga.ī
kahnī hai mujh ko ek baat aap se ya.anī aap se
aap ke shahr-e-vasl meñ lazzat-e-hijr bhī ga.ī
sehn-e-ḳhayāl-e-yār meñ kī na basar shab-e-firāq
jab se vo chāñdnā gayā jab se vo chāñdnī ga.ī