Karta Hai Qatl-e-Am Wo Aghyar Ke Liye
کرتا ہے قتل عام وہ اغیار کے لیے
دس بیس روز مرتے ہیں دو چار کے لیے
دیکھا عذاب رنج دل زار کے لیے
عاشق ہوئے ہیں وہ مرے آزار کے لیے
دل عشق تیری نذر کیا جان کیونکہ دوں
رکھا ہے اس کو حسرت دیدار کے لیے
قتل اس نے جرم صبر جفا پر کیا مجھے
یہ ہی سزا تھی ایسے گنہ گار کے لیے
لے تو ہی بھیج دے کوئی پیغام تلخ اب
تجویز زہر ہے ترے بیمار کے لیے
آتا نہیں ہے تو تو نشانی ہی بھیج دے
تسکین اضطراب دل زار کے لیے
کیا دل دیا تھا اس لیے میں نے تمہیں کہ تم
ہو جاؤ یوں عدو مرے اغیار کے لیے
چلنا تو دیکھنا کہ قیامت نے بھی قدم
طرز خرام و شوخی رفتار کے لیے
جی میں ہے موتیوں کی لڑی اس کو بھیج دوں
اظہار حال چشم گہر بار کے لیے
دیتا ہوں اپنے لب کو بھی گلبرگ سے مثال
بوسے جو خواب میں ترے رخسار کے لیے
جینا امید وصل پہ ہجراں میں سہل تھا
مرتا ہوں زندگانی دشوار کے لیے
مومنؔ کو تو نہ لائے کہیں دام میں وہ بت
ڈھونڈے ہے تار سبحہ کے زنار کے لیے
करता है क़त्ल-ए-आम वो अग़्यार के लिए
दस बीस रोज़ मरते हैं दो-चार के लिए
देखा अज़ाब-ए-रंज दिल-ए-ज़ार के लिए
'आशिक़ हुए हैं वो मिरे आज़ार के लिए
दिल इश्क़ तेरी नज़्र किया जान क्यूँकि दूँ
रक्खा है उस को हसरत-ए-दीदार के लिए
क़त्ल उस ने जुर्म-ए-सब्र-ए-जफ़ा पर किया मुझे
ये ही सज़ा थी ऐसे गुनहगार के लिए
ले तू ही भेज दे कोई पैग़ाम-ए-तल्ख़ अब
तज्वीज़ ज़हर है तिरे बीमार के लिए
आता नहीं है तू तो निशानी ही भेज दे
तस्कीन-ए-इज़्तिराब-ए-दिल-ए-ज़ार के लिए
क्या दिल दिया था इस लिए मैं ने तुम्हें कि तुम
हो जाओ यूँ 'अदू मिरे अग़्यार के लिए
चलना तो देखना कि क़यामत ने भी क़दम
तर्ज़-ए-ख़िराम ओ शोख़ी-ए-रफ़्तार के लिए
जी में है मोतियों की लड़ी उस को भेज दूँ
इज़हार-ए-हाल-ए-चश्म-ए-गुहर-बार के लिए
देता हूँ अपने लब को भी गुल-बर्ग से मिसाल
बोसे जो ख़्वाब में तिरे रुख़्सार के लिए
जीना उमीद-ए-वस्ल पे हिज्राँ में सहल था
मरता हूँ ज़िंदगानी-ए-दुश्वार के लिए
'मोमिन' को तो न लाए कहीं दाम में वो बुत
ढूँढे है तार-ए-सुब्हा के ज़ुन्नार के लिए
kartā hai qatl-e-ām vo aġhyār ke liye
das biis roz marte haiñ do-chār ke liye
dekhā azāb-e-ranj dil-e-zār ke liye
'āshiq hue haiñ vo mire āzār ke liye
dil ishq terī nazr kiyā jaan kyūñki duuñ
rakkhā hai us ko hasrat-e-dīdār ke liye
qatl us ne jurm-e-sabr-e-jafā par kiyā mujhe
ye hī sazā thī aise gunahgār ke liye
le tū hī bhej de koī paiġhām-e-talḳh ab
tajvīz zahr hai tire bīmār ke liye
aatā nahīñ hai tū to nishānī hī bhej de
taskīn-e-iztirāb-e-dil-e-zār ke liye
kyā dil diyā thā is liye maiñ ne tumheñ ki tum
ho jaao yuuñ 'adū mire aġhyār ke liye
chalnā to dekhnā ki qayāmat ne bhī qadam
tarz-e-ḳhirām o shoḳhī-e-raftār ke liye
jī meñ hai motiyoñ kī laḌī us ko bhej duuñ
iz.hār-e-hāl-e-chashm-e-guhar-bār ke liye
detā huuñ apne lab ko bhī gul-barg se misāl
bose jo ḳhvāb meñ tire ruḳhsār ke liye
jiinā umīd-e-vasl pe hijrāñ meñ sahl thā
martā huuñ zindagānī-e-dushvār ke liye
'momin' ko to na laa.e kahīñ daam meñ vo but
DhūñDe hai tār-e-sub.ha ke zunnār ke liye