Koi Ummid Bar Nahin Aati
کوئی امید بر نہیں آتی
کوئی صورت نظر نہیں آتی
موت کا ایک دن معین ہے
نیند کیوں رات بھر نہیں آتی
آگے آتی تھی حال دل پہ ہنسی
اب کسی بات پر نہیں آتی
جانتا ہوں ثواب طاعت و زہد
پر طبیعت ادھر نہیں آتی
ہے کچھ ایسی ہی بات جو چپ ہوں
ورنہ کیا بات کر نہیں آتی
کیوں نہ چیخوں کہ یاد کرتے ہیں
میری آواز گر نہیں آتی
داغ دل گر نظر نہیں آتا
بو بھی اے چارہ گر نہیں آتی
ہم وہاں ہیں جہاں سے ہم کو بھی
کچھ ہماری خبر نہیں آتی
مرتے ہیں آرزو میں مرنے کی
موت آتی ہے پر نہیں آتی
کعبہ کس منہ سے جاؤ گے غالبؔ
شرم تم کو مگر نہیں آتی
कोई उम्मीद बर नहीं आती
कोई सूरत नज़र नहीं आती
मौत का एक दिन मुअय्यन है
नींद क्यूँ रात भर नहीं आती
आगे आती थी हाल-ए-दिल पे हँसी
अब किसी बात पर नहीं आती
जानता हूँ सवाब-ए-ताअत-ओ-ज़ोहद
पर तबीअत इधर नहीं आती
है कुछ ऐसी ही बात जो चुप हूँ
वर्ना क्या बात कर नहीं आती
क्यूँ न चीख़ूँ कि याद करते हैं
मेरी आवाज़ गर नहीं आती
दाग़-ए-दिल गर नज़र नहीं आता
बू भी ऐ चारा-गर नहीं आती
हम वहाँ हैं जहाँ से हम को भी
कुछ हमारी ख़बर नहीं आती
मरते हैं आरज़ू में मरने की
मौत आती है पर नहीं आती
का'बा किस मुँह से जाओगे 'ग़ालिब'
शर्म तुम को मगर नहीं आती
koī ummīd bar nahīñ aatī
koī sūrat nazar nahīñ aatī
maut kā ek din muayyan hai
niind kyuuñ raat bhar nahīñ aatī
aage aatī thī hāl-e-dil pe hañsī
ab kisī baat par nahīñ aatī
jāntā huuñ savāb-e-tā.at-o-zohd
par tabī.at idhar nahīñ aatī
hai kuchh aisī hī baat jo chup huuñ
varna kyā baat kar nahīñ aatī
kyuuñ na chīḳhūñ ki yaad karte haiñ
merī āvāz gar nahīñ aatī
dāġh-e-dil gar nazar nahīñ aatā
bū bhī ai chārā-gar nahīñ aatī
ham vahāñ haiñ jahāñ se ham ko bhī
kuchh hamārī ḳhabar nahīñ aatī
marte haiñ aarzū meñ marne kī
maut aatī hai par nahīñ aatī
kā'ba kis muñh se jāoge 'ġhālib'
sharm tum ko magar nahīñ aatī