Le Chala Jaan Meri Ruth Ke Jaana Tera
لے چلا جان مری روٹھ کے جانا تیرا
ایسے آنے سے تو بہتر تھا نہ آنا تیرا
اپنے دل کو بھی بتاؤں نہ ٹھکانا تیرا
سب نے جانا جو پتا ایک نے جانا تیرا
تو جو اے زلف پریشان رہا کرتی ہے
کس کے اجڑے ہوئے دل میں ہے ٹھکانا تیرا
آرزو ہی نہ رہی صبح وطن کی مجھ کو
شام غربت ہے عجب وقت سہانا تیرا
یہ سمجھ کر تجھے اے موت لگا رکھا ہے
کام آتا ہے برے وقت میں آنا تیرا
اے دل شیفتہ میں آگ لگانے والے
رنگ لایا ہے یہ لاکھ کا جمانا تیرا
تو خدا تو نہیں اے ناصح ناداں میرا
کیا خطا کی جو کہا میں نے نہ مانا تیرا
رنج کیا وصل عدو کا جو تعلق ہی نہیں
مجھ کو واللہ ہنساتا ہے رلانا تیرا
کعبہ و دیر میں یا چشم و دل عاشق میں
انہیں دو چار گھروں میں ہے ٹھکانا تیرا
ترک عادت سے مجھے نیند نہیں آنے کی
کہیں نیچا نہ ہو اے گور سرہانا تیرا
میں جو کہتا ہوں اٹھائے ہیں بہت رنج فراق
وہ یہ کہتے ہیں بڑا دل ہے توانا تیرا
بزم دشمن سے تجھے کون اٹھا سکتا ہے
اک قیامت کا اٹھانا ہے اٹھانا تیرا
اپنی آنکھوں میں ابھی کوند گئی بجلی سی
ہم نہ سمجھے کہ یہ آنا ہے کہ جانا تیرا
یوں تو کیا آئے گا تو فرط نزاکت سے یہاں
سخت دشوار ہے دھوکے میں بھی آنا تیرا
داغؔ کو یوں وہ مٹاتے ہیں یہ فرماتے ہیں
تو بدل ڈال ہوا نام پرانا تیرا
ले चला जान मिरी रूठ के जाना तेरा
ऐसे आने से तो बेहतर था न आना तेरा
अपने दिल को भी बताऊँ न ठिकाना तेरा
सब ने जाना जो पता एक ने जाना तेरा
तू जो ऐ ज़ुल्फ़ परेशान रहा करती है
किस के उजड़े हुए दिल में है ठिकाना तेरा
आरज़ू ही न रही सुब्ह-ए-वतन की मुझ को
शाम-ए-ग़ुर्बत है अजब वक़्त सुहाना तेरा
ये समझ कर तुझे ऐ मौत लगा रक्खा है
काम आता है बुरे वक़्त में आना तेरा
ऐ दिल-ए-शेफ़्ता में आग लगाने वाले
रंग लाया है ये लाखे का जमाना तेरा
तू ख़ुदा तो नहीं ऐ नासेह-ए-नादाँ मेरा
क्या ख़ता की जो कहा मैं ने न माना तेरा
रंज क्या वस्ल-ए-अदू का जो तअल्लुक़ ही नहीं
मुझ को वल्लाह हँसाता है रुलाना तेरा
का'बा ओ दैर में या चश्म-ओ-दिल-ए-आशिक़ में
इन्हीं दो-चार घरों में है ठिकाना तेरा
तर्क-ए-आदत से मुझे नींद नहीं आने की
कहीं नीचा न हो ऐ गोर सिरहाना तेरा
मैं जो कहता हूँ उठाए हैं बहुत रंज-ए-फ़िराक़
वो ये कहते हैं बड़ा दिल है तवाना तेरा
बज़्म-ए-दुश्मन से तुझे कौन उठा सकता है
इक क़यामत का उठाना है उठाना तेरा
अपनी आँखों में अभी कौंद गई बिजली सी
हम न समझे कि ये आना है कि जाना तेरा
यूँ तो क्या आएगा तू फ़र्त-ए-नज़ाकत से यहाँ
सख़्त दुश्वार है धोके में भी आना तेरा
'दाग़' को यूँ वो मिटाते हैं ये फ़रमाते हैं
तू बदल डाल हुआ नाम पुराना तेरा
le chalā jaan mirī ruuTh ke jaanā terā
aise aane se to behtar thā na aanā terā
apne dil ko bhī batā.ūñ na Thikānā terā
sab ne jaanā jo patā ek ne jaanā terā
tū jo ai zulf pareshān rahā kartī hai
kis ke ujḌe hue dil meñ hai Thikānā terā
aarzū hī na rahī sub.h-e-vatan kī mujh ko
shām-e-ġhurbat hai ajab vaqt suhānā terā
ye samajh kar tujhe ai maut lagā rakkhā hai
kaam aatā hai bure vaqt meñ aanā terā
ai dil-e-shefta meñ aag lagāne vaale
rañg laayā hai ye lākhe kā jamānā terā
tū ḳhudā to nahīñ ai nāseh-e-nādāñ merā
kyā ḳhatā kī jo kahā maiñ ne na maanā terā
ranj kyā vasl-e-adū kā jo ta.alluq hī nahīñ
mujh ko vallāh hañsātā hai rulānā terā
ka.aba o dair meñ yā chashm-o-dil-e-āshiq meñ
inhīñ do-chār gharoñ meñ hai Thikānā terā
tark-e-ādat se mujhe niind nahīñ aane kī
kahīñ nīchā na ho ai gor sirhānā terā
maiñ jo kahtā huuñ uThā.e haiñ bahut ranj-e-firāq
vo ye kahte haiñ baḌā dil hai tavānā terā
bazm-e-dushman se tujhe kaun uThā saktā hai
ik qayāmat kā uThānā hai uThānā terā
apnī āñkhoñ meñ abhī kauñd ga.ī bijlī sī
ham na samjhe ki ye aanā hai ki jaanā terā
yuuñ to kyā aa.egā tū fart-e-nazākat se yahāñ
saḳht dushvār hai dhoke meñ bhī aanā terā
'dāġh' ko yuuñ vo miTāte haiñ ye farmāte haiñ
tū badal Daal huā naam purānā terā