Josh Malihabadi
Urdu
Hindi
Roman
میری حالت دیکھیے اور ان کی صورت دیکھیے
پھر نگاہ غور سے قانون قدرت دیکھیے
سیر مہتاب و کواکب سے تبسم تا بکے
رو رہی ہے وہ کسی کی شمع تربت دیکھیے
آپ اک جلوہ سراسر میں سراپا اک نظر
اپنی حاجت دیکھیے میری ضرورت دیکھیے
اپنے سامان تعیش سے اگر فرصت ملے
بے کسوں کا بھی کبھی طرز معیشت دیکھیے
مسکرا کر اس طرح آیا نہ کیجے سامنے
کس قدر کمزور ہوں میں میری صورت دیکھیے
آپ کو لایا ہوں ویرانوں میں عبرت کے لیے
حضرت دل دیکھیے اپنی حقیقت دیکھیے
صرف اتنے کے لیے آنکھیں ہمیں بخشی گئیں
دیکھیے دنیا کے منظر اور با عبرت دیکھیے
موت بھی آئی تو چہرے پر تبسم ہی رہا
ضبط پر ہے کس قدر ہم کو بھی قدرت دیکھیے
یہ بھی کوئی بات ہے ہر وقت دولت کا خیال
آدمی ہیں آپ اگر تو آدمیت دیکھیے
پھوٹ نکلے گا جبیں سے ایک چشمہ حسن کا
صبح اٹھ کر خندۂ سامان قدرت دیکھیے
رشحۂ شبنم بہار گل فروغ مہر و ماہ
واہ کیا اشعار ہیں دیوان فطرت دیکھیے
اس سے بڑھ کر اور عبرت کا سبق ممکن نہیں
جو نشاط زندگی تھے ان کی تربت دیکھیے
تھی خطا ان کی مگر جب آ گئے وہ سامنے
جھک گئیں میری ہی آنکھیں رسم الفت دیکھیے
خوش نما یا بد نما ہو دہر کی ہر چیز میں
جوشؔ کی تخئیل کہتی ہے کہ ندرت دیکھیے
मेरी हालत देखिए और उन की सूरत देखिए
फिर निगाह-ए-ग़ौर से क़ानून-ए-क़ुदरत देखिए
सैर-ए-महताब-ओ-कवाकिब से तबस्सुम ता-बके
रो रही है वो किसी की शम्अ-ए-तुर्बत देखिए
आप इक जल्वा सरासर मैं सरापा इक नज़र
अपनी हाजत देखिए मेरी ज़रूरत देखिए
अपने सामान-ए-तअय्युश से अगर फ़ुर्सत मिले
बेकसों का भी कभी तर्ज़-ए-मईशत देखिए
मुस्कुरा कर इस तरह आया न कीजे सामने
किस क़दर कमज़ोर हूँ मैं मेरी सूरत देखिए
आप को लाया हूँ वीरानों में इबरत के लिए
हज़रत-ए-दिल देखिए अपनी हक़ीक़त देखिए
सिर्फ़ इतने के लिए आँखें हमें बख़्शी गईं
देखिए दुनिया के मंज़र और बा-इबरत देखिए
मौत भी आई तो चेहरे पर तबस्सुम ही रहा
ज़ब्त पर है किस क़दर हम को भी क़ुदरत देखिए
ये भी कोई बात है हर वक़्त दौलत का ख़याल
आदमी हैं आप अगर तो आदमिय्यत देखिए
फूट निकलेगा जबीं से एक चश्मा हुस्न का
सुब्ह उठ कर ख़ंदा-ए-सामान-ए-क़ुदरत देखिए
रशहा-ए-शबनम बहार-ए-गुल फ़रोग़-ए-मेहर-ओ-माह
वाह क्या अशआर हैं दीवान-ए-फ़ितरत देखिए
इस से बढ़ कर और इबरत का सबक़ मुमकिन नहीं
जो नशात-ए-ज़िंदगी थे उन की तुर्बत देखिए
थी ख़ता उन की मगर जब आ गए वो सामने
झुक गईं मेरी ही आँखें रस्म-ए-उल्फ़त देखिए
ख़ुश-नुमा या बद-नुमा हो दहर की हर चीज़ में
'जोष' की तख़्ईल कहती है कि नुदरत देखिए
merī hālat dekhiye aur un kī sūrat dekhiye
phir nigāh-e-ġhaur se qānūn-e-qudrat dekhiye
sair-e-mahtāb-o-kavākib se tabassum tā-bake
ro rahī hai vo kisī kī sham-e-turbat dekhiye
aap ik jalva sarāsar maiñ sarāpā ik nazar
apnī hājat dekhiye merī zarūrat dekhiye
apne sāmān-e-ta.ayyush se agar fursat mile
bekasoñ kā bhī kabhī tarz-e-ma.īshat dekhiye
muskurā kar is tarah aayā na kiije sāmne
kis qadar kamzor huuñ maiñ merī sūrat dekhiye
aap ko laayā huuñ vīrānoñ meñ ibrat ke liye
hazrat-e-dil dekhiye apnī haqīqat dekhiye
sirf itne ke liye āñkheñ hameñ baḳhshī ga.iiñ
dekhiye duniyā ke manzar aur ba-ibrat dekhiye
maut bhī aa.ī to chehre par tabassum hī rahā
zabt par hai kis qadar ham ko bhī qudrat dekhiye
ye bhī koī baat hai har vaqt daulat kā ḳhayāl
aadmī haiñ aap agar to ādmiyat dekhiye
phuuT niklegā jabīñ se ek chashma husn kā
sub.h uTh kar ḳhanda-e-sāmān-e-qudrat dekhiye
rash.ha-e-shabnam bahār-e-gul faroġh-e-mehr-o-māh
vaah kyā ash.ār haiñ dīvān-e-fitrat dekhiye
is se baḌh kar aur ibrat kā sabaq mumkin nahīñ
jo nashāt-e-zindagī the un kī turbat dekhiye
thī ḳhatā un kī magar jab aa ga.e vo sāmne
jhuk ga.iiñ merī hī āñkheñ rasm-e-ulfat dekhiye
ḳhush-numā yā bad-numā ho dahr kī har chiiz meñ
'josh' kī taḳh.īl kahtī hai ki nudrat dekhiye