Firaq Gorakhpuri
Urdu
Hindi
Roman
نرم فضا کی کروٹیں دل کو دکھا کے رہ گئیں
ٹھنڈی ہوائیں بھی تری یاد دلا کے رہ گئیں
شام بھی تھی دھواں دھواں حسن بھی تھا اداس اداس
دل کو کئی کہانیاں یاد سی آ کے رہ گئیں
مجھ کو خراب کر گئیں نیم نگاہیاں تری
مجھ سے حیات و موت بھی آنکھیں چرا کے رہ گئیں
حسن نظر فریب میں کس کو کلام تھا مگر
تیری ادائیں آج تو دل میں سما کے رہ گئیں
تب کہیں کچھ پتا چلا صدق و خلوص حسن کا
جب وہ نگاہیں عشق سے باتیں بنا کے رہ گئیں
تیرے خرام ناز سے آج وہاں چمن کھلے
فصلیں بہار کی جہاں خاک اڑا کے رہ گئیں
پوچھ نہ ان نگاہوں کی طرفہ کرشمہ سازیاں
فتنے سلا کے رہ گئیں فتنے جگا کے رہ گئیں
تاروں کی آنکھ بھی بھر آئی میری صدائے درد پر
ان کی نگاہیں بھی ترا نام بتا کے رہ گئیں
اف یہ زمیں کی گردشیں آہ یہ غم کی ٹھوکریں
یہ بھی تو بخت خفتہ کے شانے ہلا کے رہ گئیں
اور تو اہل درد کون سنبھالتا بھلا
ہاں تیری شادمانیاں ان کو رلا کے رہ گئیں
یاد کچھ آئیں اس طرح بھولی ہوئی کہانیاں
کھوئے ہوئے دلوں میں آج درد اٹھا کے رہ گئیں
ساز نشاط زندگی آج لرز لرز اٹھا
کس کی نگاہیں عشق کا درد سنا کے رہ گئیں
تم نہیں آئے اور رات رہ گئی راہ دیکھتی
تاروں کی محفلیں بھی آج آنکھیں بچھا کے رہ گئیں
جھوم کے پھر چلیں ہوائیں وجد میں آئیں پھر فضائیں
پھر تری یاد کی گھٹائیں سینوں پہ چھا کے رہ گئیں
قلب و نگاہ کی یہ عید اف یہ مآل قرب و دید
چرخ کی گردشیں تجھے مجھ سے چھپا کے رہ گئیں
پھر ہیں وہی اداسیاں پھر وہی سونی کائنات
اہل طرب کی محفلیں رنگ جما کے رہ گئیں
کون سکون دے سکا غم زدگان عشق کو
بھیگتی راتیں بھی فراقؔ آگ لگا کے رہ گئیں
नर्म फ़ज़ा की करवटें दिल को दुखा के रह गईं
ठंडी हवाएँ भी तिरी याद दिला के रह गईं
शाम भी थी धुआँ धुआँ हुस्न भी था उदास उदास
दिल को कई कहानियाँ याद सी आ के रह गईं
मुझ को ख़राब कर गईं नीम-निगाहियाँ तिरी
मुझ से हयात ओ मौत भी आँखें चुरा के रह गईं
हुस्न-ए-नज़र-फ़रेब में किस को कलाम था मगर
तेरी अदाएँ आज तो दिल में समा के रह गईं
तब कहीं कुछ पता चला सिद्क़-ओ-ख़ुलूस-ए-हुस्न का
जब वो निगाहें इश्क़ से बातें बना के रह गईं
तेरे ख़िराम-ए-नाज़ से आज वहाँ चमन खिले
फ़स्लें बहार की जहाँ ख़ाक उड़ा के रह गईं
पूछ न उन निगाहों की तुर्फ़ा करिश्मा-साज़ियाँ
फ़ित्ने सुला के रह गईं फ़ित्ने जगा के रह गईं
तारों की आँख भी भर आई मेरी सदा-ए-दर्द पर
उन की निगाहें भी तिरा नाम बता के रह गईं
उफ़ ये ज़मीं की गर्दिशें आह ये ग़म की ठोकरें
ये भी तो बख़्त-ए-ख़ुफ़्ता के शाने हिला के रह गईं
और तो अहल-ए-दर्द कौन सँभालता भला
हाँ तेरी शादमानियाँ उन को रुला के रह गईं
याद कुछ आईं इस तरह भूली हुई कहानियाँ
खोए हुए दिलों में आज दर्द उठा के रह गईं
साज़-ए-नशात-ए-ज़िंदगी आज लरज़ लरज़ उठा
किस की निगाहें इश्क़ का दर्द सुना के रह गईं
तुम नहीं आए और रात रह गई राह देखती
तारों की महफ़िलें भी आज आँखें बिछा के रह गईं
झूम के फिर चलीं हवाएँ वज्द में आईं फिर फ़ज़ाएँ
फिर तिरी याद की घटाएँ सीनों पे छा के रह गईं
क़ल्ब ओ निगाह की ये ईद उफ़ ये मआल-ए-क़ुर्ब-ओ-दीद
चर्ख़ की गर्दिशें तुझे मुझ से छुपा के रह गईं
फिर हैं वही उदासियाँ फिर वही सूनी काएनात
अहल-ए-तरब की महफ़िलें रंग जमा के रह गईं
कौन सुकून दे सका ग़म-ज़दगान-ए-इश्क़ को
भीगती रातें भी 'फ़िराक़' आग लगा के रह गईं
narm fazā kī karvaTeñ dil ko dukhā ke rah ga.iiñ
ThanDī havā.eñ bhī tirī yaad dilā ke rah ga.iiñ
shaam bhī thī dhuāñ dhuāñ husn bhī thā udaas udaas
dil ko ka.ī kahāniyāñ yaad sī aa ke rah ga.iiñ
mujh ko ḳharāb kar ga.iiñ nīm-nigāhiyāñ tirī
mujh se hayāt o maut bhī āñkheñ churā ke rah ga.iiñ
husn-e-nazar-fareb meñ kis ko kalām thā magar
terī adā.eñ aaj to dil meñ samā ke rah ga.iiñ
tab kahīñ kuchh pata chalā sidq-o-ḳhulūs-e-husn kā
jab vo nigāheñ ishq se bāteñ banā ke rah ga.iiñ
tere ḳhirām-e-nāz se aaj vahāñ chaman khile
fasleñ bahār kī jahāñ ḳhaak uḌā ke rah ga.iiñ
pūchh na un nigāhoñ kī turfa karishma-sāziyāñ
fitne sulā ke rah ga.iiñ fitne jagā ke rah ga.iiñ
tāroñ kī aañkh bhī bhar aa.ī merī sadā-e-dard par
un kī nigāheñ bhī tirā naam batā ke rah ga.iiñ
uf ye zamīñ kī gardisheñ aah ye ġham kī Thokareñ
ye bhī to baḳht-e-ḳhufta ke shāne hilā ke rah ga.iiñ
aur to ahl-e-dard kaun sambhāltā bhalā
haañ terī shādmāniyāñ un ko rulā ke rah ga.iiñ
yaad kuchh aa.iiñ is tarah bhūlī huī kahāniyāñ
kho.e hue diloñ meñ aaj dard uThā ke rah ga.iiñ
sāz-e-nashāt-e-zindagī aaj laraz laraz uThā
kis kī nigāheñ ishq kā dard sunā ke rah ga.iiñ
tum nahīñ aa.e aur raat rah ga.ī raah dekhtī
tāroñ kī mahfileñ bhī aaj āñkheñ bichhā ke rah ga.iiñ
jhuum ke phir chalīñ havā.eñ vajd meñ aa.iiñ phir fazā.eñ
phir tirī yaad kī ghaTā.eñ sīnoñ pe chhā ke rah ga.iiñ
qalb o nigāh kī ye iid uf ye ma.āl-e-qurb-o-dīd
charḳh kī gardisheñ tujhe mujh se chhupā ke rah ga.iiñ
phir haiñ vahī udāsiyāñ phir vahī suunī kā.enāt
ahl-e-tarab kī mahfileñ rañg jamā ke rah ga.iiñ
kaun sukūn de sakā ġham-zadagān-e-ishq ko
bhīgtī rāteñ bhī 'firāq' aag lagā ke rah ga.iiñ