Pakizgi Nahin Hai Ridaon Mein In Dinon
پاکیزگی نہیں ہے رداؤں میں ان دنوں
معصومیت رہی نہ اداؤں میں ان دنوں
راس آ گئی حسینوں کو شہروں کی روشنی
موسم بہت اداس ہے گاؤں میں ان دنوں
اصحابِ کہف کی طرح جو نیک لوگ ہیں
گوشہ نشیں ہیں وہ گفاؤں میں ان دنوں
شفاف راستوں سے تو لپٹی ہوئی ہے دھند
چھایا ہوا دھواں ہے فضاؤں میں ان دنوں
اس کی چبھن سے موت ہی بہتر ہے ہم نشیں
کانٹا چبھا ہے جو میرے پاؤں میں ان دنوں
پونہ ہے بمبئی ہے سفر ہے قیام ہے
چکر بندھا ہے اک میرے پاؤں میں ان دنوں
عاقب بجھا بجھا سا تو لگتا ہے گر تو کیا
سورج چھپا ہوا ہے گھٹاؤں میں ان دنوں
عاقب تیرے خلوص کا ہے معجزہ کہ لوگ
کرتے ہیں یاد تجھ کو دعاؤں میں ان دنوں
पाकीज़गी नहीं है रिदाओं में इन दिनों
मासूमियत रही न अदाओं में इन दिनों
रास आ गई हसीनों को शहरों की रौशनी
मौसम बहुत उदास है गांव में इन दिनों
अस्हाब-ए-कहफ़ की तरह जो नेक लोग हैं
गोशा-नशीं हैं वो गुफाओं में इन दिनों
शफ़्फ़ाफ़ रास्तों से तो लिपटी हुई है धुंद
छाया हुआ धुआं है फ़ज़ाओं में इन दिनों
उस की चुभन से मौत ही बेहतर है हम-नशीं
कांटा चुभा है जो मेरे पांव में इन दिनों
पुना है बम्बई है सफ़र है क़याम है
चक्कर बंधा है एक मेरे पांव में इन दिनों
'आक़िब' बुझा बुझा सा तू लगता है गर तो क्या
सूरज छुपा हुआ है घटाओं में इन दिनों
'आक़िब' तेरे ख़ुलूस का है मोजिज़ा कि लोग
करते हैं याद तुझ को दुआओं में इन दिनों
Pakizgi nahin hai ridaon mein in dinon
Masumiyat rahi na adaon mein in dinon
Ras aa gai hasinon ko shahron ki raushni
Mausam bahut udas hai ganw mein in dinon
Ashab-e-kahf ki tarah jo nek log hain
Gosha-nashin hain wo guphaon mein in dinon
Shaffaf raston se to lipTi hui hai dhund
Chhaya hua dhuan hai fazaon mein in dinon
Us ki chubhan se maut hi behtar hai ham-nashin
KanTa chubha hai jo mere panw mein in dinon
Puna hai bambai hai safar hai qayam hai
Chakkar bandha hai ek mere panw mein in dinon
'Aqib' bujha bujha sa tu lagta hai gar to kya
Suraj chhupa hua hai ghaTaon mein in dinon
'Aqib' tere KHulus ka hai moajiza ki log
Karte hain yaad tujh ko duaon mein in dinon