Phire Rah Se Wo Yahan Aate Aate
پھرے راہ سے وہ یہاں آتے آتے
اجل مر رہی تو کہاں آتے آتے
نہ جانا کہ دنیا سے جاتا ہے کوئی
بہت دیر کی مہرباں آتے آتے
سنا ہے کہ آتا ہے سر نامہ بر کا
کہاں رہ گیا ارمغاں آتے آتے
یقیں ہے کہ ہو جائے آخر کو سچی
مرے منہ میں تیری زباں آتے آتے
سنانے کے قابل جو تھی بات ان کو
وہی رہ گئی درمیاں آتے آتے
مجھے یاد کرنے سے یہ مدعا تھا
نکل جائے دم ہچکیاں آتے آتے
ابھی سن ہی کیا ہے جو بیباکیاں ہوں
انہیں آئیں گی شوخیاں آتے آتے
کلیجا مرے منہ کو آئے گا اک دن
یونہی لب پر آہ و فغاں آتے آتے
چلے آتے ہیں دل میں ارمان لاکھوں
مکاں بھر گیا مہماں آتے آتے
نتیجہ نہ نکلا تھکے سب پیامی
وہاں جاتے جاتے یہاں آتے آتے
تمہارا ہی مشتاق دیدار ہوگا
گیا جان سے اک جواں آتے آتے
تری آنکھ پھرتے ہی کیسا پھرا ہے
مری راہ پر آسماں آتے آتے
پڑا ہے بڑا پیچ پھر دل لگی میں
طبیعت رکی ہے جہاں آتے آتے
مرے آشیاں کے تو تھے چار تنکے
چمن اڑ گیا آندھیاں آتے آتے
کسی نے کچھ ان کو ابھارا تو ہوتا
نہ آتے نہ آتے یہاں آتے آتے
قیامت بھی آتی تھی ہمراہ اس کے
مگر رہ گئی ہم عناں آتے آتے
بنا ہے ہمیشہ یہ دل باغ و صحرا
بہار آتے آتے خزاں آتے آتے
نہیں کھیل اے داغؔ یاروں سے کہہ دو
کہ آتی ہے اردو زباں آتے آتے
फिरे राह से वो यहाँ आते आते
अजल मर रही तू कहाँ आते आते
न जाना कि दुनिया से जाता है कोई
बहुत देर की मेहरबाँ आते आते
सुना है कि आता है सर नामा-बर का
कहाँ रह गया अरमुग़ाँ आते आते
यक़ीं है कि हो जाए आख़िर को सच्ची
मिरे मुँह में तेरी ज़बाँ आते आते
सुनाने के क़ाबिल जो थी बात उन को
वही रह गई दरमियाँ आते आते
मुझे याद करने से ये मुद्दआ था
निकल जाए दम हिचकियाँ आते आते
अभी सिन ही क्या है जो बेबाकियाँ हों
उन्हें आएँगी शोख़ियाँ आते आते
कलेजा मिरे मुँह को आएगा इक दिन
यूँही लब पर आह-ओ-फ़ुग़ाँ आते आते
चले आते हैं दिल में अरमान लाखों
मकाँ भर गया मेहमाँ आते आते
नतीजा न निकला थके सब पयामी
वहाँ जाते जाते यहाँ आते आते
तुम्हारा ही मुश्ताक़-ए-दीदार होगा
गया जान से इक जवाँ आते आते
तिरी आँख फिरते ही कैसा फिरा है
मिरी राह पर आसमाँ आते आते
पड़ा है बड़ा पेच फिर दिल-लगी में
तबीअ'त रुकी है जहाँ आते आते
मिरे आशियाँ के तो थे चार तिनके
चमन उड़ गया आँधियाँ आते आते
किसी ने कुछ उन को उभारा तो होता
न आते न आते यहाँ आते आते
क़यामत भी आती थी हमराह उस के
मगर रह गई हम-इनाँ आते आते
बना है हमेशा ये दिल बाग़ ओ सहरा
बहार आते आते ख़िज़ाँ आते आते
नहीं खेल ऐ 'दाग़' यारों से कह दो
कि आती है उर्दू ज़बाँ आते आते
phire raah se vo yahāñ aate aate
ajal mar rahī tū kahāñ aate aate
na jaanā ki duniyā se jaatā hai koī
bahut der kī mehrbāñ aate aate
sunā hai ki aatā hai sar nāma-bar kā
kahāñ rah gayā armuġhāñ aate aate
yaqīñ hai ki ho jaa.e āḳhir ko sachchī
mire muñh meñ terī zabāñ aate aate
sunāne ke qābil jo thī baat un ko
vahī rah ga.ī darmiyāñ aate aate
mujhe yaad karne se ye mudda'ā thā
nikal jaa.e dam hichkiyāñ aate aate
abhī sin hī kyā hai jo bebākiyāñ hoñ
unheñ ā.eñgī shoḳhiyāñ aate aate
kalejā mire muñh ko aa.egā ik din
yūñhī lab par āh-o-fuġhāñ aate aate
chale aate haiñ dil meñ armān lākhoñ
makāñ bhar gayā mehmāñ aate aate
natīja na niklā thake sab payāmī
vahāñ jaate jaate yahāñ aate aate
tumhārā hī mushtāq-e-dīdār hogā
gayā jaan se ik javāñ aate aate
tirī aañkh phirte hī kaisā phirā hai
mirī raah par āsmāñ aate aate
paḌā hai baḌā pech phir dil-lagī meñ
tabī'at rukī hai jahāñ aate aate
mire āshiyāñ ke to the chaar tinke
chaman uḌ gayā āñdhiyāñ aate aate
kisī ne kuchh un ko ubhārā to hotā
na aate na aate yahāñ aate aate
qayāmat bhī aatī thī hamrāh us ke
magar rah ga.ī ham-ināñ aate aate
banā hai hamesha ye dil baaġh o sahrā
bahār aate aate ḳhizāñ aate aate
nahīñ khel ai 'dāġh' yāroñ se kah do
ki aatī hai urdu zabāñ aate aate