Sab Log Jidhar Wo Hain Udhar Dekh Rahe Hain
سب لوگ جدھر وہ ہیں ادھر دیکھ رہے ہیں
ہم دیکھنے والوں کی نظر دیکھ رہے ہیں
تیور ترے اے رشک قمر دیکھ رہے ہیں
ہم شام سے آثار سحر دیکھ رہے ہیں
میرا دل گمگشتہ جو ڈھونڈا نہیں ملتا
وہ اپنا دہن اپنی کمر دیکھ رہے ہیں
کوئی تو نکل آئے گا سرباز محبت
دل دیکھ رہے ہیں وہ جگر دیکھ رہے ہیں
ہے مجمع اغیار کہ ہنگامۂ محشر
کیا سیر مرے دیدۂ تر دیکھ رہے ہیں
اب اے نگہ شوق نہ رہ جائے تمنا
اس وقت ادھر سے وہ ادھر دیکھ رہے ہیں
ہرچند کہ ہر روز کی رنجش ہے قیامت
ہم کوئی دن اس کو بھی مگر دیکھ رہے ہیں
آمد ہے کسی کی کہ گیا کوئی ادھر سے
کیوں سب طرف راہگزر دیکھ رہے ہیں
تکرار تجلی نے ترے جلوے میں کیوں کی
حیرت زدہ سب اہل نظر دیکھ رہے ہیں
نیرنگ ہے ایک ایک ترا دید کے قابل
ہم اے فلک شعبدہ گر دیکھ رہے ہیں
کب تک ہے تمہارا سخن تلخ گوارا
اس زہر میں کتنا ہے اثر دیکھ رہے ہیں
کچھ دیکھ رہے ہیں دل بسمل کا تڑپنا
کچھ غور سے قاتل کا ہنر دیکھ رہے ہیں
اب تک تو جو قسمت نے دکھایا وہی دیکھا
آئندہ ہو کیا نفع و ضرر دیکھ رہے ہیں
پہلے تو سنا کرتے تھے عاشق کی مصیبت
اب آنکھ سے وہ آٹھ پہر دیکھ رہے ہیں
کیوں کفر ہے دیدار صنم حضرت واعظ
اللہ دکھاتا ہے بشر دیکھ رہے ہیں
خط غیر کا پڑھتے تھے جو ٹوکا تو وہ بولے
اخبار کا پرچہ ہے خبر دیکھ رہے ہیں
پڑھ پڑھ کے وہ دم کرتے ہیں کچھ ہاتھ پر اپنے
ہنس ہنس کے مرے زخم جگر دیکھ رہے ہیں
میں داغؔ ہوں مرتا ہوں ادھر دیکھیے مجھ کو
منہ پھیر کے یہ آپ کدھر دیکھ رہے ہیں
सब लोग जिधर वो हैं उधर देख रहे हैं
हम देखने वालों की नज़र देख रहे हैं
तेवर तिरे ऐ रश्क-ए-क़मर देख रहे हैं
हम शाम से आसार-ए-सहर देख रहे हैं
मेरा दिल-ए-गुम-गश्ता जो ढूँडा नहीं मिलता
वो अपना दहन अपनी कमर देख रहे हैं
कोई तो निकल आएगा सरबाज़-ए-मोहब्बत
दिल देख रहे हैं वो जिगर देख रहे हैं
है मजमा-ए-अग़्यार कि हंगामा-ए-महशर
क्या सैर मिरे दीदा-ए-तर देख रहे हैं
अब ऐ निगह-ए-शौक़ न रह जाए तमन्ना
इस वक़्त उधर से वो इधर देख रहे हैं
हर-चंद कि हर रोज़ की रंजिश है क़यामत
हम कोई दिन उस को भी मगर देख रहे हैं
आमद है किसी की कि गया कोई इधर से
क्यूँ सब तरफ़-ए-राहगुज़र देख रहे हैं
तकरार तजल्ली ने तिरे जल्वे में क्यूँ की
हैरत-ज़दा सब अहल-ए-नज़र देख रहे हैं
नैरंग है एक एक तिरा दीद के क़ाबिल
हम ऐ फ़लक-ए-शोबदा-गर देख रहे हैं
कब तक है तुम्हारा सुख़न-ए-तल्ख़ गवारा
इस ज़हर में कितना है असर देख रहे हैं
कुछ देख रहे हैं दिल-ए-बिस्मिल का तड़पना
कुछ ग़ौर से क़ातिल का हुनर देख रहे हैं
अब तक तो जो क़िस्मत ने दिखाया वही देखा
आइंदा हो क्या नफ़ा ओ ज़रर देख रहे हैं
पहले तो सुना करते थे आशिक़ की मुसीबत
अब आँख से वो आठ पहर देख रहे हैं
क्यूँ कुफ़्र है दीदार-ए-सनम हज़रत-ए-वाइज़
अल्लाह दिखाता है बशर देख रहे हैं
ख़त ग़ैर का पढ़ते थे जो टोका तो वो बोले
अख़बार का परचा है ख़बर देख रहे हैं
पढ़ पढ़ के वो दम करते हैं कुछ हाथ पर अपने
हँस हँस के मिरे ज़ख़्म-ए-जिगर देख रहे हैं
मैं 'दाग़' हूँ मरता हूँ इधर देखिए मुझ को
मुँह फेर के ये आप किधर देख रहे हैं
sab log jidhar vo haiñ udhar dekh rahe haiñ
ham dekhne vāloñ kī nazar dekh rahe haiñ
tevar tire ai rashk-e-qamar dekh rahe haiñ
ham shaam se āsār-e-sahar dekh rahe haiñ
merā dil-e-gum-gashta jo DhūñDā nahīñ miltā
vo apnā dahan apnī kamar dekh rahe haiñ
koī to nikal aa.egā sarbāz-e-mohabbat
dil dekh rahe haiñ vo jigar dekh rahe haiñ
hai majma-e-aġhyār ki hañgāma-e-mahshar
kyā sair mire dīda-e-tar dekh rahe haiñ
ab ai nigah-e-shauq na rah jaa.e tamannā
is vaqt udhar se vo idhar dekh rahe haiñ
har-chand ki har roz kī ranjish hai qayāmat
ham koī din us ko bhī magar dekh rahe haiñ
aamad hai kisī kī ki gayā koī idhar se
kyuuñ sab taraf-e-rāhguzar dekh rahe haiñ
takrār tajallī ne tire jalve meñ kyuuñ kī
hairat-zada sab ahl-e-nazar dekh rahe haiñ
nairañg hai ek ek tirā diid ke qābil
ham ai falak-e-shobada-gar dekh rahe haiñ
kab tak hai tumhārā suḳhan-e-talḳh gavārā
is zahr meñ kitnā hai asar dekh rahe haiñ
kuchh dekh rahe haiñ dil-e-bismil kā taḌapnā
kuchh ġhaur se qātil kā hunar dekh rahe haiñ
ab tak to jo qismat ne dikhāyā vahī dekhā
ā.inda ho kyā nafā o zarar dekh rahe haiñ
pahle to sunā karte the āshiq kī musībat
ab aañkh se vo aaTh pahar dekh rahe haiñ
kyuuñ kufr hai dīdār-e-sanam hazrat-e-vā.iz
allāh dikhātā hai bashar dekh rahe haiñ
ḳhat ġhair kā paḌhte the jo Tokā to vo bole
aḳhbār kā parcha hai ḳhabar dekh rahe haiñ
paḌh paḌh ke vo dam karte haiñ kuchh haath par apne
hañs hañs ke mire zaḳhm-e-jigar dekh rahe haiñ
maiñ 'dāġh' huuñ martā huuñ idhar dekhiye mujh ko
muñh pher ke ye aap kidhar dekh rahe haiñ