Samne Us Ke Kabhi Uski Sataish Nahin Ki
سامنے اس کے کبھی اس کی ستائش نہیں کی
دل نے چاہا بھی اگر ہونٹوں نے جنبش نہیں کی
اہل محفل پہ کب احوال کھلا ہے اپنا
میں بھی خاموش رہا اس نے بھی پرسش نہیں کی
جس قدر اس سے تعلق تھا چلا جاتا ہے
اس کا کیا رنج ہو جس کی کبھی خواہش نہیں کی
یہ بھی کیا کم ہے کہ دونوں کا بھرم قائم ہے
اس نے بخشش نہیں کی ہم نے گزارش نہیں کی
اک تو ہم کو ادب آداب نے پیاسا رکھا
اس پہ محفل میں صراحی نے بھی گردش نہیں کی
ہم کہ دکھ اوڑھ کے خلوت میں پڑے رہتے ہیں
ہم نے بازار میں زخموں کی نمائش نہیں کی
اے مرے ابر کرم دیکھ یہ ویرانۂ جاں
کیا کسی دشت پہ تو نے کبھی بارش نہیں کی
کٹ مرے اپنے قبیلے کی حفاظت کے لیے
مقتل شہر میں ٹھہرے رہے جنبش نہیں کی
وہ ہمیں بھول گیا ہو تو عجب کیا ہے فرازؔ
ہم نے بھی میل ملاقات کی کوشش نہیں کی
सामने उस के कभी उस की सताइश नहीं की
दिल ने चाहा भी अगर होंटों ने जुम्बिश नहीं की
अहल-ए-महफ़िल पे कब अहवाल खुला है अपना
मैं भी ख़ामोश रहा उस ने भी पुर्सिश नहीं की
जिस क़दर उस से तअ'ल्लुक़ था चला जाता है
उस का क्या रंज हो जिस की कभी ख़्वाहिश नहीं की
ये भी क्या कम है कि दोनों का भरम क़ाएम है
उस ने बख़्शिश नहीं की हम ने गुज़ारिश नहीं की
इक तो हम को अदब आदाब ने प्यासा रक्खा
उस पे महफ़िल में सुराही ने भी गर्दिश नहीं की
हम कि दुख ओढ़ के ख़ल्वत में पड़े रहते हैं
हम ने बाज़ार में ज़ख़्मों की नुमाइश नहीं की
ऐ मिरे अब्र-ए-करम देख ये वीराना-ए-जाँ
क्या किसी दश्त पे तू ने कभी बारिश नहीं की
कट मरे अपने क़बीले की हिफ़ाज़त के लिए
मक़्तल-ए-शहर में ठहरे रहे जुम्बिश नहीं की
वो हमें भूल गया हो तो अजब क्या है 'फ़राज़'
हम ने भी मेल-मुलाक़ात की कोशिश नहीं की
sāmne us ke kabhī us kī satā.ish nahīñ kī
dil ne chāhā bhī agar hoñToñ ne jumbish nahīñ kī
ahl-e-mahfil pe kab ahvāl khulā hai apnā
maiñ bhī ḳhāmosh rahā us ne bhī pursish nahīñ kī
jis qadar us se ta'alluq thā chalā jaatā hai
us kā kyā ranj ho jis kī kabhī ḳhvāhish nahīñ kī
ye bhī kyā kam hai ki donoñ kā bharam qaa.em hai
us ne baḳhshish nahīñ kī ham ne guzārish nahīñ kī
ik to ham ko adab ādāb ne pyāsā rakkhā
us pe mahfil meñ surāhī ne bhī gardish nahīñ kī
ham ki dukh oḌh ke ḳhalvat meñ paḌe rahte haiñ
ham ne bāzār meñ zaḳhmoñ kī numā.ish nahīñ kī
ai mire abr-e-karam dekh ye vīrāna-e-jāñ
kyā kisī dasht pe tū ne kabhī bārish nahīñ kī
kaT mare apne qabīle kī hifāzat ke liye
maqtal-e-shahr meñ Thahre rahe jumbish nahīñ kī
vo hameñ bhuul gayā ho to ajab kyā hai 'farāz'
ham ne bhī mel-mulāqāt kī koshish nahīñ kī