Firaq Gorakhpuri
Urdu
Hindi
Roman
شام غم کچھ اس نگاہ ناز کی باتیں کرو
بے خودی بڑھتی چلی ہے راز کی باتیں کرو
یہ سکوت ناز یہ دل کی رگوں کا ٹوٹنا
خاموشی میں کچھ شکست ساز کی باتیں کرو
نکہت زلف پریشاں داستان شام غم
صبح ہونے تک اسی انداز کی باتیں کرو
ہر رگ دل وجد میں آتی رہے دکھتی رہے
یونہی اس کے جا و بیجا ناز کی باتیں کرو
جو عدم کی جان ہے جو ہے پیام زندگی
اس سکوت راز اس آواز کی باتیں کرو
عشق رسوا ہو چلا بے کیف سا بیزار سا
آج اس کی نرگس غماز کی باتیں کرو
نام بھی لینا ہے جس کا اک جہان رنگ و بو
دوستو اس نو بہار ناز کی باتیں کرو
کس لیے عذر تغافل کس لیے الزام عشق
آج چرخ تفرقہ پرواز کی باتیں کرو
کچھ قفس کی تیلیوں سے چھن رہا ہے نور سا
کچھ فضا کچھ حسرت پرواز کی باتیں کرو
جو حیات جاوداں ہے جو ہے مرگ ناگہاں
آج کچھ اس ناز اس انداز کی باتیں کرو
عشق بے پروا بھی اب کچھ ناشکیبا ہو چلا
شوخی حسن کرشمہ ساز کی باتیں کرو
جس کی فرقت نے پلٹ دی عشق کی کایا فراقؔ
آج اس عیسیٰ نفس دم ساز کی باتیں کرو
शाम-ए-ग़म कुछ उस निगाह-ए-नाज़ की बातें करो
बे-ख़ुदी बढ़ती चली है राज़ की बातें करो
ये सुकूत-ए-नाज़ ये दिल की रगों का टूटना
ख़ामुशी में कुछ शिकस्त-ए-साज़ की बातें करो
निकहत-ए-ज़ुल्फ़-ए-परेशाँ दास्तान-ए-शाम-ए-ग़म
सुब्ह होने तक इसी अंदाज़ की बातें करो
हर रग-ए-दिल वज्द में आती रहे दुखती रहे
यूँही उस के जा-ओ-बेजा नाज़ की बातें करो
जो अदम की जान है जो है पयाम-ए-ज़िंदगी
उस सुकूत-ए-राज़ उस आवाज़ की बातें करो
इश्क़ रुस्वा हो चला बे-कैफ़ सा बेज़ार सा
आज उस की नरगस-ए-ग़म्माज़ की बातें करो
नाम भी लेना है जिस का इक जहान-ए-रंग-ओ-बू
दोस्तो उस नौ-बहार-ए-नाज़ की बातें करो
किस लिए उज़्र-ए-तग़ाफ़ुल किस लिए इल्ज़ाम-ए-इश्क़
आज चर्ख़-ए-तफ़रक़ा-पर्वाज़ की बातें करो
कुछ क़फ़स की तीलियों से छन रहा है नूर सा
कुछ फ़ज़ा कुछ हसरत-ए-पर्वाज़ की बातें करो
जो हयात-ए-जाविदाँ है जो है मर्ग-ए-ना-गहाँ
आज कुछ उस नाज़ उस अंदाज़ की बातें करो
इश्क़-ए-बे-पर्वा भी अब कुछ ना-शकेबा हो चला
शोख़ी-ए-हुस्न-ए-करिश्मा-साज़ की बातें करो
जिस की फ़ुर्क़त ने पलट दी इश्क़ की काया 'फ़िराक़'
आज उस ईसा-नफ़स दम-साज़ की बातें करो
shām-e-ġham kuchh us nigāh-e-nāz kī bāteñ karo
be-ḳhudī baḌhtī chalī hai raaz kī bāteñ karo
ye sukūt-e-nāz ye dil kī ragoñ kā TūTnā
ḳhāmushī meñ kuchh shikast-e-sāz kī bāteñ karo
nik.hat-e-zulf-e-pareshāñ dāstān-e-shām-e-ġham
sub.h hone tak isī andāz kī bāteñ karo
har rag-e-dil vajd meñ aatī rahe dukhtī rahe
yūñhī us ke jā-o-bejā naaz kī bāteñ karo
jau adam kī jaan hai jo hai payām-e-zindagī
us sukūt-e-rāz us āvāz kī bāteñ karo
ishq rusvā ho chalā be-kaif sā bezār sā
aaj us kī nargas-e-ġhammaz kī bāteñ karo
naam bhī lenā hai jis kā ik jahān-e-rañg-o-bū
dosto us nau-bahār-e-nāz kī bāteñ karo
kis liye uzr-e-taġhāful kis liye ilzām-e-ishq
aaj charḳh-e-tafraqa-parvāz kī bāteñ karo
kuchh qafas kī tīliyoñ se chhan rahā hai nuur sā
kuchh fazā kuchh hasrat-e-parvāz kī bāteñ karo
jo hayāt-e-jāvidāñ hai jo hai marg-e-nā-gahāñ
aaj kuchh us naaz us andāz kī bāteñ karo
ishq-e-be-parvā bhī ab kuchh nā-shakebā ho chalā
shoḳhī-e-husn-e-karishma-sāz kī bāteñ karo
jis kī furqat ne palaT dī ishq kī kaayā 'firāq'
aaj us īsā-nafas dam-sāz kī bāteñ karo