Tere Badan Se Jo Chhu Kar Idhar Bhi Aata Hai
ترے بدن سے جو چھو کر ادھر بھی آتا ہے
مثالِ رنگ وہ جھونکا نظر بھی آتا ہے
تمام شب جہاں جلتا ہے اک اداس دیا
ہوا کی راہ میں اک ایسا گھر بھی آتا ہے
وہ مجھ کو ٹوٹ کے چاہے گا چھوڑ جائے گا
مجھے خبر تھی اسے یہ ہنر بھی آتا ہے
اجاڑ بن میں اترتا ہے اک جگنو بھی
ہوا کے ساتھ کوئی ہمسفر بھی آتا ہے
وفا کی کون سی منزل پہ اس نے چھوڑا تھا
کہ وہ تو یاد ہمیں بھول کر بھی آتا ہے
جہاں لہو کے سمندر کی حد ٹھہرتی ہے
وہیں جزیرۂ لعل و گہر بھی آتا ہے
چلے جو ذکر فرشتوں کی پارسائی کا
تو زیرِ بحث مقامِ بشر بھی آتا ہے
ابھی سناں کو سنبھالے رہیں عدو میرے
کہ ان صفوں میں کہیں میرا سر بھی آتا ہے
کبھی کبھی مجھے ملنے بلندیوں سے کوئی
شعاعِ صبح کی صورت اتر بھی آتا ہے
اسی لیے میں کسی شب نہ سو سکا 'محسن'
وہ ماہتاب کبھی بام پر بھی آتا ہے
तिरे बदन से जो छू कर इधर भी आता है
मिसाल-ए-रंग वो झोंका नज़र भी आता है
तमाम शब जहाँ जलता है इक उदास दिया
हवा की राह में इक ऐसा घर भी आता है
वो मुझ को टूट के चाहेगा छोड़ जाएगा
मुझे ख़बर थी उसे ये हुनर भी आता है
उजाड़ बन में उतरता है इक जुगनू भी
हवा के साथ कोई हम-सफ़र भी आता है
वफ़ा की कौन सी मंज़िल पे उस ने छोड़ा था
कि वो तो याद हमें भूल कर भी आता है
जहाँ लहू के समुंदर की हद ठहरती है
वहीं जज़ीरा-ए-लाल-ओ-गुहर भी आता है
चले जो ज़िक्र फ़रिश्तों की पारसाई का
तो ज़ेर-ए-बहस मक़ाम-ए-बशर भी आता है
अभी सिनाँ को सँभाले रहें अदू मेरे
कि उन सफ़ों में कहीं मेरा सर भी आता है
कभी कभी मुझे मिलने बुलंदियों से कोई
शुआ-ए-सुब्ह की सूरत उतर भी आता है
इसी लिए मैं किसी शब न सो सका 'मोहसिन'
वो माहताब कभी बाम पर भी आता है
Tere badan se jo chhoo kar idhar bhi aata hai
Misaal-e-rang woh jhonka nazar bhi aata hai
Tamaam shab jahan jalta hai ek udas diya
Hawa ki raah mein ek aisa ghar bhi aata hai
Woh mujh ko toot ke chahega chhod jayega
Mujhe khabar thi use ye hunar bhi aata hai
Ujaad ban mein utarta hai ek jugnu bhi
Hawa ke saath koi ham-safar bhi aata hai
Wafa ki kaun si manzil pe us ne chhoda tha
Ki woh to yaad hamein bhool kar bhi aata hai
Jahan lahu ke samundar ki had thaharti hai
Wahin jazeer-e-laal-o-guhar bhi aata hai
Chale jo zikr farishton ki parsayi ka
To zer-e-bahs maqam-e-bashar bhi aata hai
Abhi sinan ko sambhale rahein adoo mere
Ki un safon mein kahin mera sar bhi aata hai
Kabhi kabhi mujhe milne bulandiyon se koi
Shua-e-subh ki soorat utar bhi aata hai
Isi liye main kisi shab na so saka 'Mohsin'
Woh mahtab kabhi baam par bhi aata hai