Subh-e-Azadi
یہ داغ داغ اجالا یہ شب گزیدہ سحر
وہ انتظار تھا جس کا یہ وہ سحر تو نہیں
یہ وہ سحر تو نہیں جس کی آرزو لے کر
چلے تھے یار کہ مل جائے گی کہیں نہ کہیں
فلک کے دشت میں تاروں کی آخری منزل
کہیں تو ہوگا شبِ سست موج کا ساحل
کہیں تو جا کے رکے گا سفینۂ غمِ دل
جواں لہو کی پر اسرار شاہراہوں سے
چلے جو یار تو دامن پہ کتنے ہاتھ پڑے
دیارِ حسن کی بے صبر خواب گاہوں سے
پکارتی رہیں باہیں بدن بلاتے رہے
بہت عزیز تھی لیکن رخِ سحر کی لگن
بہت قریں تھا حسینانِ نور کا دامن
سبک سبک تھی تمنا دبی دبی تھی تھکن
سنا ہے ہو بھی چکا ہے فراقِ ظلمت و نور
سنا ہے ہو بھی چکا ہے وصالِ منزل و گام
بدل چکا ہے بہت اہلِ درد کا دستور
نشاطِ وصل حلال و عذابِ ہجر حرام
جگر کی آگ نظر کی امنگ دل کی جلن
کسی پہ چارۂ ہجراں کا کچھ اثر ہی نہیں
کہاں سے آئی نگارِ صبا کدھر کو گئی
ابھی چراغِ سرِ راہ کو کچھ خبر ہی نہیں
ابھی گرانیِ شب میں کمی نہیں آئی
نجاتِ دیدۂ و دل کی گھڑی نہیں آئی
چلے چلو کہ وہ منزل ابھی نہیں آئی
ये दाग़-दाग़ उजाला ये शब-गज़ीदा सहर
वो इंतिज़ार था जिस का ये वो सहर तो नहीं
ये वो सहर तो नहीं जिस की आरज़ू ले कर
चले थे यार कि मिल जाएगी कहीं न कहीं
फ़लक के दश्त में तारों की आख़िरी मंज़िल
कहीं तो होगा शब-ए-सुस्त-मौज का साहिल
कहीं तो जा के रुकेगा सफ़ीना-ए-ग़म-ए-दिल
जवाँ लहू की पुर-असरार शाहराहों से
चले जो यार तो दामन पे कितने हाथ पड़े
दियार-ए-हुस्न की बे-सब्र ख़्वाब-गाहों से
पुकारती रहीं बाहें बदन बुलाते रहे
बहुत अज़ीज़ थी लेकिन रुख़-ए-सहर की लगन
बहुत क़रीं था हसीनान-ए-नूर का दामन
सुबुक सुबुक थी तमन्ना दबी दबी थी थकन
सुना है हो भी चुका है फ़िराक़-ए-ज़ुल्मत-ओ-नूर
सुना है हो भी चुका है विसाल-ए-मंज़िल-ओ-गाम
बदल चुका है बहुत अहल-ए-दर्द का दस्तूर
नशात-ए-वस्ल हलाल-ओ-अज़ाब-ए-हिज्र हराम
जिगर की आग नज़र की उमंग दिल की जलन
किसी पे चारा-ए-हिज्रां का कुछ असर ही नहीं
कहाँ से आई निगार-ए-सबा किधर को गई
अभी चराग़-ए-सर-ए-राह को कुछ ख़बर ही नहीं
अभी गिरानी-ए-शब में कमी नहीं आई
नजात-ए-दीदा-ओ-दिल की घड़ी नहीं आई
चले चलो कि वो मंज़िल अभी नहीं आई
Yeh daagh-daagh ujaala yeh shab-gazeeda sahar
Woh intezaar tha jis ka yeh woh sahar to nahin
Yeh woh sahar to nahin jis ki aarzoo le kar
Chale the yaar ki mil jayegi kahin na kahin
Falak ke dasht mein taaron ki aakhiri manzil
Kahin to hoga shab-e-sust-mauj ka sahil
Kahin to ja ke rukega safeena-e-gham-e-dil
Jawan lahu ki pur-asraar shahrahon se
Chale jo yaar to daman pe kitne hath pade
Dayar-e-husn ki be-sabr khwab-gahon se
Pukarti rahin bahein badan bulate rahe
Bahut azeez thi lekin rukh-e-sahar ki lagan
Bahut qareen tha haseenan-e-noor ka daman
Subuk subuk thi tamanna dabi dabi thi thakan
Suna hai ho bhi chuka hai firaq-e-zulmat-o-noor
Suna hai ho bhi chuka hai visaal-e-manzil-o-gaam
Badal chuka hai bahut ahl-e-dard ka dastoor
Nashat-e-wasl halal-o-azaab-e-hijr haraam
Jigar ki aag nazar ki umang dil ki jalan
Kisi pe chara-e-hijran ka kuch asar hi nahin
Kahan se aayi nigar-e-saba kidhar ko gayi
Abhi charagh-e-sar-e-rah ko kuch khabar hi nahin
Abhi girani-e-shab mein kami nahin aayi
Najaat-e-deeda-o-dil ki ghadi nahin aayi
Chale-chalo ki woh manzil abhi nahin aayi