Nisar Main Teri Galiyon Ke
نثار میں تیری گلیوں کے اے وطن کہ جہاں
چلی ہے رسم کہ کوئی نہ سر اٹھا کے چلے
جو کوئی چاہنے والا طواف کو نکلے
نظر چرا کے چلے جسم و جاں بچا کے چلے
ہے اہل دل کے لیے اب یہ نظمِ بست و کشاد
کہ سنگ و خشت مقید ہیں اور سگ آزاد
بہت ہے ظلم کے دستِ بہانہ جو کے لیے
جو چند اہل جنوں تیرے نام لیوا ہیں
بنے ہیں اہل ہوس مدعی بھی منصف بھی
کسے وکیل کریں کس سے منصفی چاہیں
مگر گزرنے والوں کے دن گزرتے ہیں
ترے فراق میں یوں صبح و شام کرتے ہیں
بجھا جو روزنِ زنداں تو دل یہ سمجھا ہے
کہ تیری مانگ ستاروں سے بھر گئی ہوگی
چمک اٹھے ہیں سلاسل تو ہم نے جانا ہے
کہ اب سحر ترے رخ پر بکھر گئی ہوگی
غرض تصورِ شام و سحر میں جیتے ہیں
گرفتِ سایۂ دیوار و در میں جیتے ہیں
یوں ہی ہمیشہ الجھتی رہی ہے ظلم سے خلق
نہ ان کی رسم نئی ہے نہ اپنی ریت نئی
یوں ہی ہمیشہ کھلائے ہیں ہم نے آگ میں پھول
نہ ان کی ہار نئی ہے نہ اپنی جیت نئی
اسی سبب سے فلک کا گلہ نہیں کرتے
ترے فراق میں ہم دل برا نہیں کرتے
گر آج تجھ سے جدا ہیں تو کل بہم ہوں گے
یہ رات بھر کی جدائی تو کوئی بات نہیں
گر آج اوج پہ ہے طالعِ رقیب تو کیا
یہ چار دن کی خدائی تو کوئی بات نہیں
جو تجھ سے عہدِ وفا استوار رکھتے ہیں
علاجِ گردشِ لیل و نہار رکھتے ہیں
निसार मैं तिरी गलियों के ऐ वतन कि जहाँ
चली है रस्म कि कोई न सर उठा के चले
जो कोई चाहने वाला तवाफ़ को निकले
नज़र चुरा के चले जिस्म-ओ-जाँ बचा के चले
है अहल-ए-दिल के लिए अब ये नज़्म-ए-बस्त-ओ-कुशाद
कि संग-ओ-ख़िश्त मुक़य्यद हैं और सग आज़ाद
बहुत है ज़ुल्म के दस्त-ए-बहान-जू के लिए
जो चंद अहल-ए-जुनूँ तेरे नाम-लेवा हैं
बने हैं अहल-ए-हवस मुद्दई भी मुंसिफ़ भी
किसे वकील करें किस से मुंसिफ़ी चाहें
मगर गुज़रने वालों के दिन गुज़रते हैं
तिरे फ़िराक़ में यूँ सुब्ह-ओ-शाम करते हैं
बुझा जो रौज़न-ए-ज़िंदाँ तो दिल ये समझा है
कि तिरी माँग सितारों से भर गई होगी
चमक उठे हैं सलासिल तो हम ने जाना है
कि अब सहर तिरे रुख़ पर बिखर गई होगी
ग़रज़ तसव्वुर-ए-शाम-ओ-सहर में जीते हैं
गिरफ़्त-ए-साया-ए-दीवार-ओ-दर में जीते हैं
यूँही हमेशा उलझती रही है ज़ुल्म से ख़ल्क़
न उन की रस्म नई है न अपनी रीत नई
यूँही हमेशा खिलाए हैं हम ने आग में फूल
न उन की हार नई है न अपनी जीत नई
इसी सबब से फ़लक का गिला नहीं करते
तिरे फ़िराक़ में हम दिल बुरा नहीं करते
गर आज तुझ से जुदा हैं तो कल बाहम होंगे
ये रात भर की जुदाई तो कोई बात नहीं
गर आज औज पे है ताला-ए-रक़ीब तो क्या
ये चार दिन की ख़ुदाई तो कोई बात नहीं
जो तुझ से अहद-ए-वफ़ा उस्तुवार रखते हैं
इलाज-ए-गर्दिश-ए-लैल-ओ-नहार रखते हैं
Nisar main teri galiyon ke aye watan ki jahan
Chali hai rasm ki koi na sar utha ke chale
Jo koi chahne wala tawaf ko nikle
Nazar chura ke chale jism o jaan bacha ke chale
Hai ahl-e-dil ke liye ab ye nazm-e-bast-o-kushad
Ki sang-o-khisht muqayyad hain aur sag azaad
Bahut hai zulm ke dast-e-bahana-ju ke liye
Jo chand ahl-e-junoon tere naam-lewa hain
Bane hain ahl-e-hawas muddai bhi munsif bhi
Kise wakeel karein kis se munsifi chahein
Magar guzrane walon ke din guzarte hain
Tere firaq mein yun subh-o-shaam karte hain
Bujha jo rauzan-e-zindan to dil ye samjha hai
Ki teri maang sitaron se bhar gayi hogi
Chamak uthe hain salasil to hum ne jana hai
Ki ab sahar tere rukh par bikhar gayi hogi
Gharaz tasavvur-e-shaam-o-sahar mein jeete hain
Giraft-e-saya-e-deewar-o-dar mein jeete hain
Yunhi hamesha ulajhti rahi hai zulm se khalq
Na un ki rasm nayi hai na apni reet nayi
Yunhi hamesha khilaye hain hum ne aag mein phool
Na un ki haar nayi hai na apni jeet nayi
Isi sabab se falak ka gila nahin karte
Tere firaq mein hum dil bura nahin karte
Gar aaj tujh se juda hain to kal baham honge
Ye raat bhar ki judai to koi baat nahin
Gar aaj auj pe hai tala-e-raqib to kya
Ye chaar din ki khudai to koi baat nahin
Jo tujh se ahd-e-wafa ustuwaar rakhte hain
Ilaaj-e-gardish-e-lail-o-nahaar rakhte hain