Ek Nazm
چھٹپٹے کے غرفے میں
لمحے اب بھی ملتے ہیں
صبح کے دھندلکے میں
پھول اب بھی کھلتے ہیں
اب بھی کوہساروں پر
سر کشیدہ ہریالی
پتھروں کی دیواریں
توڑ کر نکلتی ہے
اب بھی آبشاروں پر
کشتیوں کی صورت میں
زیست کی توانائی
زاویے بدلتی ہے
اب بھی گھاس کے میدان
شبنمی ستاروں سے
میرے خاکداں پر بھی
آسماں سجاتے ہیں
اب بھی کھیت گندم کے
تیز دھوپ میں تپ کر
اس غریب دھرتی کو
زرفشاں بناتے ہیں
سائے اب بھی چلتے ہیں
سورج اب بھی ڈھلتا ہے
صبحیں اب بھی روشن ہیں
راتیں اب بھی کالی ہیں
ذہن اب بھی چٹیل ہیں
روحیں اب بھی بنجر ہیں
جسم اب بھی ننگے ہیں
ہاتھ اب بھی خالی ہیں
اب بھی سبز فصلوں میں
زندگی کے رکھوالے
زرد زرد چہروں پر
خاک اوڑھے رہتے ہیں
اب بھی ان کی تقدیریں
منقلب نہیں ہوتیں
منقلب نہیں ہوں گی
کہنے والے کہتے ہیں
گردشوں کی رعنائی
عام ہی نہیں ہوتی
اپنے روزِ اول کی
شام ہی نہیں ہوتی
छुटपुटे के ग़ुर्फ़े में
लम्हे अब भी मिलते हैं
सुब्ह के धुँधलके में
फूल अब भी खिलते हैं
अब भी कोहसारों पर
सर-कशीदा हरियाली
पत्थरों की दीवारें
तोड़ कर निकलती है
अब भी आबशारों पर
कश्तियों की सूरत में
ज़ीस्त की तवानाई
ज़ाविए बदलती है
अब भी घास के मैदान
शबनमी सितारों से
मेरे ख़ाक-दाँ पर भी
आसमाँ सजाते हैं
अब भी खेत गंदुम के
तेज़ धूप में तप कर
इस ग़रीब धरती को
ज़र-फ़िशाँ बनाते हैं
साए अब भी चलते हैं
सूरज अब भी ढलता है
सुब्हें अब भी रौशन हैं
रातें अब भी काली हैं
ज़ेहन अब भी चट्यल हैं
रूहें अब भी बंजर हैं
जिस्म अब भी नंगे हैं
हाथ अब भी ख़ाली हैं
अब भी सब्ज़ फ़सलों में
ज़िंदगी के रखवाले
ज़र्द ज़र्द चेहरों पर
ख़ाक ओढ़े रहते हैं
अब भी उन की तक़दीरें
मुनक़लिब नहीं होतों
मुनक़लिब नहीं होंगी
कहने वाले कहते हैं
गर्दिशों की रानाई
आम ही नहीं होती
अपने रोज़-ए-अव्वल की
शाम ही नहीं होती
Chhutpute ke ghurfe mein
Lamhe ab bhi milte hain
Subh ke dhundalke mein
Phool ab bhi khilte hain
Ab bhi kohsaron par
Sar-kashida hariyali
Pattharon ki deewarein
Tod kar nikalti hai
Ab bhi aabsharon par
Kashtiyon ki soorat mein
Zeest ki tawanai
Zawiye badalti hai
Ab bhi ghaas ke maidan
Shabnami sitaron se
Mere khaak-daan par bhi
Aasman sajate hain
Ab bhi khet gandum ke
Tez dhoop mein tap kar
Is gharib dharti ko
Zar-fishan banate hain
Saye ab bhi chalte hain
Sooraj ab bhi dhalta hai
Subhein ab bhi raushan hain
Raatein ab bhi kaali hain
Zehn ab bhi chatyal hain
Roohein ab bhi banjar hain
Jism ab bhi nange hain
Hath ab bhi khaali hain
Ab bhi sabz faslon mein
Zindagi ke rakhwale
Zard zard chehron par
Khaak odhe rehte hain
Ab bhi un ki taqdeerein
Munqalib nahin hotin
Munqalib nahin hongi
Kehne wale kehte hain
Gardishon ki ranai
Aam hi nahin hoti
Apne roz-e-awwal ki
Shaam hi nahin hoti