Explore more on Diwan E Sukhan

Romantic lines

Poetry Collection

Ash'aar

so dekh kar tire ruKHsar o lab yaqin aaya ki phuul khilte hain gulzar ke alava bhi...

suna hai bole to baaton se phuul jhaDte hain ye baat hai to chalo baat kar ke dekhte hain...

ho duur is tarah ki tira gham juda na ho paas aa to yun ki jaise kabhi tu mila na ho...

tere hote hue mahfil mein jalate hain charagh log kya saada hain suraj ko dikhate hain charagh...

jis samt bhi dekhun nazar aata hai ki tum ho ai jaan-e-jahan ye koi tum sa hai ki tum ho...

Faiz Ahmad Faiz

nahin nigah mein manzil to justuju hi sahi nahin visal mayassar to aarzoo hi sahi...

Faiz Ahmad Faiz

saari duniya se duur ho jaae jo zara tere paas ho baiThe...

Faiz Ahmad Faiz

zer-e-lab hai abhi tabassum-e-dost muntashir jalva-e-bahaar nahin...

ishq mein ji ko sabr o taab kahan us se aankhen laDin to khvab kahan...

gundh ke goya patti gul ki vo tarkib banai hai rang badan ka tab dekho jab choli bhige pasine mein...

kabhi ham se kabhi ghairon se shanasai hai baat kahne ki nahin tu bhi to harjai hai...

kis liye dekhti ho aaina tum to khud se bhi khubsurat ho...

meri banhon mein bahakne ki saza bhi sun le ab bahut der mein aazad karunga tujh ko...

chaand ne taan li hai chadar-e-abr ab vo kapDe badal rahi hogi...

mujh ko ye hosh hi na tha tu mire bazuon mein hai yaani tujhe abhi talak main ne riha nahin kiya...

husn se arz-e-shauq na karna husn ko zak pahunchana hai ham ne arz-e-shauq na kar ke husn ko zak pahunchai hai...

Momin Khan Momin

taab-e-nazzara nahin aaina kya dekhne dun aur ban jaenge tasvir jo hairan honge...

Sahir Ludhianvi

tum husn ki khud ik duniya ho shayad ye tumhein malum nahin mahfil mein tumhaare aane se har chiiz pe nuur aa jaata hai...

Sahir Ludhianvi

aankhen hi milati hain zamane mein dilon ko anjaan hain ham tum agar anjaan hain aankhen...

Sahir Ludhianvi

duur rah kar na karo baat qarib aa jao yaad rah jaegi ye raat qarib aa jao...

Firaq Gorakhpuri

tum mukhatib bhi ho qarib bhi ho tum ko dekhen ki tum se baat karen...

Firaq Gorakhpuri

zara visal ke baad aaina to dekh ai dost tire jamal ki doshizgi nikhar aai...

Firaq Gorakhpuri

hazar baar zamana idhar se guzra hai nai nai si hai kuchh teri rahguzar phir bhi...

Firaq Gorakhpuri

vaqt-e-ghurub aaj karamat ho gai zulfon ko us ne khol diya raat ho gai...

hamein hai shauq ki be-parda tum ko dekhenge tumhein hai sharm to aankhon pe haath dhar lena...

yun bhi hazaron lakhon mein tum intikhab ho puura karo saval to phir la-javab ho...

shokhi se Thaharti nahin qatil ki nazar aaj ye barq-e-bala dekhiye girti hai kidhar aaj...

Akbar Allahabadi

ilahi kaisi kaisi suraten tu ne banai hain ki har surat kaleje se laga lene ke qabil hai...

Akbar Allahabadi

ishva bhi hai shokhi bhi tabassum bhi haya bhi zalim mein aur ik baat hai is sab ke siva bhi...

Akbar Allahabadi

tashbih tire chehre ko kya dun gul-e-tar se hota hai shagufta magar itna nahin hota...

Akbar Allahabadi

meri ye bechainiyan aur un ka kahna naaz se hans ke tum se bol to lete hain aur ham kya karen...

Akbar Allahabadi

mujh ko to dekh lene se matlab hai naseha bad-khu agar hai yaar to ho khub-ru to hai...

Akbar Allahabadi

lagavaT bahut hai tiri aankh mein isi se to ye fitna-za ho gai...

Jigar Moradabadi

ik lafz-e-mohabbat ka adna ye fasana hai simTe to dil-e-aashiq phaile to zamana hai...

Jigar Moradabadi

main jahan hun tire khayal mein hun tu jahan hai miri nigah mein hai...

Jigar Moradabadi

labon pe mauj-e-tabassum nigah mein barq-e-ghazab koi batae ye andaz-e-barhami kya hai...

aaine mein vo dekh rahe the bahaar-e-husn aaya mira khayal to sharma ke rah gae...

malum sab hai puchhte ho phir bhi muddaa ab tum se dil ki baat kahen kya zaban se ham...

ghair ki nazron se bach kar sab ki marzi ke khilaf vo tira chori-chhupe raaton ko aana yaad hai...

khub-ruyon se yariyan na gain dil ki be-ikhtiyariyan na gain...

kabhi to aasman se chaand utre jaam ho jaae tumhaare naam ki ik khub-surat shaam ho jaae...

main har haal mein muskurata rahunga tumhari mohabbat agar saath hogi...

ham dilli bhi ho aae hain lahore bhi ghume ai yaar magar teri gali teri gali hai...

kabhi to shaam dhale apne ghar gae hote kisi ki aankh mein rah kar sanvar gae hote...

apne ehsas se chhu kar mujhe sandal kar do main ki sadiyon se adhura hun mukammal kar do...

Amjad Islam Amjad

chehre pe mire zulf ko phailao kisi din kya roz garajte ho baras jaao kisi din...

Amjad Islam Amjad

us ne aahista se jab pukara mujhe jhuk ke takne laga har sitara mujhe...

Amjad Islam Amjad

tum hi ne paanv na rakkha vagarna vasl ki shab zamin pe ham ne sitare bichha ke rakkhe the...

ki hai koi hasin khata har khata ke saath thoDa sa pyaar bhi mujhe de do saza ke saath...

jab bhi aata hai mira naam tire naam ke saath jaane kyun log mire naam se jal jaate hain...

dushmani mujh se kiye ja magar apna ban kar jaan le le miri sayyad magar pyaar ke saath...

mumkin hai safar ho aasan ab saath bhi chal kar dekhen kuchh tum bhi badal kar dekho kuchh ham bhi badal kar dekhen...

ye soch kar ki tira intizar lazim hai tamam umr ghaDi ki taraf nahin dekha...

ishq hai to ishq ka izhar hona chahiye aap ko chehre se bhi bimar hona chahiye...

sahra pe bura vaqt mire yaar paDa hai divana kai roz se bimar paDa hai...

Shakeel Badayuni

main nazar se pi raha tha to ye dil ne bad-dua di tira haath zindagi bhar kabhi jaam tak na pahunche...

Shakeel Badayuni

mujhe aa gaya yaqin sa ki yahi hai meri manzil sar-e-raah jab kisi ne mujhe dafatan pukara...

aarzu hai ki tu yahan aae aur phir umr bhar na jaae kahin...

main sote sote kai baar chaunk chaunk paDa tamam raat tire pahluon se aanch aai...

aanch aati hai tire jism ki uryani se pairahan hai ki sulagti hui shab hai koi...

hava bhi chal rahi hai aur jaagti hai raat bhi jo aap kuchh kahen to ham sunaen dil ki baat bhi...

tumhein jab ru-ba-ru dekha karenge ye socha hai bahut socha karenge...

ye shairi ye kitaben ye aayaten dil ki nishaniyan ye sabhi tujh pe vaarna hongi...

aane vali barkha dekhen kya dikhlae aankhon ko ye barkha barsate din to bin piritam be-kaar gae...

kal chaudhvin ki raat thi shab bhar raha charcha tira kuchh ne kaha ye chaand hai kuchh ne kaha chehra tira...

ham bhuul sake hain na tujhe bhuul sakenge tu yaad rahega hamein haan yaad rahega...

jalva-numai be-parvai haan yahi riit jahan ki hai kab koi laDki man ka daricha khol ke baahar jhaanki hai...

ham se bhi piit ki baat karo kuchh ham se bhi logo pyaar karo tum to pareshan ho bhi sakoge ham ko yahan pe davam kahan...

Altaf Hussain Hali

hoti nahin qubul dua tark-e-ishq ki dil chahta na ho to zaban mein asar kahan...

ham jo pahunche to rahguzar hi na thi tum jo aae to manzilen laae...

sulh jis se rahi meri ta-zindagi us ka saare zamane se jhagDa sa tha...

honTon pe kabhi un ke mira naam hi aae aae to sahi bar-sar-e-ilzam hi aae...

vo be-naqab samne aaen bhi ab to kya divangi ko hosh ki fursat nahin rahi...

ye phir kis ne duzdida nazron se dekha machalne lage sainkaDon shokh armaan...

ek mauhum sa rishta hai so rakhna is ko tum jahan jao samajh lena vahin ham bhi the...

maang lun tujh se tujhi ko ki sabhi kuchh mil jaae sau savalon se yahi ek saval achchha hai...

muddat mein shaam-e-vasl hui hai mujhe nasib do-chaar saal tak to ilahi sahar na ho...

abhi kamsin hain zidein bhi hain nirali un ki is pe machle hain ki ham dard-e-jigar dekhenge...

ye kahunga ye kahunga ye abhi kahte ho samne un ke bhi jab hazrat-e-dil yaad rahe...

misi chhuTi hui sukhe hue honT ye surat aur aap aate hain ghar se...

Daya Shankar Naseem

buton ki gali chhoD kar kaun jaae yahin se hai kaaba ko sajda hamara...

Daya Shankar Naseem

makan siine ka paata hun dam-ba-dam khaali nazar bacha ke tu ai dil kidhar ko jaata hai...

Jan Nisar Akhtar

aur kya is se ziyada koi narmi bartun dil ke zakhmon ko chhua hai tire gaalon ki tarah...

Jan Nisar Akhtar

zulfen sina naaf kamar ek nadi mein kitne bhanvar...

Ali Sardar Jafri

kami kami si thi kuchh rang-o-bu-e-gulshan mein lab-e-bahaar se nikli hui dua tum ho...

Asrarul Haq Majaz

kab kiya tha is dil par husn ne karam itna mehrban aur is darja kab tha aasman apna...

Siraj Aurangabadi

fida kar jaan agar jaani yahi hai are dil vaqt-e-be-jaani yahi hai...

Siraj Aurangabadi

ai nur-e-nazar muntazir-e-vasl hun aa ja do paaT palak ke nahin darvaza hua mahz...

Siraj Aurangabadi

vasl ke din shab-e-hijran ki haqiqat mat puchh bhuul jaani hai mujhe subh kun phir shaam ki baat...

Siraj Aurangabadi

daam-o-qafas na chahiye dil ke shikar kun karti hain band aankh ke Doron ki Doriyan...

Siraj Aurangabadi

dil mira zulf seti chhuT phansa abru mein kufr kun tark kiya mail-e-mehrab hua...

khub-ru khuub kaam karte hain yak nigah mein ghulam karte hain...

chhupa hun main sada-e-bansuli mein ki ta jaanun pari-ru ki gali mein...

kaun si baat hai jo us mein nahin us ko dekhe miri nazar se koi...

nazrana tere husn ko kya den ki apne paas le de ke ek dil hai so TuuTa hua sa hai...

dekhne ke liye ik chehra bahut hota hai aankh jab tak hai tujhe sirf tujhe dekhunga...

Khwaja Meer Dard

main jaata hun dil ko tire paas chhoDe miri yaad tujh ko dilata rahega...

Khwaja Meer Dard

dil bhi tere hi Dhang sikha hai aan mein kuchh hai aan mein kuchh hai...

Khwaja Meer Dard

donon jahan ki na rahi phir khabar use do pyale teri aankhon ne jis ko pila diye...

Bahadur Shah Zafar

hamdamo dil ke lagane mein kaho lagta hai kya par chhuDana is ka mushkil hai lagana sahl hai...

Bahadur Shah Zafar

mohabbat chahiye baham hamein bhi ho tumhein bhi ho khushi ho is mein ya ho gham hamein bhi ho tumhein bhi ho...

Bahadur Shah Zafar

idhar khayal mire dil mein zulf ka guzra udhar vo khata hua dil mein pech-o-taab aaya...

Mohammad Rafi Sauda

yaaro vo sharm se jo na bola to kya hua aankhon mein sau tarah ki hikayat ho gai...

vafa ki khair manata hun bevafai mein bhi main us ki qaid mein hun qaid se rihai mein bhi...

bahut mushkil zamanon mein bhi ham ahl-e-mohabbat vafa par ishq ki buniyad rakhna chahte hain...

main us se jhuuT bhi bolun to mujh se sach bole mire mizaj ke sab mausamon ka sathi ho...

kisi kali kisi gul mein kisi chaman mein nahin vo rang hai hi nahin jo tire badan mein nahin...

jise bhi pyaas bujhani ho mere paas rahe kabhi bhi apne labon se chhalakne lagta hun...

ye be-kanar badan kaun paar kar paaya bahe chale gae sab log is ravani mein...

phir tujhe chhu ke dekhta hun main phir se qindil si jalai hai...

us husn ka sheva hai jab ishq nazar aae parde mein chale jaana sharmae hue rahna...

jin ke hone se ham bhi hain ai dil shahr mein hain vo suuraten baaqi...

tum meri taraf dekhna chhoDo to bataun har shakhs tumhaari hi taraf dekh raha hai...

ab ke is bazm mein kuchh apna pata bhi dena paanv par paanv jo rakhna to daba bhi dena...

badan ka saara lahu khinch ke aa gaya rukh par vo ek bosa hamein de ke surkh-ru hai bahut...

ham itni raushni mein dekh bhi sakte nahin us ko so apne aap hi is chaand ko gahnae rakhte hain...

tum apni masti mein aan Takrae mujh se yak-dam idhar se main bhi to be-dhyani mein ja raha tha...

jis qadar nafrat baDhai utni hi qurbat baDhi ab jo mahfil mein nahin hai vo tumhaare dil mein hai...

Hum tere honton ki larzish kab bhoole hain Paani mein patthar phenken aur lahrein dekhen...

Majrooh Sultanpuri

dil ki tamanna thi masti mein manzil se bhi duur nikalte apna bhi koi saathi hota ham bhi bahakte chalte chalte...

Makhdoom Mohiuddin

hujum-e-bada-o-gul mein hujum-e-yaran mein kisi nigah ne jhuk kar mire salam liye...

Hafeez Jalandhari

tere kuche mein hai sakun varna har zamin aasman hai pyaare...

Explore more on Diwan E Sukhan