Explore more on Diwan E Sukhan

Depression quotes

Poetry Collection

Ash'aar

kya takalluf karen ye kahne mein jo bhi khush hai ham us se jalte hain...

ye bahut gham ki baat ho shayad ab to gham bhi ganva chuka hun main...

kal ka din haae kal ka din ai jaun kaash is raat ham bhi mar jaen...

Sahir Ludhianvi

gham aur khushi mein farq na mahsus ho jahan main dil ko us maqam pe laata chala gaya...

Sahir Ludhianvi

is rengti hayat ka kab tak uThaen baar bimar ab ulajhne lage hain tabib se...

Firaq Gorakhpuri

ab to un ki yaad bhi aati nahin kitni tanha ho gain tanhaiyan...

Akbar Allahabadi

gham-khan-e-jahan mein vaqat hi kya hamari ik na-shunida uf hain ik aah-e-be-asar hain...

Jigar Moradabadi

ab to ye bhi nahin raha ehsas dard hota hai ya nahin hota...

Jigar Moradabadi

mohabbat mein ik aisa vaqt bhi dil par guzarta hai ki aansu khushk ho jaate hain tughyani nahin jaati...

ham to kuchh der hans bhi lete hain dil hamesha udaas rahta hai...

kabhi kabhi to chhalak paDti hain yunhi aankhen udaas hone ka koi sabab nahin hota...

hai ajiib shahr ki zindagi na safar raha na qayam hai kahin karobar si dopahar kahin bad-mizaj si shaam hai...

haqiqaton mein zamana bahut guzar chuke koi kahani sunao baDa andhera hai...

sab kuchh to hai kya dhunDti rahti hain nigahen kya baat hai main vaqt pe ghar kyun nahin jaata...

Shakeel Badayuni

ab to khushi ka gham hai na gham ki khushi mujhe be-his bana chuki hai bahut zindagi mujhe...

Shakeel Badayuni

koi dilkash nazara ho koi dilchasp manzar ho tabiat khud bahal jaati hai bahlai nahin jaati...

bhari duniya mein ji nahin lagta jaane kis chiiz ki kami hai abhi...

aaj to be-sabab udaas hai ji ishq hota to koi baat bhi thi...

manzar dil o nigah ke jab ho gae udaas ye be-faza ilaqa-e-tan mujh se chhin le...

koi khamosh zakhm lagti hai zindagi ek nazm lagti hai...

ye shukr hai ki mire paas tera gham to raha vagarna zindagi bhar ko rula diya hota...

bhare hain raat ke reze kuchh aise aankhon mein ujala ho to ham aankhen jhapakte rahte hain...

na teri yaad na duniya ka gham na apna khayal ajiib surat-e-haalat ho gai pyaare...

raat aa kar guzar bhi jaati hai ik hamari sahar nahin hoti...

diida o dil ne dard ki apne baat bhi ki to kis se ki vo to dard ka baani Thahra vo kya dard baTaega...

Altaf Hussain Hali

ik dard ho bas aaTh pahar dil mein ki jis ko takhfif dava se ho na taskin dua se...

jo dil ne kahi lab pe kahan aai hai dekho ab mahfil-yaran mein bhi tanhai hai dekho...

ek tera gham jis ko raah-e-motabar jaanen is safar mein ham kis ko apna ham-safar jaanen...

khamushi se hui fughan se hui ibtida ranj ki kahan se hui...

apna naam bhi ab to bhuul gai naheed koi pukare to hairat se takti hun...

Jan Nisar Akhtar

kuchal ke phenk do aankhon mein khvab jitne hain isi sabab se hain ham par azaab jitne hain...

Asrarul Haq Majaz

roen na abhi ahl-e-nazar haal pe mere hona hai abhi mujh ko kharab aur ziyada...

Siraj Aurangabadi

jiina taDap taDap kar marna sisak sisak kar fariyad ek ji hai kya kya kharabiyon mein...

Siraj Aurangabadi

zindagani dard-e-sar hai yaar bin kui hamare sar kun aa kar jhaaD de...

Siraj Aurangabadi

takiya-e-makhmali sirhane rakh lekin aankhon sin apni khvab nikal...

ik bund zahr ke liye phaila rahe ho haath dekho kabhi khud apne badan ko nichoD ke...

aasman kuchh bhi nahin ab tere karne ke liye main ne sab tayyariyan kar li hain marne ke liye...

tanhai ki ye kaun si manzil hai rafiqo ta-hadd-e-nazar ek bayaban sa kyun hai...

log sar phoD kar bhi dekh chuke gham ki divar TuuTti hi nahin...

tujh se mil kar bhi na tanhai miTegi meri dil mein rah rah ke yahi baat khaTakti kyun hai...

Bahadur Shah Zafar

koi kyun kisi ka lubhae dil koi kya kisi se lagae dil vo jo bechte the dava-e-dil vo dukan apni baDha gae...

Bahadur Shah Zafar

bhari hai dil mein jo hasrat kahun to kis se kahun sune hai kaun musibat kahun to kis se kahun...

khvab ki tarah bikhar jaane ko ji chahta hai aisi tanhai ki mar jaane ko ji chahta hai...

Duub jaun to koi mauj nishan tak na batae aisi naddi mein utar jaane ko ji chahta hai...

azaab-e-vahshat-e-jaan ka sila na maange koi nae safar ke liye rasta na maange koi...

main rona chahta hun khuub rona chahta hun main phir us ke baad gahri niind sona chahta hun main...

ye shahr vo hai ki koi khushi to kya deta kisi ne dil bhi dukhaya nahin bahut din se...

kaun si aisi khushi hai jo mili ho ek baar aur ta-umr hamein jis ne aziyyat nahin di...

janta hun ek aise shakhs ko main bhi muneer gham se patthar ho gaya lekin kabhi roya nahin...

zinda rahein to kya hai jo mar jaaen ham to kya duniya se khamushi se guzar jaaen ham to kya...

aisa safar hai jis ki koi intiha nahin aisa makan hai jis mein koi ham-nafas nahin...

ek dasht-e-la-makan phaila hai mere har taraf dasht se niklun to ja kar kin Thikanon mein rahun...

musalsal hadson se bas mujhe itni shikayat hai ki ye aansu bahane ki bhi to mohlat nahin dete...

ye kis maqam pe laai hai meri tanhai ki mujh se aaj koi bad-guman nahin hota...

kharabi ho rahi hai to faqat mujh mein hi saari mire chaaron taraf to khuub achchha ho raha hai...

dar-e-umid se ho kar nikalne lagta hun to yaas rauzan-e-zindan se aankh maarti hai...

hasraton ka dil se qabza uTh gaya ghasibon ki hukmrani khatm hai...

Shaikh Ibrahim Zauq

be-qarari ka sabab har kaam ki ummid hai na-ummidi ho to phir aaram ki ummid hai...

Majrooh Sultanpuri

koi ham-dam na raha koi sahaara na raha ham kisi ke na rahe koi hamara na raha...

Hafeez Jalandhari

miri majburiyan kya puchhte ho ki jiine ke liye majbur hun main...

Hafeez Jalandhari

mira tajraba hai ki is zindagi mein pareshaniyan hi pareshaniyan hain...

Hafeez Jalandhari

meri qismat ke navishte ko miTa de koi mujh ko qismat ke navishte ne miTa rakkha hai...

Explore more on Diwan E Sukhan