Explore more on Diwan E Sukhan

Inspirational urdu

Poetry Collection

Ash'aar

shikva-e-zulmat-e-shab se to kahin behtar tha apne hisse ki koi shama jalate jaate...

tere baghair bhi to ghanimat hai zindagi khud ko ganva ke kaun tiri justuju kare...

aaj ham daar pe khinche gae jin baaton par kya ajab kal vo zamane ko nisabon mein milen...

Faiz Ahmad Faiz

gar baazi ishq ki baazi hai jo chaho laga do Dar kaisa gar jiit gae to kya kahna haare bhi to baazi maat nahin...

Faiz Ahmad Faiz

ai zulm ke maato lab kholo chup rahne vaalo chup kab tak kuchh hashr to un se uTThega kuchh duur to naale jaenge...

Faiz Ahmad Faiz

sab qatl ho ke tere muqabil se aae hain ham log surkh-ru hain ki manzil se aae hain...

Faiz Ahmad Faiz

faiz thi raah sar-ba-sar manzil ham jahan pahunche kamyab aae...

mat sahl hamein jaano phirta hai falak barson tab khaak ke parde se insan nikalte hain...

miir sahab tum farishta ho to ho aadmi hona to mushkil hai miyan...

miir bandon se kaam kab nikla mangna hai jo kuchh khuda se maang...

aafaq ki manzil se gaya kaun salamat asbab luTa raah mein yan har safari ka...

sarsari tum jahan se guzre varna har ja jahan-e-digar tha...

khudi ko kar buland itna ki har taqdir se pahle khuda bande se khud puchhe bata teri raza kya hai...

nigah buland sukhan dil-navaz jaan pur-soz yahi hai rakht-e-safar mir-e-karvan ke liye...

uruj-e-aadam-e-khaki se anjum sahme jaate hain ki ye TuuTa hua taara mah-e-kamil na ban jaae...

milega manzil-e-maqsud ka usi ko suragh andheri shab mein hai chiite ki aankh jis ka charagh...

man ki daulat haath aati hai to phir jaati nahin tan ki daulat chhanv hai aata hai dhan jaata hai dhan...

ilaaj ye hai ki majbur kar diya jaun vagarna yun to kisi ki nahin suni main ne...

bolte kyun nahin mire haq mein aable paD gae zaban mein kya...

kharch chalega ab mira kis ke hisab mein bhala sab ke liye bahut hun main apne liye zara nahin...

kya puchhte ho naam-o-nishan-e-musafiran hindostan mein aae hain hindostan ke the...

ik ajab aamad-o-shud hai ki na mazi hai na haal jaun barpa kai naslon ka safar hai mujh mein...

rahn sarshari-e-faza ke hain aaj ke baad ham hava ke hain...

paas-e-hayat ka khayal ham ko bahut bura laga pas ba-hujum-e-marka jaan ke be-sipar gae...

main us ki dastaras mein hun magar vo mujhe meri raza se maangta hai...

raste mein mil gaya to sharik-e-safar na jaan jo chhanv mehrban ho use apna ghar na jaan...

pa-ba-gil sab hain rihai ki kare tadbir kaun dast-basta shahr mein khole miri zanjir kaun...

Momin Khan Momin

chaara-e-dil sivae sabr nahin so tumhaare siva nahin hota...

Momin Khan Momin

sahab ne is ghulam ko aazad kar diya lo bandagi ki chhuT gae bandagi se ham...

Momin Khan Momin

ulTe vo shikve karte hain aur kis ada ke saath be-taqati ke taane hain uzr-e-jafa ke saath...

Sahir Ludhianvi

hazar barq gire laakh aandhiyan uTThen vo phuul khil ke rahenge jo khilne vaale hain...

Sahir Ludhianvi

jang to khud hi ek masala hai jang kya masalon ka hal degi...

Sahir Ludhianvi

muflisi hiss-e-latafat ko miTa deti hai bhuuk aadab ke sanchon mein nahin Dhal sakti...

Sahir Ludhianvi

mujrim hun main agar to gunahgar tum bhi ho ai rahbaran-e-qaum khata-kar tum bhi ho...

Sahir Ludhianvi

kya mol lag raha hai shahidon ke khuun ka marte the jin pe ham vo saza-yab kya hue...

Sahir Ludhianvi

jang iflas aur ghulami se amn behtar nizam ki khatir...

Firaq Gorakhpuri

sar-zamin-e-hind par aqvam-e-aalam ke firaq qafile baste gae hindostan banta gaya...

Firaq Gorakhpuri

lahu vatan ke shahidon ka rang laaya hai uchhal raha hai zamane mein naam-e-azadi...

Firaq Gorakhpuri

dekh raftar-e-inqalab firaq kitni aahista aur kitni tez...

Firaq Gorakhpuri

devtaon ka khuda se hoga kaam aadmi ko aadmi darkar hai...

Firaq Gorakhpuri

mazhab ki kharabi hai na akhlaq ki pasti duniya ke masaib ka sabab aur hi kuchh hai...

Firaq Gorakhpuri

kuchh qafas ki tiliyon se chhan raha hai nuur sa kuchh faza kuchh hasrat-e-parvaz ki baaten karo...

Firaq Gorakhpuri

ai soz-e-ishq tu ne mujhe kya bana diya meri har ek saans munajat ho gai...

dil de to is mizaj ka parvardigar de jo ranj ki ghaDi bhi khushi se guzar de...

hazar baar jo manga karo to kya hasil dua vahi hai jo dil se kabhi nikalti hai...

ziist se tang ho ai dagh to jiite kyun ho jaan pyari bhi nahin jaan se jaate bhi nahin...

tadbir se qismat ki burai nahin jaati bigDi hui taqdir banai nahin jaati...

vo din gae ki dagh thi har dam buton ki yaad paDhte hain panch vaqt ki ab to namaz ham...

Akbar Allahabadi

khincho na kamanon ko na talvar nikalo jab top muqabil ho to akhbar nikalo...

Akbar Allahabadi

khuda se maang jo kuchh mangna hai ai akbar yahi vo dar hai ki zillat nahin saval ke baad...

Akbar Allahabadi

aql mein jo ghir gaya la-intiha kyunkar hua jo sama mein aa gaya phir vo khuda kyunkar hua...

Akbar Allahabadi

kya vo khvahish ki jise dil bhi samajhta ho haqir aarzu vo hai jo siine mein rahe naaz ke saath...

Akbar Allahabadi

agar mazhab khalal-andaz hai mulki maqasid mein to shaikh o barhaman pinhan rahein dair o masajid mein...

Akbar Allahabadi

chashm-e-jahan se halat-e-asli chhupi nahin akhbar mein jo chahiye vo chhaap dijiye...

Akbar Allahabadi

uruj-e-qaumi zaval-e-qaumi khuda ki qudrat ke hain karishme hamesha radd-o-badal ke andar ye amr political raha hai...

Josh Malihabadi

kaam hai mera taghayyur naam hai mera shabab mera nara inqilab o inqilab o inqilab...

Josh Malihabadi

haan aasman apni bulandi se hoshiyar ab sar uTha rahe hain kisi aastan se ham...

Josh Malihabadi

idhar teri mashiyyat hai udhar hikmat rasulon ki ilahi aadmi ke baab mein kya hukm hota hai...

sivae khaak ke baaqi asar nishan se na the zamin se dab gae dabte jo aasman se na the...

Jigar Moradabadi

apna zamana aap banate hain ahl-e-dil ham vo nahin ki jin ko zamana bana gaya...

Jigar Moradabadi

allah agar taufiq na de insan ke bas ka kaam nahin faizan-e-mohabbat aam sahi irfan-e-mohabbat aam nahin...

Jigar Moradabadi

tul-e-gham-e-hayat se ghabra na ai jigar aisi bhi koi shaam hai jis ki sahar na ho...

Jigar Moradabadi

gudaz-e-ishq nahin kam jo main javan na raha vahi hai aag magar aag mein dhuan na raha...

Jigar Moradabadi

hun khata-kar siyahkar gunahgar magar kis ko bakhshe tiri rahmat jo gunahgar na ho...

sher dar-asl hain vahi hasrat sunte hi dil mein jo utar jaen...

guzre bahut ustad magar rang-e-asar mein be-misl hai hasrat sukhan-e-miir abhi tak...

baDe logon se milne mein hamesha fasla rakhna jahan dariya samundar se mila dariya nahin rahta...

ye phuul mujhe koi virasat mein mile hain tum ne mira kanTon bhara bistar nahin dekha...

kabhi main apne hathon ki lakiron se nahin uljha mujhe malum hai qismat ka likkha bhi badalta hai...

saat sanduqon mein bhar kar dafn kar do nafraten aaj insan ko mohabbat ki zarurat hai bahut...

Amjad Islam Amjad

be-samar peDon ko chuumenge saba ke sabz lab dekh lena ye khizan be-dast-o-pa rah jaegi...

Amjad Islam Amjad

us ki galiyon mein rahe gard-e-safar ki surat sang-e-manzil na bane raah ka patthar na hue...

Amjad Islam Amjad

shahr-e-sukhan mein aisa kuchh kar izzat ban jaae sab kuchh miTTi ho jaata hai izzat rahti hai...

Amjad Islam Amjad

paspa hui sipah to parcham bhi ham hi the hairat ki baat ye hai ki barham bhi ham hi the...

koi to suud chukaae koi to zimma le us inqalab ka jo aaj tak udhaar sa hai...

aankh mein paani rakho honTon pe chingari rakho zinda rahna hai to tarkiben bahut saari rakho...

aate jaate pal ye kahte hain hamare kaan mein kuuch ka ailan hone ko hai tayyari rakkho...

girte hain samundar mein baDe shauq se dariya lekin kisi dariya mein samundar nahin girta...

achchha yaqin nahin hai to kashti Duba ke dekh ik tu hi nakhuda nahin zalim khuda bhi hai...

rabta laakh sahi qafila-salar ke saath ham ko chalna hai magar vaqt ki raftar ke saath...

apne liye ab ek hi raah najat hai har zulm ko raza-e-khuda kah liya karo...

soch ko jurat-e-parvaz to mil lene do ye zamin aur hamein tang dikhai degi...

koshish bhi kar umiid bhi rakh rasta bhi chun phir is ke baad thoDa muqaddar talash kar...

koi hindu koi muslim koi isai hai sab ne insan na banne ki qasam khai hai...

safar mein dhuup to hogi jo chal sako to chalo sabhi hain bhiiD mein tum bhi nikal sako to chalo...

jitni buri kahi jaati hai utni buri nahin hai duniya bachchon ke school mein shayad tum se mili nahin hai duniya...

yaqin chaand pe suraj mein e'tibar bhi rakh magar nigah mein thoDa sa intizar bhi rakh...

abhi zinda hai maan meri mujhe kuchh bhi nahin hoga main ghar se jab nikalta hun dua bhi saath chalti hai...

bojh uThana shauq kahan hai majburi ka sauda hai rahte rahte station par log quli ho jaate hain...

main isi miTTi se uTTha tha bagule ki tarah aur phir ik din isi miTTi mein miTTi mil gai...

bhaTakti hai havas din-raat sone ki dukanon par gharibi kaan chhidvati hai tinka Daal leti hai...

Shakeel Badayuni

mera azm itna buland hai ki parae sholon ka Dar nahin mujhe khauf aatish-e-gul se hai ye kahin chaman ko jala na de...

Shakeel Badayuni

buz-dili hogi charaghon ko dikhana aankhen abr chhaT jaae to suraj se milana aankhen...

Shakeel Badayuni

gham ki duniya rahe aabad shakeel muflisi mein koi jagir to hai...

Shakeel Badayuni

dalil-e-tabish-e-iman hai kufr ka ehsas charagh shaam se pahle jala nahin karte...

vaqt achchha bhi aaega nasir gham na kar zindagi paDi hai abhi...

kal jo tha vo aaj nahin jo aaj hai kal miT jaega rukhi-sukhi jo mil jaae shukr karo to behtar hai...

rah-navard-e-bayaban-e-gham sabr kar sabr kar karvan phir milenge baham sabr kar sabr kar...

tanab-e-khema-e-gul thaam nasir koi aandhi ufuq se aa rahi hai...

logo bhala is shahr mein kaise jiyenge ham jahan ho jurm tanha sochna lekin saza aavargi...

haath chhuTen bhi to rishte nahin chhoDa karte vaqt ki shakh se lamhe nahin toDa karte...

ye roTiyan hain ye sikke hain aur daere hain ye ek duuje ko din bhar pakaDte rahte hain...

kabhi jamhuriyat yahan aae yahi jalib hamari hasrat hai...

haq achchha par us ke liye koi aur mare to aur achchha tum bhi koi mansur ho jo suuli pe chaDho khamosh raho...

sab ko dil ke dagh dikhae ek tujhi ko dikha na sake tera daaman duur nahin tha haath hamin phaila na sake...

koi aur bhi morid-e-lutf hua mili ahl-e-havas ko havas ki saza tire shahr mein the hamin ahl-e-vafa mili ek hamin ko jala-vatani...

Altaf Hussain Hali

farishte se baDh kar hai insan banna magar is mein lagti hai mehnat ziyada...

Altaf Hussain Hali

faraghat se duniya mein har dam na baiTho agar chahte ho faraghat ziyada...

Altaf Hussain Hali

har samt gard-e-naqa-e-laila buland hai pahunche jo hausla ho kisi shahsavar ka...

Noon Meem Rashid

vahi manzilen vahi dasht o dar tire dil-zadon ke hain rahbar vahi aarzu vahi justuju vahi raah-e-pur-khatar-e-junun...

aurat ke khuda do hain haqiqi o majazi par us ke liye koi bhi achchha nahin hota...

dekho vo bhi hain jo sab kah sakte the dekho un ke munh par taale ab bhi hain...

uTho ki jashn-e-khizan ham manaen ji bhar ke bahaar aae gulistan mein kab khuda jaane...

main aandhiyon ke paas talash-e-saba mein hun tum mujh se puchhte ho mira hausla hai kya...

kaTta kahan tavil tha raaton ka silsila suraj miri nigah ki sachchaiyon mein tha...

na hota khanuman to khanuman-barbad kyon hoti ada ye rang laai aarzu-e-ashiyan meri...

javan gehun ke kheton ko dekh kar ro den vo laDkiyan ki jinhein bhuul baiThin maaen bhi...

mardon ko sab rava pa aurat ko narava sharm-o-haya ka shahr mein charcha bhi hai ajab...

kashtiyan sab ki kinare pe pahunch jaati hain nakhuda jin ka nahin un ka khuda hota hai...

jo chahiye so mangiye allah se ameer us dar pe aabru nahin jaati saval se...

taraf-e-kaaba na ja haj ke liye nadan hai ghaur kar dekh ki hai khana-e-dil maskan-e-dost...

na vaaiz hajv kar ek din duniya se jaana hai are munh saqi-e-kausar ko bhi aakhir dikhana hai...

kaaba-e-rukh ki taraf paDhni hai aankhon se namaz chahiye gard-e-nazar bahr-e-tayammum mujh ko...

aane-jaane pe saans ke hai madar sakht na-paedar hai duniya...

Daya Shankar Naseem

maani-e-raushan jo hon to sau se behtar ek sher matla-e-khurshid kaafi hai pa.e-divan-e-subh...

Jan Nisar Akhtar

itne mayus to haalat nahin log kis vaste ghabrae hain...

Jan Nisar Akhtar

fursat-e-kaar faqat chaar ghaDi hai yaaro ye na socho ki abhi umr paDi hai yaaro...

Jan Nisar Akhtar

ek bhi khvab na ho jin mein vo aankhen kya hain ik na ik khvab to aankhon mein basao yaaro...

Jan Nisar Akhtar

tamam umr azabon ka silsila to raha ye kam nahin hamein jiine ka hausla to raha...

Ali Sardar Jafri

inqalab aaega raftar se mayus na ho bahut aahista nahin hai jo bahut tez nahin...

Ali Sardar Jafri

phuTne vaali hai mazdur ke maathe se kiran surkh parcham ufuq-e-subh pe lahrate hain...

Asrarul Haq Majaz

tire maathe pe ye aanchal bahut hi khuub hai lekin tu is aanchal se ik parcham bana leti to achchha tha...

Asrarul Haq Majaz

vaqt ki sai-e-musalsal kargar hoti gai zindagi lahza-ba-lahza mukhtasar hoti gai...

Siraj Aurangabadi

do-rangi khuub nahin yak-rang ho ja sarapa mom ho ya sang ho ja...

Siraj Aurangabadi

tahqiq ki nazar sin aakhir kun ham ne dekha akasr hain maal vaale kam hain kamal vaale...

Siraj Aurangabadi

kiya hai jab sin amal be-khudi ke hakim ne khirad-nagar ki raiyat hui hai ru ba-gurez...

Siraj Aurangabadi

taaza rakh aab-e-mehrbani sin ek dil sau chaman barabar hai...

raah-e-mazmun-e-taza band nahin ta qayamat khula hai baab-e-sukhan...

siyah raat nahin leti naam Dhalne ka yahi to vaqt hai suraj tire nikalne ka...

jo hone vaala hai ab us ki fikr kya kiije jo ho chuka hai usi par yaqin nahin aata...

kahiye to aasman ko zamin par utaar laaen mushkil nahin hai kuchh bhi agar Thaan lijiye...

zaban mili bhi to kis vaqt be-zabanon ko sunane ke liye jab koi dastan na rahi...

aandhiyan aati thiin lekin kabhi aisa na hua khauf ke maare juda shakh se patta na hua...

gulab Tahni se TuuTa zamin par na gira karishme tez hava ke samajh se baahar hain...

dil pareshan ho magar aankh mein hairani na ho khvab dekho ki haqiqat se pashimani na ho...

Khwaja Meer Dard

dard-e-dil ke vaste paida kiya insan ko varna taaat ke liye kuchh kam na the karr-o-bayan...

Khwaja Meer Dard

bavajude ki par-o-baal na the aadam ke vahan pahuncha ki farishte ka bhi maqdur na tha...

Khwaja Meer Dard

ghafil khuda ki yaad pe mat bhuul zinhar apne taiin bhula de agar tu bhula sake...

Bahadur Shah Zafar

zafar aadmi us ko na jaaniyega vo ho kaisa hi sahab-e-fahm-o-zaka jise aish mein yaad-e-khuda na rahi jise taish mein khauf-e-khuda na raha...

Bahadur Shah Zafar

mehnat se hai azmat ki zamane mein nagin ko be-kavish-e-sina na kabhi namvari di...

Bahadur Shah Zafar

burai ya bhalai go hai apne vaste lekin kisi ko kyun kahen ham bad ki bad-goi se kya hasil...

Bahadur Shah Zafar

banaya ai zafar khaliq ne kab insan se behtar malak ko dev ko jin ko pari ko huur o ghilman ko...

Bahadur Shah Zafar

khaksari ke liye garche banaya tha mujhe kaash khaak-e-dar-e-janana banaya hota...

ishq mein maut ka naam hai zindagi jis ko jiina ho marna gavara kare...

ab insanon ki basti ka ye aalam hai ki mat puchho lage hai aag ik ghar mein to ham-saya hava de hai...

haqiqaton ka jalal deinge sadaqaton ka jamal deinge tujhe bhi ham ai gham-e-zamana ghazal ke saanche mein Dhaal deinge...

payambaron se zaminen vafa nahin kartin ham aise kaun khuda the ki apne ghar rahte...

hamin mein rahte hain vo log bhi ki jin ke sabab zamin buland hui aasman ke hote hue...

ek ham hi to nahin hain jo uThate hain saval jitne hain khaak-basar shahr ke sab puchhte hain...

mansab na kulah chahta hun tanha hun gavah chahta hun...

jangalon ko kaaT kar kaisa ghazab ham ne kiya shahr jaisa ek aadam-khor paida kar liya...

main jab kabhi us se puchhta hun ki yaar marham kahan hai mera to vaqt kahta hai muskura kar janab tayyar ho raha hai...

main bichhDon ko milane ja raha hun chalo divar Dhane ja raha hun...

khvab hote hain dekhne ke liye un mein ja kar magar raha na karo...

tum mere liye itne pareshan se kyun ho main Duub bhi jaata to kahin aur ubharta...

ek vaaris hamesha hota hai takht khaali raha nahin karta...

achchhi misal bantin zahir agar vo hotiin in nekiyon ko ham to dariya mein Daal aae...

imtihan ham ne diye is dar-e-fani mein bahut ranj khinche ham ne apni la-makani mein bahut...

ye safar maalum ka maalum tak hai ai muneer main kahan tak in hadon ke qaid-khanon mein rahun...

jahan rahega vahin raushni luTaega kisi charagh ka apna makan nahin hota...

na paane se kisi ke hai na kuchh khone se matlab hai ye duniya hai ise to kuchh na kuchh hone se matlab hai...

usulon par jahan aanch aae Takrana zaruri hai jo zinda ho to phir zinda nazar aana zaruri hai...

aage baDhna hai to aavazen suni jaati nahin rasta dene ka matlab hai ki khud pichhe raho...

safar pichhe ki jaanib hai qadam aage hai mera main buDha hota jaata hun javan hone ki khatir...

ye zindagi ki aakhiri shab hi na ho kahin jo so gae hain un ko jaga lena chahiye...

rakhta hun apna aap bahut khinch-taan kar chhoTa hun aur khud ko baDa karne aaya hun...

ise bhi zafar meri himmat hi samjho kahin ho na paaya kahin ho gaya hun...

jidhar से khol ke baiThe the dar andhere ka usi taraf se hamein raushni bahut aai...

din chaDhe hona na hona ek sa rah jaega ye bhi kya kam hai ki ab se raat bhar baaqi hun main...

kis taaza maarke pe gaya aaj phir zafar talvar taaq mein hai na ghoDa hai thaan par...

har ik shaam kahti hai phir subh hogi andhere mein suraj nazar aa raha hai...

lalach bhari mohabbat nazron se gir na jaae bad-e'tiqad dil ki jhuTi namaz ho kar...

Main dushmanon se agar jang jeet bhi jaun To un ki aurtein qaidi nahin banaunga...

Thak jata tha baadal saya karte karte Aur phir main baadal pe saya karta tha...

Shaikh Ibrahim Zauq

haq ne tujh ko ik zaban di aur diye hain kaan do is ke ye maani kahe ik aur sune insan do...

Shaikh Ibrahim Zauq

gaya shaitan maara ek sajde ke na karne mein agar lakhon baras sajde mein sar maara to kya maara...

Shaikh Ibrahim Zauq

lete hain samar shakh-e-samarvar ko jhuka kar jhukte hain sakhi vaqt-e-karam aur ziyada...

Majrooh Sultanpuri

main akela hi chala tha jaanib-e-manzil magar log saath aate gae aur karvan banta gaya...

Majrooh Sultanpuri

sunte hain ki kanTe se gul tak hain raah mein lakhon virane kahta hai magar ye azm-e-junun sahra se gulistan duur nahin...

kaise aakash mein surakh nahin ho sakta ek patthar to tabiat se uchhalo yaaro...

ab to is talab ka paani badal do ye kanval ke phuul kumhlane lage hain...

jo kiran thi kisi dariche ki markaz-e-baam ho rahi hai ab...

Dare huon ne tumhein bhi Dara diya varna khuda to pyaar sikhata hai kuchh nahin kahta...

Makhdoom Mohiuddin

hayat le ke chalo kaenat le ke chalo chalo to saare zamane ko saath le ke chalo...

Makhdoom Mohiuddin

koh-e-gham aur giran aur giran aur giran gham-zado teshe ko chamkao ki kuchh raat kaTe...

Hafeez Jalandhari

nahin itab-e-zamana khitab ke qabil tira javab yahi hai ki muskurae ja...

Explore more on Diwan E Sukhan