Lab

so dekh kar tire ruKHsar o lab yaqin aaya ki phuul khilte hain gulzar ke alava bhi...

agar sharar hai to bhaDke jo phuul hai to khile tarah tarah ki talab tere rang-e-lab se hai...

vo jab bhi karte hain is nutq o lab ki bakhiya-gari faza mein aur bhi naghme bikharne lagte hain...

us ke honTon pe rakh ke honT apne baat hi ham tamam kar rahe hain...

shauq hai is dil-e-darinda ko aap ke honT kaaT khaane ka...

shabnami aankhon ke jugnu kaanpte honTon ke phuul ek lamha tha jo amjad aaj tak guzra nahin...

ek dam us ke honT chuum liye ye mujhe baiThe baiThe kya sujhi...

un labon ne na ki masihai ham ne sau sau tarah se mar dekha...

khuda ko maan ki tujh lab ke chumne ke siva koi ilaaj nahin aaj ki udasi ka...

kuchh to mil jaae lab-e-shirin se zahr khane ki ijazat hi sahi...