Explore more on Diwan E Sukhan

Sad aesthetic text

Poetry Collection

Ash'aar

zindan mein bhi shorish na gai apne junun ki ab sang mudava hai is aashufta-sari ka...

mohabbat ke liye dil dhunDh koi TuuTne vaala ye vo mai hai jise rakhte hain nazuk aabginon mein...

yun jo takta hai aasman ko tu koi rahta hai aasman mein kya...

main raha umr bhar juda khud se yaad main khud ko umr bhar aaya...

phir us gali se apna guzar chahta hai dil ab us gali ko kaun si basti se laun main...

kya hue surat-nigaran khvab ke khvab ke surat-nigaran kya hue...

Momin Khan Momin

thi vasl mein bhi fikr-e-judai tamam shab vo aae to bhi niind na aai tamam shab...

Momin Khan Momin

momin main apne nalon ke sadqe ki kahte hain us ko bhi aaj niind na aai tamam shab...

Sahir Ludhianvi

un ka gham un ka tasavvur un ke shikve ab kahan ab to ye baaten bhi ai dil ho gain aai gai...

Firaq Gorakhpuri

tere aane ki kya umid magar kaise kah dun ki intizar nahin...

Firaq Gorakhpuri

taara TuTte sab ne dekha ye nahin dekha ek ne bhi kis ki aankh se aansu Tapka kis ka sahaara TuuT gaya...

chup-chaap sunti rahti hai pahron shab-e-firaq tasvir-e-yaar ko hai miri guftugu pasand...

Akbar Allahabadi

dil vo hai ki fariyad se labrez hai har vaqt ham vo hain ki kuchh munh se nikalne nahin dete...

Josh Malihabadi

mere rone ka jis mein qissa hai umr ka behtarin hissa hai...

Jigar Moradabadi

ab to ye bhi nahin raha ehsas dard hota hai ya nahin hota...

Jigar Moradabadi

masarrat zindagi ka dusra naam masarrat ki tamanna mustaqil gham...

Jigar Moradabadi

saaz-e-ulfat chhiD raha hai aansuon ke saaz par muskurae ham to un ko bad-gumani ho gai...

Jigar Moradabadi

kamal-e-tishnagi hi se bujha lete hain pyaas apni isi tapte hue sahra ko ham dariya samajhte hain...

nahin aati to yaad un ki mahinon tak nahin aati magar jab yaad aate hain to aksar yaad aate hain...

hai intiha-e-yaas bhi ik ibtida-e-shauq phir aa gae vahin pe chale the jahan se ham...

dilon ko fikr-e-do-aalam se kar diya aazad tire junun ka khuda silsila daraz kare...

main chahta hun ki tum hi mujhe ijazat do tumhari tarah se koi gale lagae mujhe...

sab log apne apne khudaon ko laae the ik ham hi aise the ki hamara khuda na tha...

har ek mausam mein raushni si bikherte hain tumhare gham ke charagh meri udasiyon mein...

labon se uD gaya jugnu ki tarah naam us ka sahara ab mire ghar mein na raushni ka raha...

na chhanv karne ko hai vo aanchal na chain lene ko hain vo banhein musafiron ke qarib aa kar har ik basera palaT gaya hai...

ab kisi se bhi shikayat na rahi jaane kis kis se gila tha pahle...

gham hai aavara akele mein bhaTak jaata hai jis jagah rahiye vahan milte-milate rahiye...

charagh jalte hi binai bujhne lagti hai khud apne ghar mein hi ghar ka nishan nahin milta...

hans ke milta hai magar kaafi thaki lagti hain us ki aankhen kai sadiyon ki jagi lagti hain...

ham sab ki jo dua thi use sun liya gaya phulon ki tarah aap ko bhi chun liya gaya...

Shakeel Badayuni

gham-e-hayat bhi aaghosh-e-husn-e-yaar mein hai ye vo khizan hai jo Dubi hui bahaar mein hai...

Shakeel Badayuni

nazar-navaz nazaron mein ji nahin lagta vo kya gae ki baharon mein ji nahin lagta...

is shahr-e-be-charagh mein jaegi tu kahan aa ai shab-e-firaq tujhe ghar hi le chalen...

kuchh khabar le ki teri mahfil se duur baiTha hai jaan-ba-lab koi...

kal thake-haare parindon ne nasihat ki mujhe shaam Dhal jaae to mohsin tum bhi ghar jaaya karo...

zakhm kahte hain dil ka gahna hai dard dil ka libas hota hai...

un ke aane ke baad bhi jalib der tak un ka intizar raha...

apni to dastan hai bas itni gham uThae hain shairi ki hai...

vahshat-e-dil ke kharidar bhi napaid hue kaun ab ishq ke bazar mein kholega dukan...

dil bujhne laga aatish-e-rukhsar ke hote tanha nazar aate hain gham-e-yaar ke hote...

koi taair idhar nahin aata kaisi taqsir is makan se hui...

kaun jaane ki uDti hui dhuup bhi kis taraf kaun si manzilon mein gai...

kabab-e-sikh hain ham karvaTen har-su badalte hain jal uThta hai jo ye pahlu to vo pahlu badalte hain...

pahlu mein mere dil ko na ai dard kar talash muddat hui gharib vatan se nikal gaya...

roz-o-shab yaan ek si hai raushni dil ke daghon ka charaghan aur hai...

Jan Nisar Akhtar

ab ye bhi nahin thiik ki har dard miTa den kuchh dard kaleje se lagane ke liye hain...

Ali Sardar Jafri

shab ke sannaTe mein ye kis ka lahu gaata hai sarhad-e-dard se ye kis ki sada aati hai...

Asrarul Haq Majaz

phir miri aankh ho gai namnak phir kisi ne mizaj puchha hai...

Siraj Aurangabadi

Duub jaata hai mira ji jo kahun qissa-e-dard niind aati hai mujhi kun mire afsane mein...

ab ji ke bahalne ki hai ek yahi surat biiti hui kuchh baaten ham yaad karen phir se...

ye qafile yaadon ke kahin kho gae hote ik pal bhi agar bhuul se ham so gae hote...

khajil charaghon se ahl-e-vafa ko hona hai ki sarfaraz yahan phir hava ko hona hai...

bahut dushvar samjhane hai gham ka samajh lene mein dushvari nahin hai...

vahi to umr mere dard-e-dil ki bhi hogi tire shabab ka ye kaun saal hai pyaare...

tum se bichhaD kar zinda hain jaan bahut sharminda hain...

vo chaand kah ke gaya tha ki aaj niklega to intizar mein baiTha hua hun shaam se main...

muskurate hue milta hun kisi se jo 'zafar' saaf pahchan liya jaata hun roya hua main...

ek na-maujudgi rah jaegi chaaron taraf rafta rafta is qadar sunsan kar dega mujhe...

maza barsaat ka chaho to in aankhon mein aa baiTho syahi hai safedi hai shafaq hai abr-e-baran hai...

avval-e-shab vo bazm ki raunaq shama bhi thi parvana bhi raat ke aakhir hote hote khatm tha ye afsana bhi...

Shaikh Ibrahim Zauq

kahte hain aaj zauq jahan se guzar gaya kya khuub aadmi tha khuda maghfirat kare...

Shaikh Ibrahim Zauq

diin kyon ki na vo dagh-e-alam aur ziyada qimat mein baDhe dil ke diram aur ziyada...

Majrooh Sultanpuri

phir aai fasl ki manind barg-e-aavara hamare naam gulon ke muraslat chale...

yahan tak aate aate suukh jaati hain kai nadiyan mujhe maalum hai paani kahan Thahra hua hoga...

Hafeez Jalandhari

tanhai-e-firaq mein ummid baar-ha gum ho gai sukut ke hangama-zar mein...

Explore more on Diwan E Sukhan