Explore more on Diwan E Sukhan

Sad relationship

Poetry Collection

Ash'aar

jab tavaqqo hi uTh gai ghalib kyun kisi ka gila kare koi...

us ko juda hue bhi zamana bahut hua ab kya kahen ye qissa purana bahut hua...

kisi bevafa ki khatir ye junun faraz kab tak jo tumhein bhula chuka hai use tum bhi bhul jao...

lo phir tire labon pe usi bevafa ka zikr ahmad faraz tujh se kaha na bahut hua...

Faiz Ahmad Faiz

juda the ham to mayassar thin qurbaten kitni baham hue to paDi hain judaiyan kya kya...

Momin Khan Momin

le shab-e-vasl-e-ghair bhi kaaTi tu mujhe aazmaega kab tak...

Sahir Ludhianvi

main jise pyaar ka andaz samajh baiTha hun vo tabassum vo takallum tiri aadat hi na ho...

Firaq Gorakhpuri

main muddaton jiya hun kisi dost ke baghair ab tum bhi saath chhoDne ko kah rahe ho khair...

Firaq Gorakhpuri

tire pahlu mein kyun hota hai mahsus ki tujh se duur hota ja raha hun...

Firaq Gorakhpuri

bad-guman ho ke mil ai dost jo milna hai tujhe ye jhijhakte hue milna koi milna bhi nahin...

aao mil jao ki ye vaqt na paoge kabhi main bhi ham-rah zamane ke badal jaunga...

ilahi kyun nahin uThti qayamat majra kya hai hamare samne pahlu mein vo dushman ke baiThe hain...

Jigar Moradabadi

us ne apna bana ke chhoD diya kya asiri hai kya rihai hai...

bad-guman aap hain kyun aap se shikva hai kise jo shikayat hai hamein gardish-e-ayyam se hai...

toD kar ahd-e-karam na-ashna ho jaiye banda-parvar jaiye achchha khafa ho jaiye...

Amjad Islam Amjad

duriyan simaTne mein der kuchh to lagti hai ranjishon ke miTne mein der kuchh to lagti hai...

vo mera dost hai saare jahan ko hai maalum dagha kare vo kisi se to sharm aae mujhe...

abhi to baat karo ham se doston ki tarah phir ikhtilaf ke pahlu nikalte rahna...

Shakeel Badayuni

kaise kah dun ki mulaqat nahin hoti hai roz milte hain magar baat nahin hoti hai...

Shakeel Badayuni

kaafi hai mire dil ki tasalli ko yahi baat aap aa na sake aap ka paigham to aaya...

Shakeel Badayuni

tujh se barham hun kabhi khud se khafa kuchh ajab raftar hai tere baghair...

haal-e-dil ham bhi sunate lekin jab vo rukhsat hua tab yaad aaya...

main is jaanib tu us jaanib biich mein patthar ka dariya tha...

aap ne auron se kaha sab kuchh ham se bhi kuchh kabhi kahin kahte...

log Darte hain dushmani se tiri ham tiri dosti se Darte hain...

ahl-e-vafa se tark-e-taalluq kar lo par ik baat kahen kal tum in ko yaad karoge kal tum inhein pukaroge...

ab tujh se kis munh se kah den saat samundar paar na ja biich ki ik divar bhi ham to phaand na paae Dha na sake...

Altaf Hussain Hali

raazi hain ham ki dost se ho dushmani magar dushman ko ham se dost banaya na jaega...

jo sun sako to ye sab dastan tumhari hai hazar baar jataya magar nahin maane...

main to apne aap ko us din bahut achchhi lagi vo jo thak kar der se aaya use kaisa laga...

tu ne mizhgan uTha ke dekha bhi shahr khaali na tha makinon se...

us ko fursat bhi nahin mujh ko tamanna bhi nahin phir khalish kya hai ki rah rah ke vafa dhunDhti hai...

miri bebasi mujh pe zahir hai lekin tumhaari tamanna tumhaari tamanna...

Jan Nisar Akhtar

aaj to mil ke bhi jaise na mile hon tujh se chaunk uThte the kabhi teri mulaqat se ham...

Jan Nisar Akhtar

muaaf kar na saki meri zindagi mujh ko vo ek lamha ki main tujh se tang aaya tha...

Asrarul Haq Majaz

ye aana koi aana hai ki bas rasman chale aae ye milna khaak milna hai ki dil se dil nahin milta...

Asrarul Haq Majaz

taskin-e-dil-e-mahzun na hui vo sai-e-karam farma bhi gae is sai-e-karam ko kya kahiye bahla bhi gae taDpa bhi gae...

vaqt ko kyun bhala bura kahiye tujh ko hona hi tha juda ham se...

mujh ko le Duuba tira shahr mein yakta hona dil bahal jaata agar koi bhi tujh sa hota...

us ko kisi ke vaste be-taab dekhte ham bhi kabhi ye manzar-e-nayab dekhte...

Khwaja Meer Dard

dushmani ne suna na hovega jo hamein dosti ne dikhlaya...

Bahadur Shah Zafar

baat karni mujhe mushkil kabhi aisi to na thi jaisi ab hai tiri mahfil kabhi aisi to na thi...

Bahadur Shah Zafar

jo tu ho saaf to kuchh main bhi saaf tujh se kahun tire hai dil mein kudurat kahun to kis se kahun...

Mohammad Rafi Sauda

ye ranjish mein ham ko hai be-ikhtiyari tujhe teri kha kar qasam dekhte hain...

ye sitam ki mahfil-e-naaz hai kaleem is ko aur sajae ja vo dikhaen raqs-e-sitamgari tu ghazal ka saaz bajae ja...

ajiib hi tha mire daur-e-gumrahi ka rafiq bichhaD gaya to kabhi lauT kar nahin aaya...

us se milne ke liye jaae to kya jaae koi us ne darvaze pe aaina laga rakkha hai...

ai sadaf sun tujhe phir yaad dila deta hun main ne ik chiiz tujhe di thi guhar karne ko...

jaante the donon ham us ko nibha sakte nahin us ne vaada kar liya main ne bhi vaada kar liya...

shahr mein vo mo'tabar meri gavahi se hua phir mujhe is shahr mein na-mo'tabar us ne kiya...

us ko bhi to ja kar dekho us ka haal bhi mujh sa hai chup chup rah kar dukh sahne se to insan mar jaata hai...

uTha tu ja bhi chuka tha ajiib mehman tha sadaen de ke mujhe niind se jaga bhi gaya...

vo jhuuT bol raha tha baDe saliqa se main e'tibar na karta to aur kya karta...

dukh apna agar ham ko batana nahin aata tum ko bhi to andaza lagana nahin aata...

main bolta gaya hun vo sunta raha khamosh aise bhi meri haar hui hai kabhi kabhi...

vasim dekhna muD muD ke vo usi ki taraf kisi ko chhoD ke jaana bhi to nahin aaya...

us ko fursat nahin milti ki palaT kar dekhe hamin divane hain divane bane rahte hain...

dost ne dil ko toD ke naqsh-e-vafa miTa diya samjhe the ham jise khalil kaaba usi ne Dha diya...

vo qissa-e-dard-agin chup kar diya tha jis ne tum se na suna jaata mujh se na bayan hota...

Makhdoom Mohiuddin

hijr mein milne shab-e-mah ke gham aae hain charasazon ko bhi bulvao ki kuchh raat kaTe...

Hafeez Jalandhari

mujh se kya ho saka vafa ke siva mujh ko milta bhi kya saza ke siva...

Obaid Azam Azmi

dekhta hun tu nahin rahm ke qabil koi sochta hun to hazaron taras aata hai...

Explore more on Diwan E Sukhan