Explore more on Diwan E Sukhan

Whatsapp lines

Poetry Collection

Ash'aar

har ek baat pe kahte ho tum ki tu kya hai tumhin kaho ki ye andaz-e-guftugu kya hai...

tum takalluf ko bhi iKHlas samajhte ho faraz dost hota nahin har haath milane vaala...

mujh se bichhaD ke tu bhi to roega umr bhar ye soch le ki main bhi tiri khvahishon mein hun...

judaiyan to muqaddar hain phir bhi jaan-e-safar kuchh aur duur zara saath chal ke dekhte hain...

aaj ham daar pe khinche gae jin baaton par kya ajab kal vo zamane ko nisabon mein milen...

Faiz Ahmad Faiz

vo aa rahe hain vo aate hain aa rahe honge shab-e-firaq ye kah kar guzar di ham ne...

Faiz Ahmad Faiz

meri khamoshiyon mein larzan hai mere nalon ki gum-shuda aavaz...

Faiz Ahmad Faiz

vo jab bhi karte hain is nutq o lab ki bakhiya-gari faza mein aur bhi naghme bikharne lagte hain...

mire saliqa se meri nibhi mohabbat mein tamam umr main nakamiyon se kaam liya...

umr guzri davaen karte miir dard-e-dil ka hua na chaara hanuz...

roz-e-hisab jab mira pesh ho daftar-e-amal aap bhi sharmsar ho mujh ko bhi sharmsar kar...

bahut nazdik aati ja rahi ho bichhaDne ka irada kar liya kya...

ab miri koi zindagi hi nahin ab bhi tum meri zindagi ho kya...

bolte kyun nahin mire haq mein aable paD gae zaban mein kya...

sab mere baghair mutmain hain main sab ke baghair ji raha hun...

kharch chalega ab mira kis ke hisab mein bhala sab ke liye bahut hun main apne liye zara nahin...

aakhiri baat tum se kahna hai yaad rakhna na tum kaha mera...

main bistar-e-khayal pe leTa hun us ke paas subh-e-azal se koi taqaza kiye baghair...

ghar se ham ghar talak gae honge apne hi aap tak gae honge...

raegan vasl mein bhi vaqt hua par hua khuub raegan jaanan...

ham tira hijr manane ke liye nikle hain shahr mein aag lagane ke liye nikle hain...

ek surud-e-raushni nima-e-shab ka khvab tha ek khamosh tirgi saneha-ashna bhi thi...

yun bichhaDna bhi bahut aasan na tha us se magar jaate jaate us ka vo muD kar dobara dekhna...

kaun jaane ki nae saal mein tu kis ko paDhe tera meyar badalta hai nisabon ki tarah...

titliyan pakaDne mein duur tak nikal jaana kitna achchha lagta hai phuul jaise bachchon par...

Momin Khan Momin

hai kuchh to baat momin jo chha gai khamoshi kis but ko de diya dil kyun but se ban gae ho...

Momin Khan Momin

kar ilaj-e-josh-e-vahshat charagar la de ik jangal mujhe bazar se...

Momin Khan Momin

dida-e-hairan ne tamasha kiya der talak vo mujhe dekha kiya...

Sahir Ludhianvi

kaun rota hai kisi aur ki khatir ai dost sab ko apni hi kisi baat pe rona aaya...

Sahir Ludhianvi

jo mil gaya usi ko muqaddar samajh liya jo kho gaya main us ko bhulata chala gaya...

Sahir Ludhianvi

kis darja dil-shikan the mohabbat ke haadse ham zindagi mein phir koi arman na kar sake...

Sahir Ludhianvi

kabhi milenge jo raste mein to munh phira kar palaT paDenge kahin sunenge jo naam tera to chup rahenge nazar jhuka ke...

Sahir Ludhianvi

aao ki aaj ghaur karen is saval par dekhe the ham ne jo vo hasin khvab kya hue...

Sahir Ludhianvi

rangon mein tera aks dhala tu na dhal saki sanson ki aanch jism ki khushbu na dhal saki...

Firaq Gorakhpuri

bahut pahle se un qadmon ki aahaT jaan lete hain tujhe ai zindagi ham duur se pahchan lete hain...

Firaq Gorakhpuri

tabiat apni ghabrati hai jab sunsan raaton mein ham aise mein tiri yaadon ki chadar taan lete hain...

Firaq Gorakhpuri

laai na aison-vaison ko khatir mein aaj tak uunchi hai kis qadar tiri nichi nigah bhi...

Firaq Gorakhpuri

tu yaad aaya tire jaur-o-sitam lekin na yaad aae mohabbat mein ye masumi baDi mushkil se aati hai...

Firaq Gorakhpuri

fareb-e-ahd-e-mohabbat ki sadgi ki qasam vo jhuuT bol ki sach ko bhi pyaar aa jaae...

Firaq Gorakhpuri

kahan ka vasl tanhai ne shayad bhes badla hai tire dam bhar ke mil jaane ko ham bhi kya samajhte hain...

is nahin ka koi ilaaj nahin roz kahte hain aap aaj nahin...

chup-chaap sunti rahti hai pahron shab-e-firaq tasvir-e-yaar ko hai miri guftugu pasand...

ik ada mastana sar se paanv tak chhai hui uf tiri kafir javani josh par aai hui...

sabaq aisa paDha diya tu ne dil se sab kuchh bhula diya tu ne...

na rona hai tariqe ka na hansna hai saliqa ka pareshani mein koi kaam ji se ho nahin sakta...

Akbar Allahabadi

rahta hai ibadat mein hamein maut ka khaTka ham yaad-e-khuda karte hain, kar le na khuda yaad...

Akbar Allahabadi

is qadar tha khaTmalon ka charpai mein hujum vasl ka dil se mire arman rukhsat ho gaya...

Akbar Allahabadi

shaikh apni rag ko kya karen reshe ko kya karen mazhab ke jhagDe chhoDen to peshe ko kya karen...

Akbar Allahabadi

ye hai ki jhukata hai mukhalif ki bhi gardan sun lo ki koi shai nahin ehsan se behtar...

Akbar Allahabadi

javani ki hai aamad sharm se jhuk sakti hain aankhen magar siine ka fitna ruk nahin sakta ubharne se...

Akbar Allahabadi

kya hi rah rah ke tabiat miri ghabrati hai maut aati hai shab-e-hijr na niind aati hai...

Akbar Allahabadi

maza hai speech ka dinner mein khabar ye chhapti hai pioneer mein falak ki gardish ke saath hi saath kaam yaaron ka chal raha hai...

Josh Malihabadi

had hai apni taraf nahin main bhi aur un ki taraf khudai hai...

Josh Malihabadi

ik na ik zulmat se jab vabasta rahna hai to josh zindagi par saya-e-zulf-e-pareshan kyun na ho...

Jigar Moradabadi

yun zindagi guzar raha hun tire baghair jaise koi gunah kiye ja raha hun main...

Jigar Moradabadi

aabad agar na dil ho to barbad kijiye gulshan na ban sake to bayaban banaiye...

Jigar Moradabadi

mohabbat mein ye kya maqam aa rahe hain ki manzil pe hain aur chale ja rahe hain...

Jigar Moradabadi

phuul khile hain gulshan gulshan lekin apna apna daaman...

Jigar Moradabadi

jise sayyad ne kuchh gul ne kuchh bulbul ne kuchh samjha chaman mein kitni mani-khez thi ik khamushi miri...

kaT gai ehtiyat-e-ishq mein umr ham se izhar-e-muddaa na hua...

khinch lena vo mira parde ka kona dafatan aur dupaTTe se tira vo munh chhupana yaad hai...

manus ho chala tha tasalli se haal-e-dil phir tu ne yaad aa ke ba-dastur kar diya...

khu samajh mein nahin aati tire divanon ki damanon ki na khabar hai na girebanon ki...

bhuul hi jaen ham ko ye to na ho log mere liye dua na karen...

har dhaDakte patthar ko log dil samajhte hain umren biit jaati hain dil ko dil banane mein...

log TuuT jaate hain ek ghar banane mein tum taras nahin khate bastiyan jalane mein...

rone valon ne uTha rakkha tha ghar sar par magar umr bhar ka jagne vala paDa sota raha...

bahut dinon se mire saath thi magar kal shaam mujhe pata chala vo kitni khubsurat hai...

main chahta hun ki tum hi mujhe ijazat do tumhari tarah se koi gale lagae mujhe...

haqiqaton mein zamana bahut guzar chuke koi kahani sunao baDa andhera hai...

mujhe khabar thi ki ab lauT kar na aaunga so tujh ko yaad kiya dil pe vaar karte hue...

Amjad Islam Amjad

peDon ki tarah husn ki baarish mein naha lun baadal ki tarah jhuum ke ghar aao kisi din...

Amjad Islam Amjad

phir aaj kaise kaTegi pahaD jaisi raat guzar gaya hai yahi baat sochte hue din...

Amjad Islam Amjad

bichhaD ke tujh se na ji paae mukhtasar ye hai is ek baat se nikli hai dastan kya kya...

ab jis taraf se chahe guzar jaae karvan viraniyan to sab mire dil mein utar gain...

jo vo mire na rahe main bhi kab kisi ka raha bichhaD ke un se saliqa na zindagi ka raha...

ye zaruri hai ki aankhon ka bharam qaem rahe niind rakkho ya na rakkho khvab meyari rakkho...

hamare piir taqi-miir ne kaha tha kabhi miyan ye aashiqi izzat bigaD deti hai...

thak gaya main karte karte yaad tujh ko ab tujhe main yaad aana chahta hun...

abhi to baat karo ham se doston ki tarah phir ikhtilaf ke pahlu nikalte rahna...

angDai par angDai leti hai raat judai ki tum kya samjho tum kya jaano baat miri tanhai ki...

daad-e-safar mili hai kise raah-e-shauq mein ham ne miTa diye hain nishan apne paanv ke...

koshish bhi kar umiid bhi rakh rasta bhi chun phir is ke baad thoDa muqaddar talash kar...

ek mahfil mein kai mahfilen hoti hain sharik jis ko bhi paas se dekhoge akela hoga...

girja mein mandiron mein azanon mein baT gaya hote hi subh aadmi khanon mein baT gaya...

khuda ke haath mein mat saunp saare kaamon ko badalte vaqt pe kuchh apna ikhtiyar bhi rakh...

khush-haal ghar sharif tabiat sabhi ka dost vo shakhs tha ziyada magar aadmi tha kam...

ghi misri bhi bhej kabhi akhbaron mein kai dinon se chaae hai kaDvi ya allah...

jab bhi kashti miri sailab mein aa jaati hai maan dua karti hui khvab mein aa jaati hai...

shahr ke raste hon chahe gaanv ki pagDanDiyan maan ki ungli thaam kar chalna bahut achchha laga...

dahliz pe rakh di hain kisi shakhs ne aankhen raushan kabhi itna to diya ho nahin sakta...

gharibon par to mausam bhi hukumat karte rahte hain kabhi baarish kabhi garmi kabhi ThanDak ka qabza hai...

Shakeel Badayuni

jaane vaale se mulaqat na hone paai dil ki dil mein hi rahi baat na hone paai...

Shakeel Badayuni

dil ki taraf shakeel tavajjoh zarur ho ye ghar ujaD gaya to basaya na jaega...

Shakeel Badayuni

rahmaton se nibah mein guzri umr saari gunah mein guzri...

Shakeel Badayuni

sab karishmat-e-tasavvur hain shakeel varna aata hai na jaata hai koi...

judaiyon ke zakhm dard-e-zindagi ne bhar diye tujhe bhi niind aa gai mujhe bhi sabr aa gaya...

nai duniya ke hangamon mein nasir dabi jaati hain aavazen purani...

gae dinon ka suragh le kar kidhar se aaya kidhar gaya vo ajiib manus ajnabi tha mujhe to hairan kar gaya vo...

kabhi zulfon ki ghaTa ne ghera kabhi aankhon ki chamak yaad aai...

gali gali miri yaad bichhi hai pyare rasta dekh ke chal mujh se itni vahshat hai to meri hadon se duur nikal...

suna hai shahar mein zakhmi dilon ka mela hai chalenge ham bhi magar pairahan rafu kar ke...

zindagi yun hui basar tanha qafila saath aur safar tanha...

dil par dastak dene kaun aa nikla hai kis ki aahaT sunta hun virane mein...

aap ne auron se kaha sab kuchh ham se bhi kuchh kabhi kahin kahte...

kanch ke paar tire haath nazar aate hain kaash khushbu ki tarah rang hina ka hota...

dushmanon ne jo dushmani ki hai doston ne bhi kya kami ki hai...

us sitamgar ki haqiqat ham pe zahir ho gai khatm khush-fahmi ki manzil ka safar bhi ho gaya...

kab lauTa hai bahta paani bichhDa sajan ruuTha dost ham ne us ko apna jaana jab tak haath mein daman tha...

ham ghuum chuke basti ban mein ik aas ki phaans liye man mein...

phir un ki gali mein pahunchega phir sahv ka sajda kar lega is dil pe bharosa kaun kare har roz musalman hota hai...

ham is lambe-chauDe ghar mein shab ko tanha hote hain dekh kisi din aa mil ham se ham ko tujh se kaam hai chaand...

Altaf Hussain Hali

vo ummid kya jis ki ho intiha vo vaada nahin jo vafa ho gaya...

Altaf Hussain Hali

yaran-e-tez-gaam ne manzil ko ja liya ham mahv-e-nala-e-jaras-e-karvan rahe...

Altaf Hussain Hali

be-qarari thi sab ummid-e-mulaqat ke saath ab vo agli si darazi shab-e-hijran mein nahin...

bhulna khud ko to aasan hai bhula baiTha hun vo sitamgar jo na bhule se bhulaya jaae...

apna har andaz aankhon ko tar-o-taza laga kitne din ke baad mujh ko aaina achchha laga...

lo Dubton ne dekh liya nakhuda ko aaj taqrib kuchh to bahr-e-mulaqat ho gai...

jiina hai to ji lenge bahar-taur divane kis baat ka gham hai rasan-o-dar ke hote...

dil ke virane mein ghumo to bhaTak jaoge raunaq-e-kucha-o-bazar se aage na baDho...

bujhi hui hain nigahen ghubar hai ki dhuan vo rasta hai ki apna bhi naqsh-e-pa na mile...

phir nigahon ko aazma liije phir vafaon pe ishtibah rahe...

hamein aziiz hain in bastiyon ki divaren ki jin ke saae bhi divar bante jaate the...

bheji hain us ne phulon mein munh-band sipiyan inkar bhi ajab hai bulava bhi hai ajab...

aahon se soz-e-ishq miTaya na jaega phunkon se ye charagh bujhaya na jaega...

phir baiThe baiThe vada-e-vasl us ne kar liya phir uTh khaDa hua vahi rog intizar ka...

samajhta hun sabab kafir tire aansu nikalne ka dhuan lagta hai aankhon mein kisi ke dil ke jalne ka...

masjid mein bulate hain hamein zahid-e-na-fahm hota kuchh agar hosh to mai-khane na jaate...

girah se kuchh nahin jaata hai pi bhi le zahid mile jo muft to qaazi ko bhi haram nahin...

mauquf jurm hi pe karam ka zuhur tha bande agar qusur na karte qusur tha...

kaaba-e-rukh ki taraf paDhni hai aankhon se namaz chahiye gard-e-nazar bahr-e-tayammum mujh ko...

aane-jaane pe saans ke hai madar sakht na-paedar hai duniya...

Daya Shankar Naseem

kya lutf jo ghair parda khole jaadu vo jo sar pe chaDh ke bole...

Daya Shankar Naseem

pahunchi na rahat ham se kisi ko balki aziyyat kosh hue zinda the to baar-e-shikam the mar ke vabal-e-dosh hue...

Jan Nisar Akhtar

aaj to mil ke bhi jaise na mile hon tujh se chaunk uThte the kabhi teri mulaqat se ham...

Jan Nisar Akhtar

muaaf kar na saki meri zindagi mujh ko vo ek lamha ki main tujh se tang aaya tha...

Ali Sardar Jafri

ye tera gulistan tera chaman kab meri nava ke qabil hai naghma mira apne daaman mein aap apna gulistan laata hai...

Asrarul Haq Majaz

dafn kar sakta hun siine mein tumhaare raaz ko aur tum chaho to afsana bana sakta hun main...

Asrarul Haq Majaz

miri barbadiyon ka ham-nashino tumhein kya khud mujhe bhi gham nahin hai...

Asrarul Haq Majaz

kyun javani ki mujhe yaad aai main ne ik khvab sa dekha kya tha...

Siraj Aurangabadi

ishq aur aql mein hui hai shart jiit aur haar ka tamasha hai...

Siraj Aurangabadi

kabhi tum mom ho jaate ho jab main garm hota hun kabhi main sard hota hun to tum bhaDkao karte ho...

Siraj Aurangabadi

aankh uThate hi mire haath sin mujh kun le ga.e khuub ustad ho tum jaan ke le jaane mein...

Siraj Aurangabadi

hamari baat mohabbat sin tum jo gosh karo to apni prem kahani tumhein sunaunga...

Siraj Aurangabadi

takiya-e-makhmali sirhane rakh lekin aankhon sin apni khvab nikal...

Siraj Aurangabadi

tire sukhan mein ai naseh nahin hai kaifiyyat zaban-e-qulqul-e-mina sin sun kalam-e-sharab...

Siraj Aurangabadi

kyunki hove zahid khud-bin murid-e-zulf-e-yaar us ne saari umr mein zunnar kun dekha na tha...

phir meri khabar lene vo sayyad na aaya shayad ki mira haal use yaad na aaya...

rashk sun tujh laban ki surkhi par jigar-e-lala dagh dagh hua...

ghar ki taamir tasavvur hi mein ho sakti hai apne naqshe ke mutabiq ye zamin kuchh kam hai...

pal bhar mein kaise log badal jaate hain yahan dekho ki ye mufid hai binai ke liye...

vaqt ko kyun bhala bura kahiye tujh ko hona hi tha juda ham se...

ab ji ke bahalne ki hai ek yahi surat biiti hui kuchh baaten ham yaad karen phir se...

raat ko din se milane ki havas thi ham ko kaam achchha na tha anjam bhi achchha na hua...

safar ka nashsha chaDha hai to kyun utar jaae maza to jab hai koi lauT ke na ghar jaae...

ham ne to koi baat nikali nahin gham ki vo zud-pashiman pashiman sa kyun hai...

Khwaja Meer Dard

nahin shikva mujhe kuchh bevafai ka tiri hargiz gila tab ho agar tu ne kisi se bhi nibhai ho...

Khwaja Meer Dard

haal mujh gham-zada ka jis jis ne jab suna hoga ro diya hoga...

Khwaja Meer Dard

kamar khamida nahin be-sabab zaifi mein zamin dhunDte hain vo mazar ke qabil...

Khwaja Meer Dard

band ahkam-e-aql mein rahna ye bhi ik naua ki himaqat hai...

Bahadur Shah Zafar

baat karni mujhe mushkil kabhi aisi to na thi jaisi ab hai tiri mahfil kabhi aisi to na thi...

Bahadur Shah Zafar

logon ka ehsan hai mujh par aur tira main shukr-guzar tiir-e-nazar se tum ne maara laash uThai logon ne...

Bahadur Shah Zafar

ja kahiyo mera nasim-e-sahar mira chain gaya miri niind gai...

Bahadur Shah Zafar

but-parasti jis se hove haq-parasti ai zafar kya kahun tujh se ki vo tarz-e-parastish aur hai...

Mohammad Rafi Sauda

na kar sauda tu shikva ham se dil ki be-qarari ka mohabbat kis ko deti hai miyan aaraam duniya mein...

Mohammad Rafi Sauda

kaun kisi ka gham khaata hai kahne ko gham-khvar hai duniya...

Mohammad Rafi Sauda

ammame ko utaar ke paDhiyo namaz shaikh sajde se varna sar ko uThaya na jaega...

Mohammad Rafi Sauda

kis munh se phir tu aap ko kahta hai ishq-baaz ai ru-siyah tujh se to ye bhi na ho saka...

Mohammad Rafi Sauda

badshahat do jahan ki bhi jo hove mujh ko tere kuche ki gadai se na kho de mujh ko...

Mohammad Rafi Sauda

kahte تھے ham na dekh sakein roz-e-hijr ko par jo khuda dikhae so na-chaar dekhna...

Mohammad Rafi Sauda

na rakkha jag mein rasm-e-dostii andoh-rozii ne magar zaanu se ab baaqi raha hai rabt-e-peshaani...

kisi harf mein kisi baab mein nahin aaega tira zikr meri kitab mein nahin aaega...

na jaane ruuTh ke baiTha hai dil ka chain kahan mile to us ko hamara koi salam kahe...

tumhein yaad hi na aaun ye hai aur baat varna main nahin hun duur itna ki salam tak na pahunche...

din ek sitam ek sitam raat karo ho vo dost ho dushman ko bhi tum maat karo ho...

fan mein na moajaza na karamaat chahiye dil ko lage bas aisi koi baat chahiye...

khamoshi mein har baat ban jaae hai jo bole hai divana kahlae hai...

duniya mein gharibon ko do kaam hi aate hain khaane ke liye jiina jiine ke liye khaana...

bahut dushvar samjhane hai gham ka samajh lene mein dushvari nahin hai...

tamam khana-ba-doshon mein mushtarak hai ye baat sab apne apne gharon ko palaT ke dekhte hain...

dayar-e-nur mein tira-shabon ka sathi ho koi to ho jo miri vahshaton ka sathi ho...

samundar ke kinare ek basti ro rahi hai main itni duur hun aur mujh ko vahshat ho rahi hai...

Duub jaun to koi mauj nishan tak na batae aisi naddi mein utar jaane ko ji chahta hai...

ye basti jaani pahchani bahut hai yahan vaadon ki arzani bahut hai...

kahan ke naam o nasab ilm kya fazilat kya jahan-e-rizq mein tauqir-e-ahl-e-hajat kya...

sab ke jaisi na bana zulf ki ham sada-nigah tere dhoke mein kisi aur ke shane lag jaaen...

kya badan hai ki Thaharta hi nahin aankhon mein bas yahi dekhta rahta hun ki ab kya hoga...

main jab kabhi us se puchhta hun ki yaar marham kahan hai mera to vaqt kahta hai muskura kar janab tayyar ho raha hai...

tu faraham na ho mujh ko ye hai marzi teri tujh ko jab chahun bula lun ye ijazat mujhe de...

badan phir se uga legi ye miTTi ki main ne jaan abhi haari nahin hai...

tu mujh ko jo is shahr mein laaya nahin hota main be-sar-o-saman kabhi rusva nahin hota...

janta hun ek aise shakhs ko main bhi muneer gham se patthar ho gaya lekin kabhi roya nahin...

khvahishen hain ghar se baahar duur jaane ki bahut shauq lekin dil mein vapas lauT kar aane ka tha...

muneer is mulk par aaseb ka saaya hai ya kya hai ki harkat tez-tar hai aur safar aahista aahista...

tha muneer aaghaz hi se rasta apna ghalat is ka andaza safar ki raigani se hua...

shahr mein vo mo'tabar meri gavahi se hua phir mujhe is shahr mein na-mo'tabar us ne kiya...

tez thi itni ki saara shahr suna kar gai der tak baiTha raha main us hava ke samne...

uTha tu ja bhi chuka tha ajiib mehman tha sadaen de ke mujhe niind se jaga bhi gaya...

zinda logon ki bud-o-bash mein hain murda logon ki aadaten baaqi...

laai hai ab uDa ke gae mausamon ki baas barkha ki rut ka qahr hai aur ham hain dosto...

shaam tak subh ki nazron se utar jaate hain itne samjhauton pe jiite hain ki mar jaate hain...

main ne chaha hai tujhe aam se insan ki tarah tu mira khvab nahin hai jo bikhar jaega...

main bhi use khone ka hunar siikh na paaya us ko bhi mujhe chhoD ke jaana nahin aata...

apni is aadat pe hi ik roz maare jaaenge koi dar khole na khole ham pukare jaaenge...

mohabbat ke gharon ke kachche-pan ko ye kahan samjhein in aankhon ko to bas aata hai barsaatein baDi karna...

aate hain aane do ye tufan kya le jaenge main to jab Darta ki mera hausla le jaenge...

tujh ko meri na mujhe teri khabar jaegi eid ab ke bhi dabe paanv guzar jaegi...

ghar naya bartan na.e kapDe na.e in purane kaghazon ka kya karen...

ishq udasi ke paigham to laata rahta hai din raat lekin ham ko khush rahne ki aadat bahut ziyada hai...

husn us ka usi maqam pe hai ye musafir safar nahin karta...

uTha sakte nahin jab chuum kar hi chhoDna achchha mohabbat ka ye patthar is dafa bhaari ziyada hai...

phir ja rukegi bujhte kharabon ke des mein suuni sulagti sochti sunsan si saDak...

barish ki bahut tez hava mein kahin mujh ko darpesh tha ik marhala jalne ki tarah ka...

ek na-maujudgi rah jaegi chaaron taraf rafta rafta is qadar sunsan kar dega mujhe...

khul ke ro bhi sakun aur hans bhi sakun ji bhar ke abhi itni bhi faraghat mein nahin rah sakta...

chapatiyan thiin bandhi peT par magar shab-bhar ubharta Duubta main bhuuk ke bhanvar mein raha...

palaT paDa jo main sar phoD kar mohabbat mein to rasta isi divar se nikal aaya...

kufr se ye jo munavvar miri peshani hai zahir is se bhi mira jazba-e-iimani hai...

aisa hai jaise aankh ki putli ke vast mein naqsha bana hua hai kisi khvab-zar ka...

had se Takrati hai jo shai vo palaTti hai zarur khud bhi roenge gharibon ko rulane vaale...

do tund havaon par buniyad hai tufan ki ya tum na hasin hote ya mein na javan hota...

har nafas ik sharab ka ho ghunT zindagani haram hai varna...

aarzu be-asar mohabbat chhoD kyun kare kaam jab nahin aata...

josh-e-junun mein vo tire vahshi ka chikhna band apne haath se dar-e-zindan kiye hue...

aap apne se barhami kaisi main nahin koi aur hai ye bhi...

Us ki marzi wo jise paas bitha le apne Is pe kya ladna falan meri jagah baith gaya...

Khud hi main khud ko likh raha hoon khat Aur main apna nama-bar bhi hoon...

Ik tera hijr daimi hai mujhe Warna har cheez aarzi hai mujhe...

Kuchh zarurat se kam kiya gaya hai Tere jaane ka gham kiya gaya hai...

Main tere dushman lashkar ka shahzada Kaise mumkin hai ye shaadi shahzadi...

Shaikh Ibrahim Zauq

ai 'zauq' takalluf mein hai taklif sarasar aaram mein hai vo jo takalluf nahin karta...

Shaikh Ibrahim Zauq

rulaegi miri yaad un ko muddaton sahab karenge bazm mein mahsus jab kami meri...

Shaikh Ibrahim Zauq

baaqi hai dil mein shaikh ke hasrat gunah ki kaala karega munh bhi jo daDhi siyah ki...

Shaikh Ibrahim Zauq

mazkur tiri bazm mein kis ka nahin aata par zikr hamara nahin aata nahin aata...

Majrooh Sultanpuri

jafa ke zikr pe tum kyun sambhal ke baiTh gae tumhaari baat nahin baat hai zamane ki...

Majrooh Sultanpuri

'majruh' qafile ki mire dastan ye hai rahbar ne mil ke luuT liya rahzan ke saath...

Majrooh Sultanpuri

para-e-dil hai vatan ki sarzamin mushkil ye hai shahr ko viran ya is dil ko virana kahen...

ek aadat si ban gai hai tu aur aadat kabhi nahin jaati...

ab to is talab ka paani badal do ye kanval ke phuul kumhlane lage hain...

jo kiran thi kisi dariche ki markaz-e-baam ho rahi hai ab...

main paanv dho ke piyun yaar ban ke jo aae munafiqon ko to main munh lagane vaala nahin...

Makhdoom Mohiuddin

ek tha shakhs zamana tha ki divana bana ek afsana tha afsane se afsana bana...

Hafeez Jalandhari

miri majburiyan kya puchhte ho ki jiine ke liye majbur hun main...

Hafeez Jalandhari

haae koi dava karo haae koi dua karo haae jigar mein dard hai haae jigar ko kya karun...

Hafeez Jalandhari

aane vaale kisi tufan ka rona ro kar na-khuda ne mujhe sahil pe Dubona chaha...

Hafeez Jalandhari

sunata hai kya hairat-angez qisse hasinon mein khoi ho jis ne javani...

Hafeez Jalandhari

meri qismat ke navishte ko miTa de koi mujh ko qismat ke navishte ne miTa rakkha hai...

Explore more on Diwan E Sukhan