Explore more on Diwan E Sukhan

Whatsapp status video

Poetry Collection

Ash'aar

chala tha zikr zamane ki bevafai ka so aa gaya hai tumhaara khayal vaise hi...

ab aur kya kisi se marasim baDhaen ham ye bhi bahut hai tujh ko agar bhuul jaen ham...

ye kin nazron se tu ne aaj dekha ki tera dekhna dekha na jaae...

vo khaar khaar hai shakh-e-gulab ki manind main zakhm zakhm hun phir bhi gale lagaun use...

Faiz Ahmad Faiz

shaam-e-firaq ab na puchh aai aur aa ke Tal gai dil tha ki phir bahal gaya jaan thi ki phir sambhal gai...

Faiz Ahmad Faiz

vo buton ne Daale hain vasvase ki dilon se khauf-e-khuda gaya vo paDi hain roz qayamatenn ki khayal-e-roz-e-jaza gaya...

Faiz Ahmad Faiz

chang o nai rang pe the apne lahu ke dam se dil ne lai badli to maddham hua har saaz ka rang...

hamare aage tira jab kisu ne naam liya dil-e-sitam-zada ko ham ne thaam thaam liya...

jam gaya khuun kaf-e-qatil pe tira miir zi-bas un ne ro ro diya kal haath ko dhote dhote...

kabhi chhoDi hui manzil bhi yaad aati hai rahi ko khaTak si hai jo siine mein gham-e-manzil na ban jaae...

ek hi hadsa to hai aur vo ye ki aaj tak baat nahin kahi gai baat nahin suni gai...

ab to har baat yaad rahti hai ghaliban main kisi ko bhul gaya...

ab tum kabhi na aaoge yaani kabhi kabhi rukhsat karo mujhe koi vaada kiye baghair...

ham jo ab aadmi hain pahle kabhi jaam honge chhalak gae honge...

jama ham ne kiya hai gham dil mein is ka ab suud khaaey jaenge...

ham ko hargiz nahin khuda manzur yaani ham be-tarah khuda ke hain...

rakho dair-o-haram ko ab muqaffal kai pagal yahan se bhaag nikle...

mere tevar bujh gae meri nigahen jal gain ab koi aaina-ru aaina-dar aaya to kya...

Momin Khan Momin

ham samajhte hain aazmane ko uzr kuchh chahiye satane ko...

Momin Khan Momin

dho diya ashk-e-nadamat ne gunahon ko mire tar hua daman to baare paak daman ho gaya...

Momin Khan Momin

mujhe kaam rone se aksar hai naseh tu kab tak mire munh ko dhota rahega...

Sahir Ludhianvi

jab tum se mohabbat ki ham ne tab ja ke kahin ye raaz khula marne ka saliqa aate hi jiine ka shuur aa jaata hai...

Sahir Ludhianvi

mujrim hun main agar to gunahgar tum bhi ho ai rahbaran-e-qaum khata-kar tum bhi ho...

Sahir Ludhianvi

ai aarzu ke dhundle kharabo javab do phir kis ki yaad aai thi mujh ko pukarne...

Firaq Gorakhpuri

dekh raftar-e-inqalab firaq kitni aahista aur kitni tez...

Firaq Gorakhpuri

aql mein yun to nahin koi kami ik zara divangi darkar hai...

Firaq Gorakhpuri

tira visal baDi chiiz hai magar ai dost visal ko miri duniya-e-aarzu na bana...

Firaq Gorakhpuri

ahbab se rakhta hun kuchh ummid-e-khurafat rahte hain khafa mujh se bahut log isi se...

na jaana ki duniya se jaata hai koi bahut der ki mehrban aate aate...

khatir se ya lihaz se main maan to gaya jhuTi qasam se aap ka iman to gaya...

hamari taraf ab vo kam dekhte hain vo nazren nahin jin ko ham dekhte hain...

Akbar Allahabadi

hangama hai kyun barpa thoDi si jo pi li hai Daka to nahin maara chori to nahin ki hai...

Akbar Allahabadi

naaz kya is pe jo badla hai zamane ne tumhein mard hain vo jo zamane ko badal dete hain...

Akbar Allahabadi

javani ki dua laDkon ko na-haq log dete hain yahi laDke miTate hain javani ko javan ho kar...

Akbar Allahabadi

dukhtar-e-raz ne uTha rakkhi hai aafat sar par khairiyat guzri ki angur ke beTa na hua...

Akbar Allahabadi

shaikh ji ghar se na nikle aur mujh se kah diya aap b.a pass hain aur banda bibi paas hai...

Akbar Allahabadi

leaderi chaho to lafz-e-qaum hai mehman-navaz gap-navison ko aur ahl-e-mez ko raazi karo...

Josh Malihabadi

soz-e-gham de ke mujhe us ne ye irshad kiya ja tujhe kashmakash-e-dahr se aazad kiya...

Josh Malihabadi

mile jo vaqt to ai rah-rav-e-rah-e-iksir haqir khaak se bhi saaz-baz karta ja...

Jigar Moradabadi

jo tufanon mein palte ja rahe hain vahi duniya badalte ja rahe hain...

Jigar Moradabadi

miri zindagi to guzri tire hijr ke sahaare miri maut ko bhi pyare koi chahiye bahana...

Jigar Moradabadi

bhulana hamara mubarak mubarak magar shart ye hai na yaad aaiyega...

Jigar Moradabadi

mohabbat mein ik aisa vaqt bhi dil par guzarta hai ki aansu khushk ho jaate hain tughyani nahin jaati...

Jigar Moradabadi

baiThe hue raqib hain dilbar ke aas-paas kanTon ka hai hujum gul-e-tar ke aas-paas...

Jigar Moradabadi

jaan hi de di jigar ne aaj pa-e-yaar par umr bhar ki be-qarari ko qarar aa hi gaya...

aur to paas mire hijr mein kya rakkha hai ik tire dard ko pahlu mein chhupa rakkha hai...

mira ishq bhi khud-gharaz ho chala hai tire husn ko bevafa kahte kahte...

ham jaur-paraston pe guman tark-e-vafa ka ye vahm kahin tum ko gunahgar na kar de...

ai yaad-e-yaar dekh ki ba-vasf-e-ranj-e-hijr masrur hain tiri khalish-e-na-tavan se ham...

na ji bhar ke dekha na kuchh baat ki baDi aarzu thi mulaqat ki...

kabhi kabhi to chhalak paDti hain yunhi aankhen udaas hone ka koi sabab nahin hota...

us ki aankhon ko ghaur se dekho mandiron mein charagh jalte hain...

ye ek peD hai aa is se mil ke ro len ham yahan se tere mire raste badalte hain...

khuda ki us ke gale mein ajiib qudrat hai vo bolta hai to ik raushni si hoti hai...

botalein khol kar to pi barson aaj dil khol kar bhi pi jaae...

din Dhal gaya to raat guzarne ki aas mein suraj naddi mein Duub gaya ham gilas mein...

duur tak chhae the baadal aur kahin saaya na tha is tarah barsaat ka mausam kabhi aaya na tha...

vo dil hi kya tire milne ki jo dua na kare main tujh ko bhuul ke zinda rahun khuda na kare...

hausla kis mein hai yusuf ki kharidari ka ab to mahngai ke charche hain zulekhaon mein...

ye moajiza bhi mohabbat kabhi dikhae mujhe ki sang tujh pe gire aur zakhm aae mujhe...

barhaman ko gavain Thumriyan is ne shivale mein khuda-bakhshe bahut si khubiyan thiin marne vaale mein...

dushmani laakh sahi khatm na kiije rishta dil mile ya na mile haath milate rahiye...

ab khushi hai na koi dard rulane vaala ham ne apna liya har rang zamane vaala...

gham ho ki khushi donon kuchh duur ke saathi hain phir rasta hi rasta hai hansna hai na rona hai...

zaruri kya har ik mahfil mein baiThen takalluf ki rava-dari se bachiye...

gintiyon mein hi gine jaate hain har daur mein ham har qalamkar ki be-nam khabar ke ham hain...

tumhaari aankhon ki tauhin hai zara socho tumhaara chahne vaala sharab piita hai...

main ne kal shab chahaton ki sab kitaben phaaD din sirf ik kaghaz pe likkha lafz-e-maan rahne diya...

kisi ki yaad aati hai to ye bhi yaad aata hai kahin chalne ki zid karna mira tayyar ho jaana...

miri hatheli pe honTon se aisi mohr laga ki umr bhar ke liye main bhi surkh-ru ho jaun...

Shakeel Badayuni

mohabbat hi mein milte hain shikayat ke maze paiham mohabbat jitni baDhti hai shikayat hoti jaati hai...

Shakeel Badayuni

kitni dil-kash hain tiri tasvir ki raanaiyan lekin ai parda-nashin tasvir phir tasvir hai...

Shakeel Badayuni

vo hava de rahe hain daaman ki haae kis vaqt niind aai hai...

Shakeel Badayuni

khul gaya un ki aarzu mein ye raaz ziist apni nahin parai hai...

aaj dekha hai tujh ko der ke baad aaj ka din guzar na jaae kahin...

ek dam us ke honT chuum liye ye mujhe baiThe baiThe kya sujhi...

kal jo tha vo aaj nahin jo aaj hai kal miT jaega rukhi-sukhi jo mil jaae shukr karo to behtar hai...

tire firaq ki raaten kabhi na bhulengi maze mile unhin raaton mein umr bhar ke mujhe...

ye kah ke chheDti hai hamein dil-giraftagi ghabra gae hain aap to baahar hi le chalen...

zara si der Thaharne de ai gham-e-duniya bula raha hai koi baam se utar ke mujhe...

tumhein jab ru-ba-ru dekha karenge ye socha hai bahut socha karenge...

zaban rakhta hun lekin chup khaDa hun main aavazon ke ban mein ghir gaya hun...

kitni lambi khamoshi se guzra hun un se kitna kuchh kahne ki koshish ki...

vo umr kam kar raha tha meri main saal apne baDha raha tha...

ye shukr hai ki mire paas tera gham to raha vagarna zindagi bhar ko rula diya hota...

kuchh log khayalon se chale jaaen to soen biite hue din raat na yaad aaen to soen...

dil hijr ke dard se bojhal hai ab aan milo to behtar ho is baat se ham ko kya matlab ye kaise ho ye kyunkar ho...

miir se baiat ki hai to insha miir ki baiat bhi hai zarur shaam ko ro ro subh karo ab subh ko ro ro shaam karo...

ab tujh se kis munh se kah den saat samundar paar na ja biich ki ik divar bhi ham to phaand na paae Dha na sake...

Altaf Hussain Hali

aa rahi hai chah-e-yusuf se sada dost yaan thoDe hain aur bhai bahut...

Altaf Hussain Hali

chor hai dil mein kuchh na kuchh yaaro niind phir raat bhar na aai aaj...

Altaf Hussain Hali

kuchh hansi khel sambhalna gham-e-hijran mein nahin chaak-e-dil mein hai mire jo ki gareban mein nahin...

is ummid pe roz charagh jalate hain aane vaale barson baad bhi aate hain...

jo dil ne kahi lab pe kahan aai hai dekho ab mahfil-yaran mein bhi tanhai hai dekho...

shab-bhar ka tira jaagna achchha nahin zehra phir din ka koi kaam bhi puura nahin hota...

ek aaina ru-ba-ru hai abhi us ki khushbu se guftugu hai abhi...

kaTta kahan tavil tha raaton ka silsila suraj miri nigah ki sachchaiyon mein tha...

shayad kisi ne yaad kiya hai hamein ada kyon varna ashk mail-e-tufan hai aaj phir...

payam-e-zindagi-e-nau na ban sakin sad haif ye uudi uudi ghaTaen ye bhigi bhigi bahaar...

dil ko bhi gham ka saliqa na tha pahle pahle us ko bhi bhulna achchha laga pahle pahle...

udasiyon ko to aangan hi chahiyein khaali chhaton pe chandni raaton ka silsila rakhna...

hans ke farmate hain vo dekh ke halat meri kyun tum aasan samajhte the mohabbat meri...

mushkil bahut paDegi barabar ki choT hai aaina dekhiyega zara dekh-bhal ke...

baad marne ke bhi chhoDi na rifaqat meri meri turbat se lagi baiThi hai hasrat meri...

in shokh hasinon pe jo mail nahin hota kuchh aur bala hoti hai vo dil nahin hota...

aashiq ka baankpan na gaya baad-e-marg bhi takhte pe ghusl ke jo liTaya akaD gaya...

apni mahfil se abas ham ko uThate hain huzur chupke baiThe hain alag aap ka kya lete hain...

vasl mein khaali hui ghair se mahfil to kya sharm bhi jaae to main jaanun ki tanhai hui...

ji lage aap ka aisa ki kabhi ji na bhare dil laga kar jo sunein aap fasana dil ka...

Daya Shankar Naseem

samjha hai haq ko apne hi jaanib har ek shakhs ye chaand us ke saath chala jo jidhar gaya...

Jan Nisar Akhtar

sau chaand bhi chamkenge to kya baat banegi tum aae to is raat ki auqat banegi...

Jan Nisar Akhtar

aahaT si koi aae to lagta hai ki tum ho saaya koi lahrae to lagta hai ki tum ho...

Ali Sardar Jafri

daaman jhaTak ke vaadi-e-gham se guzar gaya uTh uTh ke dekhti rahi gard-e-safar mujhe...

Asrarul Haq Majaz

roen na abhi ahl-e-nazar haal pe mere hona hai abhi mujh ko kharab aur ziyada...

Asrarul Haq Majaz

haae vo vaqt ki jab be-piye mad-hoshi thi haae ye vaqt ki ab pi ke bhi makhmur nahin...

Asrarul Haq Majaz

taskin-e-dil-e-mahzun na hui vo sai-e-karam farma bhi gae is sai-e-karam ko kya kahiye bahla bhi gae taDpa bhi gae...

Siraj Aurangabadi

vaqt hai ab namaz-e-maghrib ka chaand rukh lab shafaq hai gesu shaam...

Siraj Aurangabadi

ai nur-e-nazar muntazir-e-vasl hun aa ja do paaT palak ke nahin darvaza hua mahz...

Siraj Aurangabadi

marham tire visal ka lazim hai ai sanam dil mein lagi hai hijr ki barchhi ki huul aaj...

Siraj Aurangabadi

dil le gaya hai mujh kun de ummid-e-dil-dahi zalim kabhi to laega mera liya hua...

Siraj Aurangabadi

tire salam ke dhaj dekh kar mire dil ne shitab aaqa mujhe rukhsati salam kiya...

Siraj Aurangabadi

zi-bas kafir-adayon ne chalae sang-e-be-rahmi agar sab jamaa karta main to but-khane hue hote...

tujh lab ki sifat laal-e-badakhshan sun kahunga jaadu hain tire nain ghazalan sun kahunga...

chhupa hun main sada-e-bansuli mein ki ta jaanun pari-ru ki gali mein...

jab bhi milti hai mujhe ajnabi lagti kyun hai zindagi roz nae rang badalti kyun hai...

sabhi ko gham hai samundar ke khushk hone ka ki khel khatm hua kashtiyan Dubone ka...

ajiib saneha mujh par guzar gaya yaaro main apne saae se kal raat Dar gaya yaaro...

tanhai ki ye kaun si manzil hai rafiqo ta-hadd-e-nazar ek bayaban sa kyun hai...

aise hijr ke mausam kab kab aate hain tere alava yaad hamein sab aate hain...

nahin hai mujh se ta'alluq koi to aisa kyun ki tu ne muD ke faqat ik mujhi ko dekha kyun...

dil pareshan ho magar aankh mein hairani na ho khvab dekho ki haqiqat se pashimani na ho...

Khwaja Meer Dard

dushmani ne suna na hovega jo hamein dosti ne dikhlaya...

Khwaja Meer Dard

aankhen bhi haae naza mein apni badal gaiin sach hai ki bekasi mein koi aashna nahin...

Khwaja Meer Dard

ham bhi jaras ki tarah to is qafile ke saath naale jo kuchh bisat mein the so suna chale...

Bahadur Shah Zafar

daulat-e-duniya nahin jaane ki hargiz tere saath baad tere sab yahin ai be-khabar baT jaegi...

Bahadur Shah Zafar

kya puchhta hai ham se tu ai shokh sitamgar jo tu ne kiye ham pe sitam kah nahin sakte...

Bahadur Shah Zafar

laDa kar aankh us se ham ne dushman kar liya apna nigah ko naaz ko andaz ko abru ko mizhgan ko...

Bahadur Shah Zafar

idhar khayal mire dil mein zulf ka guzra udhar vo khata hua dil mein pech-o-taab aaya...

Mohammad Rafi Sauda

sauda ki jo baaliin pe gaya shor-e-qayamat khuddam-e-adab bole abhi aankh lagi hai...

Mohammad Rafi Sauda

dil ke TukDon ko baghal-giir liye phirta hun kuchh ilaaj is ka bhi ai shisha-giran hai ki nahin...

Mohammad Rafi Sauda

sauda jahan mein aa ke koi kuchh na le gaya jaata hun ek main dil-e-pur-aarzu liye...

Mohammad Rafi Sauda

yaaro vo sharm se jo na bola to kya hua aankhon mein sau tarah ki hikayat ho gai...

dard aisa hai ki ji chahe hai zinda rahiye zindagi aisa ki mar jaane ko ji chahe hai...

zara dekh aaina meri vafa ka ki tu kaisa tha ab kaisa lage hai...

vo baat zara si jise kahte hain gham-e-dil samjhane mein ik umr guzar jaae hai pyaare...

kabhi aisa bhi hove hai rote rote jigar thaam kar muskurana paDe hai...

zindagi mail-e-fariyad-o-fughan aaj bhi hai kal bhi tha siine pe ik sang-e-giran aaj bhi hai...

khvab ki tarah bikhar jaane ko ji chahta hai aisi tanhai ki mar jaane ko ji chahta hai...

karen to kis se karen na-rasaiyon ka gila safar tamam hua ham-safar nahin aaya...

samajh rahe hain magar bolne ka yaara nahin jo ham se mil ke bichhaD jaae vo hamara nahin...

hamein to apne samundar ki ret kaafi hai tu apne chashma-e-be-faiz ko sambhal ke rakh...

aajizi bakhshi gai tamkanat-e-faqr ke saath dene vaale ne hamein kaun si daulat nahin di...

jab 'miir' o 'mirza' ke sukhan raegan gae ik be-hunar ki baat na samjhi gai to kya...

chaand bhi hairan dariya bhi pareshani mein hai aks kis ka hai ki itni raushni paani mein hai...

us jagah ja ke vo baiTha hai bhari mahfil mein ab jahan mere ishaare bhi nahin ja sakte...

ise bachchon ke hathon se uThao ye duniya is qadar bhaari nahin hai...

jise bhi pyaas bujhani ho mere paas rahe kabhi bhi apne labon se chhalakne lagta hun...

meri ik umr aur ik ahd ki tarikh raqam hai jis par kaise rokun ki vo aansu miri aankhon se gira jaata hai...

bas ek lams ki jal jaaen sab khas-o-khashak ise visal bhi kahte hain khush-bayani mein...

ye kaisa nashsha hai main kis ajab khumar mein hun tu aa ke ja bhi chuka hai main intizar mein hun...

vo jis ko main samajhta raha kamyab din vo din tha meri umr ka sab se kharab din...

makan hai qabr jise log khud banate hain main apne ghar mein hun ya main kisi mazar mein hun...

liye phira jo mujhe dar-ba-dar zamane mein khayal tujh ko dil-e-be-qarar kis ka tha...

dil ajab mushkil mein hai ab asl raste ki taraf yaad pichhe khinchti hai aas aage ki taraf...

aisa safar hai jis ki koi intiha nahin aisa makan hai jis mein koi ham-nafas nahin...

raat ik ujDe makan par ja ke jab aavaz di guunj uTThe baam-o-dar meri sada ke samne...

khushbu ki divar ke pichhe kaise kaise rang jame hain jab tak din ka suraj aae us ka khoj lagate rahna...

kuchh hai ki jo ghar de nahin paata hai kisi ko varna koi aise to safar mein nahin rahta...

aate aate mira naam sa rah gaya us ke honTon pe kuchh kanpta rah gaya...

jo mujh mein tujh mein chala aa raha hai barson se kahin hayat isi faasle ka naam na ho...

bhare makan ka bhi apna nasha hai kya jaane sharab-khane mein raaten guzarne vaala...

jism ki chaah lakiron se ada karta hai khaak samjhega musavvir tiri angDai ko...

dekhna saath hi chhuTe na buzurgon ka kahin patte peDon pe lage hon to hare rahte hain...

thakna bhi lazmi tha kuchh kaam karte karte kuchh aur thak gaya hun aaram karte karte...

bas ek baar kisi ne gale lagaya tha phir us ke baad na main tha na mera saaya tha...

mujh mein hain gahri udasi ke jarasim is qadar main tujhe bhi is maraz mein mubtala kar jaunga...

kya khabar jis ka yahan itna uDate hain mazaq khud hamein bhi kabhi is rang mein Dhalna paD jaae...

vaqt zaae na karo ham nahin aise vaise ye ishaara to mujhe us ne kai baar diya...

ye ham jo peT se hi sochte hain shaam o sahar kabhi to jaaenge is daal-bhaat se aage...

tiri yaad mein jalsa-e-taaziyat tujhe bhuul jaane ka aaghaz tha...

ik dhuup si tani hui baadal ke aar-paar ik pyaas hai ruki hui jharne ke bavajud...

buDhape se agli ye manzil hai koi javan ho gaya hun hasin ho gaya hun...

vo maqamat-e-muqaddas vo tire gumbad o qaus aur mira aise nishanat ka zair hona...

patang uDane se kya mana kar sake zahid ki us ki apni aba mein patang uDti hai...

dar-e-umid se ho kar nikalne lagta hun to yaas rauzan-e-zindan se aankh maarti hai...

yun saja rakkha tha qurbani ka bakra shokh ne dil hamara dekhte hi dekhte bakri hua...

kis ne bhige hue baalon se ye jhaTka paani jhuum ke aai ghaTa TuuT ke barsa paani...

vo palaT ke jald na aaenge ye ayaan hai tarz-e-khiram se koi gardish aisi bhi ai falak jo mila de subh ko shaam se...

ham ko itna bhi rihai ki khushi mein nahin hosh TuuTi zanjir ki khud paanv hamara TuuTa...

dekhen mahshar mein un se kya Thahre the vahi but vahi khuda Thahre...

vo sar-e-baam kab nahin aata jab main hota hun tab nahin aata...

hasraton ka dil se qabza uTh gaya ghasibon ki hukmrani khatm hai...

Rahega yaad madine se wapsi ka safar Main nazm likhne laga tha ki naat ho gai hai...

Tumhein husn par dastaras hai mohabbat wohabbat bada jaante ho To phir ye batao ki tum us ki aankhon ke baare mein kya jaante ho...

Thak jata tha baadal saya karte karte Aur phir main baadal pe saya karta tha...

Tujh mein ye aib hai ki khoobi hai Jo tujhe dekh le tera ho jaye...

Raat bahut hai tum chaho to so jao Mera kya hai main din mein bhi so lunga...

Shaikh Ibrahim Zauq

tum bhuul kar bhi yaad nahin karte ho kabhi ham to tumhaari yaad mein sab kuchh bhula chuke...

Shaikh Ibrahim Zauq

kya jaane use vahm hai kya meri taraf se jo khvab mein bhi raat ko tanha nahin aata...

Shaikh Ibrahim Zauq

be-qarari ka sabab har kaam ki ummid hai na-ummidi ho to phir aaram ki ummid hai...

Shaikh Ibrahim Zauq

dikhane ko nahin ham muztarib haalat hi aisi hai masal hai ro rahe ho kyun kaha surat hi aisi hai...

Shaikh Ibrahim Zauq

diin kyon ki na vo dagh-e-alam aur ziyada qimat mein baDhe dil ke diram aur ziyada...

Majrooh Sultanpuri

alag baiThe the phir bhi aankh saaqi ki paDi ham par agar hai tishnagi kaamil to paimane bhi aaenge...

Majrooh Sultanpuri

ab kargah-e-dahr mein lagta hai bahut dil ai dost kahin ye bhi tira gham to nahin hai...

tu kisi rail si guzarti hai main kisi pul sa thartharata hun...

ye log homo-havan mein yaqin rakhte hain chalo yahan se chalen haath jal na jaae kahin...

Makhdoom Mohiuddin

raat bhar dard ki shama jalti rahi gham ki lau thartharati rahi raat bhar...

Hafeez Jalandhari

ham hi mein thi na koi baat yaad na tum ko aa sake tum ne hamein bhula diya ham na tumhein bhula sake...

Hafeez Jalandhari

haath rakh rakh ke vo siine pe kisi ka kahna dil se dard uThta hai pahle ki jigar se pahle...

Hafeez Jalandhari

mire Duub jaane ka baais na puchho kinare se Takra gaya tha safina...

Hafeez Jalandhari

dekha na karobar-e-mohabbat kabhi 'hafiz' fursat ka vaqt hi na diya karobar ne...

Hafeez Jalandhari

tanhai-e-firaq mein ummid baar-ha gum ho gai sukut ke hangama-zar mein...

Explore more on Diwan E Sukhan