Explore more on Diwan E Sukhan

Best poetry lines

Poetry Collection

Ash'aar

khulta kisi pe kyun mire dil ka moamla sheron ke intikhab ne rusva kiya mujhe...

so dekh kar tire ruKHsar o lab yaqin aaya ki phuul khilte hain gulzar ke alava bhi...

suna hai log use aankh bhar ke dekhte hain so us ke shahr mein kuchh din Thahar ke dekhte hain...

faraz ishq ki duniya to khub-surat thi ye kis ne fitna-e-hijr-o-visal rakkha hai...

dil ka dukh jaana to dil ka masala hai par hamein us ka hans dena hamare haal par achchha laga...

Faiz Ahmad Faiz

ham parvarish-e-lauh-o-qalam karte rahenge jo dil pe guzarti hai raqam karte rahenge...

Faiz Ahmad Faiz

miri jaan aaj ka gham na kar ki na jaane katib-e-vaqt ne kisi apne kal mein bhi bhul kar kahin likh rakhi hon masarraten...

Faiz Ahmad Faiz

sab qatl ho ke tere muqabil se aae hain ham log surkh-ru hain ki manzil se aae hain...

Faiz Ahmad Faiz

sajao bazm ghazal gaao jaam taaza karo bahut sahi gham-e-giti sharab kam kya hai...

kya kahun tum se main ki kya hai ishq jaan ka rog hai bala hai ishq...

mujh ko shaer na kaho miir ki sahab main ne dard o gham kitne kiye jama to divan kiya...

paDhte phirenge galiyon mein in rekhton ko log muddat rahengi yaad ye baaten hamariyan...

ab ke junun mein fasla shayad na kuchh rahe daman ke chaak aur gireban ke chaak mein...

meri banhon mein bahakne ki saza bhi sun le ab bahut der mein aazad karunga tujh ko...

ho raha hun main kis tarah barbad dekhne vaale haath malte hain...

tegh-bazi ka shauq apni jagah aap to qatl-e-aam kar rahe hain...

daad-o-tahsin ka ye shor hai kyun ham to khud se kalam kar rahe hain...

ham yahan khud aae hain laaya nahin koi hamein aur khuda ka ham ne apne naam par rakkha hai naam...

mujh ko ye hosh hi na tha tu mire bazuon mein hai yaani tujhe abhi talak main ne riha nahin kiya...

do jahan se guzar gaya phir bhi main raha khud ko umr bhar darpesh...

tegh to jaun phenk dije magar haath mein apne dhaal to rakhiye...

us ne jalti hui peshani pe jab haath rakha ruuh tak aa gai tasiir masihaai ki...

Momin Khan Momin

na karo ab nibah ki baaten tum ko ai mehrban dekh liya...

Momin Khan Momin

ho gae naam-e-butan sunte hi momin be-qarar ham na kahte the ki hazrat parsa kahne ko hain...

Momin Khan Momin

ejaz-e-jaan-dahi hai hamare kalam ko zinda kiya hai ham ne masiha ke naam ko...

Sahir Ludhianvi

un ke rukhsar pe Dhalke hue aansu tauba main ne shabnam ko bhi shoalon pe machalte dekha...

Sahir Ludhianvi

khuun apna ho ya paraya ho nasl-e-aadam ka khuun hai aakhir...

Sahir Ludhianvi

kya mol lag raha hai shahidon ke khuun ka marte the jin pe ham vo saza-yab kya hue...

Firaq Gorakhpuri

sunte hain ishq naam ke guzre hain ik buzurg ham log bhi faqir usi silsile ke hain...

Firaq Gorakhpuri

kuchh na puchho firaq ahd-e-shabab raat hai niind hai kahani hai...

Firaq Gorakhpuri

shakl insan ki ho chaal bhi insan ki ho yun bhi aati hai qayamat mujhe maalum na tha...

Firaq Gorakhpuri

ye maana inqalab-e-zindagi mein laakh khatre hain tamanna phir bhi hai ye zindagi zer-o-zabar hoti...

Firaq Gorakhpuri

bahsen chhiDi hui hain hayat o mamat ki sau baat ban gai hai firaq ek baat ki...

rukh-e-raushan ke aage shama rakh kar vo ye kahte hain udhar jaata hai dekhen ya idhar parvana aata hai...

koi nam-o-nishan puchhe to ai qasid bata dena takhallus dagh hai vo aashiqon ke dil mein rahte hain...

dil ka kya haal kahun subh ko jab us but ne le ke angDai kaha naaz se ham jaate hain...

miir ka rang baratna nahin aasan ai dagh apne divan se mila dekhiye divan un ka...

Akbar Allahabadi

ilahi kaisi kaisi suraten tu ne banai hain ki har surat kaleje se laga lene ke qabil hai...

Akbar Allahabadi

ye dilbari ye naaz ye andaz ye jamal insan kare agar na tiri chaah kya kare...

Akbar Allahabadi

main hun kya chiiz jo us tarz pe jaun akbar nasikh o zauq bhi jab chal na sake miir ke saath...

Akbar Allahabadi

jalva na ho maani ka to surat ka asar kya bulbul gul-e-tasvir ka shaida nahin hota...

Akbar Allahabadi

taalim-e-dukhtaran se ye ummid hai zarur nache dulhan khushi se khud apni barat mein...

Josh Malihabadi

sirf itne ke liye aankhen hamein bakhshi gain dekhiye duniya ke manzar aur ba-ibrat dekhiye...

Josh Malihabadi

allah re husn-e-dost ki aaina-dariyan ahl-e-nazar ko naqsh-ba-divar kar diya...

gul-dasta-e-maani ko nae Dhang se bandhun ik phuul ka mazmun ho to sau rang se bandhun...

Jigar Moradabadi

tire jamal ki tasvir khinch dun lekin zaban mein aankh nahin aankh mein zaban nahin...

Jigar Moradabadi

tul-e-gham-e-hayat se ghabra na ai jigar aisi bhi koi shaam hai jis ki sahar na ho...

Jigar Moradabadi

husn ko bhi kahan nasib jigar vo jo ik shai miri nigah mein hai...

Jigar Moradabadi

main jahan hun tire khayal mein hun tu jahan hai miri nigah mein hai...

Jigar Moradabadi

vo the na mujh se duur na main un se duur tha aata na tha nazar to nazar ka qusur tha...

Jigar Moradabadi

ek dil hai aur tufan-e-havadis ai jigar ek shisha hai ki har patthar se Takrata hun main...

iqrar hai ki dil se tumhein chahte hain ham kuchh is gunah ki bhi saza hai tumhaare paas...

milte hain is ada se ki goya khafa nahin kya aap ki nigah se ham aashna nahin...

koshishen ham ne kiin hazar magar ishq mein ek motabar na hui...

vo chehra kitabi raha samne baDi khubsurat paDhai hui...

utar bhi aao kabhi aasman ke ziine se tumhein khuda ne hamare liye banaya hai...

main tamam din ka thaka hua tu tamam shab ka jaga hua zara Thahar ja isi moD par tere saath shaam guzar lun...

tiri aarzu tiri justuju mein bhaTak raha tha gali gali miri dastan tiri zulf hai jo bikhar bikhar ke sanvar gai...

mujhe ishtihar si lagti hain ye mohabbaton ki kahaniyan jo kaha nahin vo suna karo jo suna nahin vo kaha karo...

Amjad Islam Amjad

kamal-e-husn hai husn-e-kamal se baahar azal ka rang hai jaise misal se baahar...

Amjad Islam Amjad

tire firaq ki sadiyan tire visal ke pal shumar-e-umr mein ye maah o saal se kuchh hain...

shah-name likkhe hain khanDarat ki har iinT par har jagah hai dafn ik afsana tere shahr mein...

chaand suraj miri chaukhaT pe kai sadiyon se roz likkhe hue chehre pe saval aate hain...

ab jis ke ji mein aae vahi paae raushni ham ne to dil jala ke sar-e-aam rakh diya...

kyun sharik-e-gham banate ho kisi ko ai qateel apni suli apne kandhe par uThao chup raho...

ghar se masjid hai bahut duur chalo yun kar len kisi rote hue bachche ko hansaya jaae...

itna sach bol ki honTon ka tabassum na bujhe raushni khatm na kar aage andhera hoga...

apne lahje ki hifazat kijiye sher ho jaate hain na-malum bhi...

aur kya chahiye jiine ke liye roz mil jaati hai piine ke liye...

kisi ko ghar mila hisse mein ya koi dukan aai main ghar mein sab se chhoTa tha mire hisse mein maan aai...

hamari dosti se dushmani sharmai rahti hai ham akbar hain hamare dil mein jodha-bai rahti hai...

Shakeel Badayuni

mera azm itna buland hai ki parae sholon ka Dar nahin mujhe khauf aatish-e-gul se hai ye kahin chaman ko jala na de...

Shakeel Badayuni

na paimane khanakte hain na daur-e-jaam chalta hai nai duniya ke rindon mein khuda ka naam chalta hai...

aarzu hai ki tu yahan aae aur phir umr bhar na jaae kahin...

niyyat-e-shauq bhar na jaae kahin tu bhi dil se utar na jaae kahin...

girafta-dil hain bahut aaj tere divane khuda kare koi tere siva na pahchane...

tu aankhon se ojhal hota jaata hai duur khaDe ham khaali haath hilate hain...

chunti hain mere ashk ruton ki bhikaranen mohsin luTa raha hun sar-e-aam chandni...

zindagi par bhi koi zor nahin dil ne har chiiz parai di hai...

ek sannata dabe-paanv gaya ho jaise dil se ik khauf sa guzra hai bichhaD jaane ka...

apni to dastan hai bas itni gham uThae hain shairi ki hai...

yunhi to nahin dasht mein pahunche yunhi to nahin jog liya basti basti kanTe dekhe jangal jangal phuul miyan...

ai qais-e-junun-pesha insha ko kabhi dekha vahshi ho to aisa ho rusva ho to aisa ho...

ab qurbat-o-sohbat-e-yaar kahan lab o aariz o zulf o kanar kahan ab apna bhi miir sa aalam hai Tuk dekh liya ji shaad kiya...

Altaf Hussain Hali

ham jis pe mar rahe hain vo hai baat hi kuchh aur aalam mein tujh se laakh sahi tu magar kahan...

Altaf Hussain Hali

munh kahan tak chhupaoge ham se tum mein aadat hai khud-numai ki...

ek ke ghar ki khidmat ki aur ek ke dil se mohabbat ki donon farz nibha kar us ne saari umr ibadat ki...

ek tera gham jis ko raah-e-motabar jaanen is safar mein ham kis ko apna ham-safar jaanen...

kanTa sa jo chubha tha vo lau de gaya hai kya ghulta hua lahu mein ye khurshid sa hai kya...

sajde taDap rahe hain jabin-e-niyaz mein sar hain kisi ki zulf ka sauda liye hue...

shamil hun main tere ratjagon mein jaagun bhi to tere khvab sochun...

laraz rahi hai zamin sahmi laDkiyon ki tarah pukarti hai ki tanha na chhoD kar jaana...

tiir khaane ki havas hai to jigar paida kar sarfaroshi ki tamanna hai to sar paida kar...

hai javani khud javani ka singar sadgi gahna hai is sin ke liye...

sau sher ek jalse mein kahte the ham ameer jab tak na sher kahne ka ham ko shuur tha...

kahte ho ki hamdard kisi ka nahin sunte main ne to raqibon se suna aur hi kuchh hai...

tavaqqoa hai dhoke mein aa kar vo paDh len ki likkha hai nama unhein khat badal kar...

ameer jaate ho but-khane ki ziyarat ko paDega raah mein kaaba salam kar lena...

Daya Shankar Naseem

kucha-e-janan ki milti thi na raah band kiin aankhen to rasta khul gaya...

Jan Nisar Akhtar

aankhon mein jo bhar loge to kanTon se chubhenge ye khvab to palkon pe sajane ke liye hain...

Ali Sardar Jafri

maqtal-e-shauq ke aadab nirale hain bahut dil bhi qatil ko diya karte hain sar se pahle...

Asrarul Haq Majaz

bataun kya tujhe ai ham-nashin kis se mohabbat hai main jis duniya mein rahta hun vo is duniya ki aurat hai...

Siraj Aurangabadi

mat karo shama kun badnam jalati vo nahin aap sin shauq patangon ko hai jal jaane ka...

Siraj Aurangabadi

tiri abru hai mehrab-e-mohabbat namaz-e-ishq mere par hui farz...

Siraj Aurangabadi

khul ga.e us ki zulf ke dekhe pech-e-dastar-e-zahid-e-makkar...

Siraj Aurangabadi

na bujho aasman par tum sitare hamari aah ki chingariyan hain...

Siraj Aurangabadi

dil mein aa raah-e-chashm-e-hairan sin khul rahe hain miri palak ke paaT...

Siraj Aurangabadi

taaza rakh aab-e-mehrbani sin ek dil sau chaman barabar hai...

jama-zebon ko kyun tajun ki mujhe gher rakhta hai daur daaman ka...

kaun si baat hai jo us mein nahin us ko dekhe miri nazar se koi...

in dino main bhi hun kuchh kar-e-jahan mein masruf baat tujh mein bhi nahin rah gai pahle vaali...

har taraf apne ko bikhra paoge aainon ko toD ke pachhtaoge...

ye qafile yaadon ke kahin kho gae hote ik pal bhi agar bhuul se ham so gae hote...

khajil charaghon se ahl-e-vafa ko hona hai ki sarfaraz yahan phir hava ko hona hai...

Khwaja Meer Dard

jag mein aa kar idhar udhar dekha tu hi aaya nazar jidhar dekha...

Khwaja Meer Dard

tohmat-e-chand apne zimme dhar chale jis liye aae the ham kar chale...

Khwaja Meer Dard

na rah jaave kahin tu zahida mahrum rahmat se gunahgaron mein samjha kariyo apni be-gunahi ko...

Bahadur Shah Zafar

ham hi un ko baam pe laae aur hamin mahrum rahe parda hamare naam se uTTha aankh laDai logon ne...

Bahadur Shah Zafar

ho gaya jis din se apne dil par us ko ikhtiyar ikhtiyar apna gaya be-ikhtiyari rah gai...

Bahadur Shah Zafar

mohabbat chahiye baham hamein bhi ho tumhein bhi ho khushi ho is mein ya ho gham hamein bhi ho tumhein bhi ho...

Bahadur Shah Zafar

zafar badal ke radif aur tu ghazal vo suna ki jis ka tujh se har ik sher intikhab hua...

Mohammad Rafi Sauda

dikhaunga tuje zahid us aafat-e-diin ko khalal dimagh mein tere hai parsai ka...

Mohammad Rafi Sauda

gharaz kufr se kuchh na diin se hai matlab tamasha-e-dair-o-haram dekhte hain...

use laakh dil se pukar lo use dekh lo koi ek harf javab mein nahin aaega...

baat chahe be-saliqa ho kaleem baat kahne ka saliqa chahiye...

ye tarz-e-khas hai koi kahan se laaega jo ham kahenge kisi se kaha na jaega...

unhin ke giit zamane mein gae jaenge jo choT khaenge aur muskurae jaenge...

dil dard ki bhaTTi mein kai baar jale hai tab ek ghazal husn ke saanche mein Dhale hai...

yahi ham-nava yahi ham-sukhan yahi ham-nishaan yahi ham-vatan miri shairi hi bataegi mira naam kya hai pata hai kya?...

ye vaaz-e-vafadari aajiz na badal dena vo zakhm tujhe deinge tum un ko ghazal dena...

hamin mein rahte hain vo log bhi ki jin ke sabab zamin buland hui aasman ke hote hue...

usi ko baat na pahunche jise pahunchni ho ye iltizam bhi arz-e-hunar mein rakkha jaae...

mire saare harf tamam harf azaab the mire kam-sukhan ne sukhan kiya to khabar hui...

shusta zaban shagufta bayan honTh gul-fishan saari hain tujh mein khubiyan urdu zaban ki...

mire saare badan par duriyon ki khaak bikhri hai tumhaare saath mil kar khud ko dhona chahta hun main...

log yun jaate nazar aate hain maqtal ki taraf masale jaise ravana hon kisi hal ki taraf...

'ehsas' ne buton mein khuda ko kiya sharik is shirk ke baghair to iman hi nahin...

shahr ka tabdil hona shaad rahna aur udaas raunaqen jitni yahan hain aurton ke dam se hain...

ghairon se mil ke hi sahi be-baak to hua baare vo shokh pahle se chaalaak to hua...

ye ajnabi si manzilen aur raftagan ki yaad tanhaiyon ka zahr hai aur ham hain dosto...

roya tha kaun kaun mujhe kuchh khabar nahin main us ghaDi vatan se kai miil duur tha...

sun bastiyon ka haal jo had se guzar gaiin un ummaton ka zikr jo raston mein mar gaiin...

chamak zar ki use aakhir makan-e-khaak mein laai banaya saanp ne jismon mein ghar aahista aahista...

kisi se koi bhi ummid rakhna chhoD kar dekho to ye rishta nibhana kis qadar aasan ho jaae...

jhuuT ke aage pichhe dariya chalte hain sach bola to pyasa maara jaega...

isi khayal se palkon pe ruk gae aansu tiri nigah ko shayad subut-e-gham na mile...

kaun si baat kahan kaise kahi jaati hai ye saliqa ho to har baat suni jaati hai...

us ko aana tha ki vo mujh ko bulata tha kahin raat bhar barish thi us ka raat bhar paigham tha...

vo chehra haath mein le kar kitab ki surat har ek lafz har ik naqsh ki ada dekhun...

lagi thi jaan ki baazi bisat ulaT Daali ye khel bhi hamein yaaron ne haarne na diya...

aakhir zafar hua hun manzar se khud hi ghaeb uslub-e-khas apna main aam karte karte...

mujhe kuchh bhi nahin malum aur andar hi andar lahu mein ek dast-e-raegan phaila hua hai...

inkisari mein mira hukm bhi jaari tha zafar arz karte hue irshad bhi khud main ne kiya...

mushkil-pasand hi sahi main vasl mein magar ab ke ye marhala mujhe aasan bhi chahiye...

sunoge lafz mein bhi phaDphaDahat lahu mein bhi par-afshani rahegi...

bholi baaton pe teri dil ko yaqin pahle aata tha ab nahin aata...

avval-e-shab vo bazm ki raunaq shama bhi thi parvana bhi raat ke aakhir hote hote khatm tha ye afsana bhi...

jazb-e-nigah-e-shoabada-gar dekhte rahe duniya unhin ki thi vo jidhar dekhe rahe...

Main ek film banaunga apne 'sarwat' par Aur is mein rail ki patri nahin banaunga...

Bint-e-sahra rootha karti thi mujh se Main sahra se ret churaya karta tha...

Hawao aao mere gaon ki taraf dekho Jahan ye ret hai pehle yahan tarai thi...

Dhool mein at gaye hain saare ghazal Itni shiddat se ram kiya gaya hai...

Tum ko dil ki baat batani hai lekin Aankhen band karo to mutthi kholunga...

Shaikh Ibrahim Zauq

naaz hai gul ko nazakat pe chaman mein ai 'zauq' us ne dekhe hi nahin naaz-o-nazakat vaale...

Shaikh Ibrahim Zauq

dekh chhoTon ko hai allah baDai deta aasman aankh ke til mein hai dikhai deta...

Shaikh Ibrahim Zauq

bujhne ki dil ki aag nahin zer-e-khaak bhi hoga darakht gor pe meri chinar ka...

Majrooh Sultanpuri

zaban hamari na samjha yahan koi 'majruh' ham ajnabi ki tarah apne hi vatan mein rahe...

Majrooh Sultanpuri

gulon se bhi na hua jo mira pata dete saba uDati phiri khaak aashiyane ki...

ye saara jism jhuk kar bojh se dohra hua hoga main sajde mein nahin tha aap ko dhoka hua hoga...

Makhdoom Mohiuddin

saans rukti hai chhalakte hue paimane mein koi leta tha tira naam-e-vafa aakhir-e-shab...

Hafeez Jalandhari

dil lagao to lagao dil se dil dil-lagi hi dil-lagi achchhi nahin...

Hafeez Jalandhari

ahl-e-zaban to hain bahut koi nahin hai ahl-e-dil kaun tiri tarah 'hafiz' dard ke giit gaa sake...

Hafeez Jalandhari

jaise virane se Takra ke palaTti hai sada dil ke har goshe se aai tiri aavaz mujhe...

Hafeez Jalandhari

mabada phir asiir-e-dam-e-aql-o-hosh ho jaun junun ka is tarah achchha nahin had se guzar jaana...

Explore more on Diwan E Sukhan