Explore more on Diwan E Sukhan

Emotional video text

Poetry Collection

Ash'aar

hai kuchh aisi hi baat jo chup hun varna kya baat kar nahin aati...

shahr-valon ki mohabbat ka main qael hun magar main ne jis haath ko chuma vahi khanjar nikla...

kitne nadan hain tire bhulne vaale ki tujhe yaad karne ke liye umr paDi ho jaise...

muntazir kis ka hun TuTi hui dahliz pe main kaun aaega yahan kaun hai aane vaala...

Faiz Ahmad Faiz

kab Thahrega dard ai dil kab raat basar hogi sunte the vo aaenge sunte the sahar hogi...

Faiz Ahmad Faiz

gham-e-jahan ho rukh-e-yaar ho ki dast-e-adu suluk jis se kiya ham ne aashiqana kiya...

Faiz Ahmad Faiz

ham ahl-e-qafas tanha bhi nahin har roz nasim-e-subh-e-vatan yaadon se moattar aati hai ashkon se munavvar jaati hai...

Faiz Ahmad Faiz

har charagar ko charagari se gurez tha varna hamein jo dukh the bahut la-dava na the...

kya kahen kuchh kaha nahin jaata ab to chup bhi raha nahin jaata...

dil se rukhsat hui koi khvahish girya kuchh be-sabab nahin aata...

hosh jaata nahin raha lekin jab vo aata hai tab nahin aata...

vo jo na aane vaala hai na us se mujh ko matlab tha aane valon se kya matlab aate hain aate honge...

koi mujh tak pahunch nahin paata itna aasan hai pata mera...

fulan se thi ghazal behtar fulan ki fulan ke zakhm achchhe the fulan se...

aainon ko zang laga ab main kaisa lagta hun...

ham ne kyun khud pe etibar kiya sakht be-etibar the ham to...

aap apni gali ke sail ko kam se kam par saval to rakhiye...

khira-saran-e-shauq ka koi nahin hai jumba-dar shahr mein is giroh ne kis ko khafa nahin kiya...

bas ye hua ki us ne takalluf se baat ki aur ham ne rote rote dupaTTe bhigo liye...

nahin nahin ye khabar dushmanon ne di hogi vo aae aa ke chale bhi gae mile bhi nahin...

Momin Khan Momin

vo aae hain pasheman laash par ab tujhe ai zindagi laun kahan se...

Momin Khan Momin

majlis mein mire zikr ke aate hi uThe vo badnami-e-ushshaq ka eazaz to dekho...

Momin Khan Momin

ne jaae vaan bane hai ne bin jaae chain hai kya kijiye hamein to hai mushkil sabhi tarah...

Momin Khan Momin

paiham sujud pa-e-sanam par dam-e-vida momin khuda ko bhuul gae iztirab mein...

Sahir Ludhianvi

tera milna khushi ki baat sahi tujh se mil kar udaas rahta hun...

Sahir Ludhianvi

ham gham-zada hain laaen kahan se khushi ke giit denge vahi jo paenge is zindagi se ham...

Sahir Ludhianvi

ham jurm-e-mohabbat ki saza paenge tanha jo tujh se hui ho vo khata saath liye ja...

Sahir Ludhianvi

zamin ne khuun ugla aasman ne aag barsai jab insanon ke dil badle to insanon pe kya guzri...

Sahir Ludhianvi

adl-gahen to duur ki shai hain qatl akhbar tak nahin pahuncha...

Firaq Gorakhpuri

main hun dil hai tanhai hai tum bhi hote achchha hota...

Firaq Gorakhpuri

kho diya tum ko to ham puchhte phirte hain yahi jis ki taqdir bigaD jaae vo karta kya hai...

Firaq Gorakhpuri

tire pahlu mein kyun hota hai mahsus ki tujh se duur hota ja raha hun...

Firaq Gorakhpuri

kahan itni khabar umr-e-mohabbat kis tarah guzri tira hi dard tha mujh ko jahan tak yaad aata hai...

Firaq Gorakhpuri

maazi ke samundar mein aksar yaadon ke jazire milte hain phir aao vahin langar Daalen phir aao unhein aabad karen...

le chala jaan miri ruuTh ke jaana tera aise aane se to behtar tha na aana tera...

falak deta hai jin ko 'aish un ko gham bhi hote hain jahan bajte hain naqqare vahan matam bhi hote hai...

zamane ke kya kya sitam dekhte hain hamin jaante hain jo ham dekhte hain...

mere qaabu mein na pahron dil-e-nashad aaya vo mira bhulne vala jo mujhe yaad aaya...

Akbar Allahabadi

is gulistan mein bahut kaliyan mujhe taDpa gain kyun lagi thin shaakh mein kyun be-khile murjha gain...

Akbar Allahabadi

jo zamin kucha-e-qatil mein nikalti hai nai vaqf vo bahr-e-mazar-e-shohada hoti hai...

Josh Malihabadi

is ka rona nahin kyun tum ne kiya dil barbad is ka gham hai ki bahut der mein barbad kiya...

Josh Malihabadi

bigaD kar banae ja ubhar kar miTae ja ki main tira charagh hun jalae ja bujhae ja...

Josh Malihabadi

qarib-e-rah-guzar turbat ka hona bhi qayamat hai idhar se jo guzarte hain tumhaara naam lete hain...

Jigar Moradabadi

hasin teri aankhen hasin tere aansu yahin Duub jaane ko ji chahta hai...

Jigar Moradabadi

maut kya ek lafz-e-be-maani jis ko maara hayat ne maara...

Jigar Moradabadi

dil gaya raunaq-e-hayat gai gham gaya saari kaenat gai...

Jigar Moradabadi

kucha-e-ishq mein nikal aaya jis ko khana-kharab hona tha...

Jigar Moradabadi

sab ko ham bhuul gae josh-e-junun mein lekin ik tiri yaad thi aisi jo bhulai na gai...

kahne ko to main bhuul gaya hun magar ai yaar hai khana-e-dil mein tiri tasvir abhi tak...

ghair ki nazron se bach kar sab ki marzi ke khilaf vo tira chori-chhupe raaton ko aana yaad hai...

shaam ho ya ki sahar yaad unhin ki rakhni din ho ya raat hamein zikr unhin ka karna...

khanda-e-ahl-e-jahan ki mujhe parva kya hai tum bhi hanste ho mire haal pe rona hai yahi...

unhin raston ne jin par kabhi tum the saath mere mujhe rok rok puchha tira ham-safar kahan hai...

aankhon mein raha dil mein utar kar nahin dekha kashti ke musafir ne samundar nahin dekha...

us ne chhu kar mujhe patthar se phir insan kiya muddaton baad miri aankhon mein aansu aae...

vo jin ke zikr se ragon mein dauDti thiin bijliyan unhin ka haath ham ne chhu ke dekha kitna sard hai...

Amjad Islam Amjad

baDe sukun se Duube the Dubne vaale jo sahilon pe khaDe the bahut pukare bhi...

Amjad Islam Amjad

qadam uTha hai to paanv tale zamin hi nahin safar ka ranj hamein khvahish-e-safar se hua...

jis tarah hans raha hun main pi pi ke garm ashk yun dusra hanse to kaleja nikal paDe...

ik khvab khushi ka dekha nahin dekha jo kabhi to bhuul gae manga hua tum kuchh de na sake jo tum ne diya vo sahne do...

ab to har haath ka patthar hamein pahchanta hai umr guzri hai tire shahr mein aate jaate...

khayal tha ki ye pathrav rok den chal kar jo hosh aaya to dekha lahu lahu ham the...

yun lage dost tira mujh se khafa ho jaana jis tarah phuul se khushbu ka juda ho jaana...

garmi-e-hasrat-e-nakaam se jal jaate hain ham charaghon ki tarah shaam se jal jaate hain...

yun tasalli de rahe hain ham dil-e-bimar ko jis tarah thaame koi girti hui divar ko...

kis tarah apni mohabbat ki main takmil karun gham-e-hasti bhi to shamil hai gham-e-yaar ke saath...

ba-paas-e-dil jise apne labon se bhi chhupaya tha mira vo raaz tere hijr ne pahuncha diya sab tak...

vo ek hi chehra to nahin saare jahan mein jo duur hai vo dil se utar kyun nahin jaata...

badla na apne-aap ko jo the vahi rahe milte rahe sabhi se magar ajnabi rahe...

vahi hamesha ka aalam hai kya kiya jaae jahan se dekhiye kuchh kam hai kya kiya jaae...

ek be-chehra si ummid hai chehra chehra jis taraf dekhiye aane ko hai aane vaala...

yun to qadam qadam pe hai divar samne koi na ho to khud se ulajh jaana chahiye...

ab judai ke safar ko mire aasan karo tum mujhe khvab mein aa kar na pareshan karo...

kisi din meri rusvai ka ye karan na ban jaae tumhaara shahr se jaana mira bimar ho jaana...

tum ne jab shahr ko jangal mein badal Daala hai phir to ab qais ko jangal se nikal aane do...

Shakeel Badayuni

kaise kah dun ki mulaqat nahin hoti hai roz milte hain magar baat nahin hoti hai...

Shakeel Badayuni

main nazar se pi raha tha to ye dil ne bad-dua di tira haath zindagi bhar kabhi jaam tak na pahunche...

Shakeel Badayuni

hamein jin ki diid ki aas thi vo mile to raah mein yun mile main nazar uTha ke taDap gaya vo nazar uTha ke guzar gae...

Shakeel Badayuni

sidq-o-safa-e-qalb se mahrum hai hayat karte hain bandagi bhi jahannam ke Dar se ham...

Shakeel Badayuni

ye kis khata pe ruuTh gai chashm-e-iltifat ye kab ka intiqam liya mujh gharib se...

is qadar roya hun teri yaad mein aaine aankhon ke dhundle ho gae...

din bhar to main duniya ke dhandon mein khoya raha jab divaron se dhuup Dhali tum yaad aae...

shor barpa hai khana-e-dil mein koi divar si giri hai abhi...

o pichhli rut ke saathi ab ke baras main tanha hun...

tire baghair bhi khaali nahin miri raaten hai ek saaya mire saath ham-nashin ki tarah...

vo aksar din mein bachchon ko sula deti hai is Dar se gali mein phir khilaune bechne vaala na aa jaae...

kisi ko dekh ke chup chup se kyun hue mohsin kahan gae vo irade sukhan-varon vaale...

apne saae se chaunk jaate hain umr guzri hai is qadar tanha...

aap ne auron se kaha sab kuchh ham se bhi kuchh kabhi kahin kahte...

aag mein kya kya jala hai shab bhar kitni khush-rang dikhai di hai...

dushmanon ne jo dushmani ki hai doston ne bhi kya kami ki hai...

jin ki khatir shahr bhi chhoDa jin ke liye badnaam hue aaj vahi ham se begane begane se rahte hain...

vo raaten chaand ke saath gain vo baaten chaand ke saath gain ab sukh ke sapne kya dekhen jab dukh ka suraj sar par ho...

ek din dekhne ko aa jaate ye havas umr bhar nahin hoti...

vahshat ka unvan hamari un mein se jo naar bani dekhenge to log kahenge insha-ji divane the...

Altaf Hussain Hali

raazi hain ham ki dost se ho dushmani magar dushman ko ham se dost banaya na jaega...

Altaf Hussain Hali

nazar aati nahin ab dil mein tamanna koi baad muddat ke tamanna miri bar aai hai...

kahan ke ishq-o-mohabbat kidhar ke hijr o visal abhi to log taraste hain zindagi ke liye...

sulh jis se rahi meri ta-zindagi us ka saare zamane se jhagDa sa tha...

main to apne aap ko us din bahut achchhi lagi vo jo thak kar der se aaya use kaisa laga...

agar sach itna zalim hai to ham se jhuuT hi bolo hamein aata hai patjhaD ke dinon gul-bar ho jaana...

hua yun ki phir mujhe zindagi ne basar kiya koi din the jab mujhe har nazara hasin mila...

khazine jaan ke luTane vaale dilon mein basne ki aas le kar suna hai kuchh log aise guzre jo ghar से aae na ghar gae hain...

aur kuchh der lab pe aah rahe aur kuchh un se rasm-o-raah rahe...

taalluqat ke taaviz bhi gale mein nahin malal dekhne aaya hai rasta kaise...

shab-e-furqat ka jaaga hun farishto ab to sone do kabhi fursat mein kar lena hisab aahista aahista...

vo dushmani se dekhte hain dekhte to hain main shaad hun ki hun to kisi ki nigah mein...

tul-e-shab-e-firaq ka qissa na puchhiye mahshar talak kahun main agar mukhtasar kahun...

achchhe iisa ho marizon ka khayal achchha hai ham mare jaate hain tum kahte ho haal achchha hai...

mila kar khaak mein bhi haae sharm un ki nahin jaati nigah nichi kiye vo samne madfan ke baiThe hain...

putliyan tak bhi to phir jaati hain dekho dam-e-naza vaqt paDta hai to sab aankh chura jaate hain...

chheD dekho miri mayyat pe jo aae to kaha tum vafadaron mein ho ya main vafadaron mein hun...

ho gaya band dar-e-mai-kada kya qahr hua shauq-e-pa-bos-e-hasinan jo tujhe tha ai dil...

zanu par ameer sar ko rakkhe pahron guzre ki ro rahe hain...

Daya Shankar Naseem

junun ki chaak-zani ne asar kiya vaan bhi jo khat mein haal likha tha vo khat ka haal hua...

Jan Nisar Akhtar

tujhe baanhon mein bhar lene ki khvahish yun ubharti hai ki main apni nazar mein aap rusva ho sa jaata hun...

Ali Sardar Jafri

dil-o-nazar ko abhi tak vo de rahe hain fareb tasavvurat-e-kuhan ke qadim but-khane...

Asrarul Haq Majaz

ye mere ishq ki majburiyan maaz-allah tumhaara raaz tumhin se chhupa raha hun main...

Asrarul Haq Majaz

sab ka to mudava kar Daala apna hi mudava kar na sake sab ke to gareban si Daale apna hi gareban bhuul gae...

Siraj Aurangabadi

chali samt-e-ghaib sin kya hava ki chaman zuhur ka jal gaya magar ek shakh-e-nihal-e-gham jise dil kaho so hari rahi...

Siraj Aurangabadi

nazar-e-taghaful-e-yaar ka gila kis zaban sin karun bayan ki sharab-e-sad-qadah aarzu khum-e-dil mein thi so bhari rahi...

Siraj Aurangabadi

kabhi la la mujhe dete ho apne haat sin pyala kabhi tum shisha-e-dil par mire pathrav karte ho...

Siraj Aurangabadi

muddat se gum hua dil-e-begana ai 'siraj' shayad ki ja laga hai kisi aashna ke haath...

Siraj Aurangabadi

aa shitabi sin vagarna majlis-e-ushshaq mein zulm hai gham hai qayamat hai kharabi ai sanam...

Siraj Aurangabadi

hai navasanj-e-haqiqat kun khayal dil ke tambure ka taar aur hi hai...

jise ishq ka tiir kaari lage use zindagi kyun na bhaari lage...

ai nur-e-jaan-o-dida tire intizar mein muddat hui palak sun palak aashna naiin...

har mulaqat ka anjam judai kyun hai ab to har vaqt yahi baat satati hai hamein...

tere vaade ko kabhi jhuuT nahin samjhunga aaj ki raat bhi darvaza khula rakkhunga...

kyun aaj us ka zikr mujhe khush na kar saka kyun aaj us ka naam mira dil dukha gaya...

kaghaz ki kashtiyan bhi bahut kaam aaengi jis din hamare shahr mein sailab aaega...

gham ki daulat baDi mushkil se mila karti hai saunp do ham ko agar tum se nigahbani na ho...

us ko kisi ke vaste be-taab dekhte ham bhi kabhi ye manzar-e-nayab dekhte...

Khwaja Meer Dard

aziyyat musibat malamat balaen tire ishq mein ham ne kya kya na dekha...

Khwaja Meer Dard

dard kuchh maalum hai ye log sab kis taraf se aae the kidhar chale...

Khwaja Meer Dard

Tuk khabar le ki har ghaDi ham ko ab judai bahut satati hai...

Bahadur Shah Zafar

dil ko dil se raah hai to jis tarah se ham tujhe yaad karte hain kare yun hi hamein bhi yaad tu...

Bahadur Shah Zafar

tamanna hai ye dil mein jab talak hai dam mein dam apne zafar munh se hamare naam us ka dam-ba-dam nikle...

Bahadur Shah Zafar

dekh dil ko mire o kafir-e-be-piir na toD ghar hai allah ka ye is ki to taamir na toD...

Mohammad Rafi Sauda

jis roz kisi aur pe bedaad karoge ye yaad rahe ham ko bahut yaad karoge...

Mohammad Rafi Sauda

badla tire sitam ka koi tujh se kya kare apna hi tu farefta hove khuda kare...

Mohammad Rafi Sauda

dil mat Tapak nazar se ki paaya na jaega jun ashk phir zamin se uThaya na jaega...

Mohammad Rafi Sauda

sauda tiri fariyad se aankhon mein kaTi raat aai hai sahar hone ko tuk tu kahin mar bhi...

Mohammad Rafi Sauda

is kashmakash se daam ke kya kaam tha hamein ai ulfat-e-chaman tira khana-kharab ho...

ye ham hi jaante hain judai ke moD par is dil ka jo bhi haal tujhe dekh kar hua...

zalim tha vo aur zulm ki aadat bhi bahut thi majbuur the ham us se mohabbat bhi bahut thi...

mausam-e-gul hamein jab yaad aaya jitna gham bhuule the sab yaad aaya...

hamare qatl se qatil ko tajraba ye hua lahu lahu bhi hai mehndi bhi hai sharab bhi hai...

tapish patingon ko bakhsh deinge lahu charaghon mein Dhaal deinge ham un ki mahfil mein rah gae hain to un ki mahfil sambhaal deinge...

shikayat un se karna go musibat mol lena hai magar aajiz ghazal ham be-sunae dam nahin leinge...

dua ko haat uThate hue larazta hun kabhi dua nahin mangi thi maañ ke hote hue...

ik khvab hi to tha jo faramosh ho gaya ik yaad hi to thi jo bhula di gai to kya...

khaak mein daulat-e-pindar-o-ana milti hai apni miTTi se bichhaDne ki saza milti hai...

sab log apne apne qabilon ke saath the ik main hi tha ki koi bhi lashkar mira na tha...

khula fareb-e-mohabbat dikhai deta hai ajab kamal hai us be-vafa ke lahje mein...

azaab-e-vahshat-e-jaan ka sila na maange koi nae safar ke liye rasta na maange koi...

ek baar us ne bulaya tha to masruf tha main jiite-ji phir kabhi baari hi nahin aai miri...

hamein jab apna taaruf karana paDta hai na jaane kitne dukhon ko dabana paDta hai...

ishq mein piine ka paani bas aankh ka paani khane mein bas patthar khaae ja sakte the...

hamari aankhon mein bas gaya hai ajiib punjab aansuon ka idhar se raavi chala udhar se chanab tayyar ho raha hai...

fasl-e-bahaar tegh-e-khizan se utaar ke ahl-e-jihad aae hain bachchon ko maar ke...

muddat ke baad aaj use dekh kar muneer ik baar dil to dhaDka magar phir sambhal gaya...

koi to hai muneer jise fikr hai miri ye jaan kar ajiib si hairat hui mujhe...

zinda rahein to kya hai jo mar jaaen ham to kya duniya se khamushi se guzar jaaen ham to kya...

vahm ye tujh ko ajab hai ai jamal-e-kam-numa jaise sab kuchh ho magar tu diid ke qabil na ho...

ham bhi muneer ab duniya-dari kar ke vaqt guzarenge hote hote jiine ke bhi laakh bahane aa jaate hain...

ye mere gird tamasha hai aankh khulne tak main khvab mein to hun lekin khayal bhi hai mujhe...

dekhe hue se lagte hain raste makan makin jis shahr mein bhaTak ke jidhar jaae aadmi...

tujhe paane ki koshish mein kuchh itna kho chuka hun main ki tu mil bhi agar jaae to ab milne ka gham hoga...

musalsal hadson se bas mujhe itni shikayat hai ki ye aansu bahane ki bhi to mohlat nahin dete...

gham aur hota sun ke gar aate na vo vasim achchha hai mere haal ki un ko khabar nahin...

kisi ne rakh diye mamta-bhare do haath kya sar par mire andar koi bachcha bilak kar rone lagta hai...

tamam din ki talab raah dekhti hogi jo khaali haath chale ho to ghar nahin jaana...

gharib lahron pe pahre biThae jaate hain samundaron ki talashi koi nahin leta...

chehre se jhaaD pichhle baras ki kuduraten divar se purana calender utaar de...

apne hi samne divar bana baiTha hun hai ye anjam use raste se haTa dene ka...

us ke aate hi nigahon ko jhuka lo varna dekh loge to lipaTne ko bhi ji chahega...

main ziyada hun bahut us ke liye ab tak bhi aur mere liye vo saare ka saara kam hai...

jise darvaza kahte the vahi divar nikli jise ham dil samajhte the vo duniya ho raha hai...

lambi taan ke so ja aur siski ko kharraTa kar...

aage baDhun to zard ghaTa mere ru-ba-ru pichhe muDun to gard-e-safar mere samne...

tum apni masti mein aan Takrae mujh se yak-dam idhar se main bhi to be-dhyani mein ja raha tha...

andar ka zahr-nak andhera hi tha bahut sar par tuli khaDi hai shab-e-taar kis liye...

jahan se tohfatan bheji gai thi iid ke din se vahin phirti-phirati aa gai hai raan bakre ki...

dafatan tark-e-taalluq mein bhi rusvai hai uljhe daman ko chhuDate nahin jhaTka de kar...

kis kaam ki aisi sachchai jo toD de ummiden dil ki thoDi si tasalli ho to gai maana ki vo bol ke jhuuT gaya...

javab dene ke badle vo shakl dekhte hain ye kya hua mere chehre ko arz-e-haal ke baad...

hamari nakami-e-vafa ne zamane ki khol di hain aankhen charagh kab ka bujha paDa hai magar andhera kahin nahin hai...

is chheD mein bante hain hoshyar bhi divane lahraya jahan shoala andhe hue parvane...

roka tha dam bhar lahrata aansu aa aa gaya hai danton pasina...

Ye ek baat samajhne mein raat ho gayi hai Main us se jeet gaya hoon ki maat ho gai hai...

Kai din us ke bhi sehraon mein guzre hain hafi So is nisbat se aaina hamara kya lagega...

Hum tere honton ki larzish kab bhoole hain Paani mein patthar phenken aur lahrein dekhen...

Paaniyon ko bhi khwab aane lage Ashk dariya mein zam kiya gaya hai...

Tanhai mein khud se baatein karni hain Mere munh mein jo aayega bolunga...

Shaikh Ibrahim Zauq

kya dekhta hai haath mira chhoD de tabib yaan jaan hi badan mein nahin nabz kya chale...

Shaikh Ibrahim Zauq

maut ne kar diya lachar vagarna insan hai vo khud-bin ki khuda ka bhi na qail hota...

Shaikh Ibrahim Zauq

uThte uThte main ne is hasrat se dekha hai unhein apni bazm-e-naaz se mujh ko uTha kar ro diye...

Majrooh Sultanpuri

rahte the kabhi jin ke dil mein ham jaan se bhi pyaron ki tarah baiThe hain unhin ke kuche mein ham aaj gunahgaron ki tarah...

Majrooh Sultanpuri

sair-e-sahil kar chuke ai mauj-e-sahil sar na maar tujh se kya bahlenge tufanon ke bahlae hue...

ek aadat si ban gai hai tu aur aadat kabhi nahin jaati...

ye soch kar ki darakhton mein chhanv hoti hai yahan babul ke saae mein aa ke baiTh gae...

Makhdoom Mohiuddin

bazm se duur vo gaata raha tanha tanha so gaya saaz pe sar rakh ke sahar se pahle...

Hafeez Jalandhari

kis munh se kah rahe ho hamein kuchh gharaz nahin kis munh se tum ne vaada kiya tha nibah ka...

Hafeez Jalandhari

dil sabhi kuchh zaban par laaya ik faqat arz-e-muddaa ke siva...

Hafeez Jalandhari

khamosh ho gaiin jo umangen shabab ki phir jurat-e-gunah na ki ham bhi chup rahe...

Hafeez Jalandhari

khuda ko na taklif de Duubne mein kisi nakhuda ke sahaare chala chal...

Explore more on Diwan E Sukhan