Explore more on Diwan E Sukhan

Aesthetic text

Poetry Collection

Ash'aar

un ke dekhe se jo aa jaati hai munh par raunaq vo samajhte hain ki bimar ka haal achha hai...

ham vahan hain jahan se ham ko bhi kuchh hamari khabar nahin aati...

kisi ko ghar se nikalte hi mil gai manzil koi hamari tarah umr bhar safar mein raha...

suna hai bole to baaton se phuul jhaDte hain ye baat hai to chalo baat kar ke dekhte hain...

Faiz Ahmad Faiz

agar sharar hai to bhaDke jo phuul hai to khile tarah tarah ki talab tere rang-e-lab se hai...

Faiz Ahmad Faiz

zer-e-lab hai abhi tabassum-e-dost muntashir jalva-e-bahaar nahin...

le saans bhi aahista ki nazuk hai bahut kaam aafaq ki is kargah-e-shishagari ka...

shart saliqa hai har ik amr mein aib bhi karne ko hunar chahiye...

chashm ho to aaina-khana hai dahr munh nazar aata hai divaron ke bich...

sochta hun ki us ki yaad aakhir ab kise raat bhar jagati hai...

mujh se ab log kam hi milte hain yun bhi main haT gaya hun manzar se...

main ab har shakhs se ukta chuka hun faqat kuchh dost hain aur dost bhi kya...

ho kabhi to sharab-e-vasl nasib piye jaun main khuun hi kab tak...

socha hai ki ab kar-e-masiha na karenge vo khuun bhi thukega to parva na karenge...

us ki chashm-e-nim-va se puchhiyo vo tire mizhgan-shumaran kya hue...

itne ghane baadal ke pichhe kitna tanha hoga chand...

apne qatil ki zehanat se pareshan hun main roz ik maut nae tarz ki ijad kare...

Sahir Ludhianvi

vaise to tumhin ne mujhe barbad kiya hai ilzam kisi aur ke sar jaae to achchha...

Firaq Gorakhpuri

aaj bahut udaas hun yun koi khaas gham nahin...

Firaq Gorakhpuri

aankhon mein jo baat ho gai hai ik sharh-e-hayat ho gai hai...

baDa maza ho jo mahshar mein ham karen shikva vo minnaton se kahen chup raho khuda ke liye...

kyun vasl ki shab haath lagane nahin dete mashuq ho ya koi amanat ho kisi ki...

Akbar Allahabadi

aah jo dil se nikali jaegi kya samajhte ho ki khaali jaegi...

Akbar Allahabadi

kya vo khvahish ki jise dil bhi samajhta ho haqir aarzu vo hai jo siine mein rahe naaz ke saath...

Akbar Allahabadi

lagavaT bahut hai tiri aankh mein isi se to ye fitna-za ho gai...

Jigar Moradabadi

ham ne siine se lagaya dil na apna ban saka muskura kar tum ne dekha dil tumhaara ho gaya...

itni milti hai miri ghazlon se surat teri log tujh ko mira mahbub samajhte honge...

abhi raah mein kai moD hain koi aaega koi jaega tumhein jis ne dil se bhula diya use bhulne ki dua karo...

na tumhein hosh rahe aur na mujhe hosh rahe is qadar TuuT ke chaho mujhe pagal kar do...

Amjad Islam Amjad

chehre pe mire zulf ko phailao kisi din kya roz garajte ho baras jaao kisi din...

Amjad Islam Amjad

jaise rail ki har khiDki ki apni apni duniya hai kuchh manzar to ban nahin paate kuchh pichhe rah jaate hain...

roz baDhta hun jahan se aage phir vahin lauT ke aa jaata hun...

main jab qateel apna sab kuchh luTa chuka hun ab mera pyaar mujh se danai chahta hai...

tum se chhuT kar bhi tumhein bhulna aasan na tha tum ko hi yaad kiya tum ko bhulane ke liye...

sagi bahnon ka jo rishta hai urdu aur hindi mein kahin duniya ki do zinda zabanon mein nahin milta...

dil to mera udaas hai nasir shahr kyun saen saen karta hai...

gae dinon ka suragh le kar kidhar se aaya kidhar gaya vo ajiib manus ajnabi tha mujhe to hairan kar gaya vo...

kaun si baat hai tum mein aisi itne achchhe kyun lagte ho...

amn tha pyaar tha mohabbat tha rang tha nuur tha nava tha firaq...

Altaf Hussain Hali

bahut ji khush hua hali se mil kar abhi kuchh log baaqi hain jahan mein...

Altaf Hussain Hali

kahte hain jis ko jannat vo ik jhalak hai teri sab vaizon ki baaqi rangin-bayaniyan hain...

ab is ghar ki aabadi mehmanon par hai koi aa jaae to vaqt guzar jaata hai...

raushniyan atraf mein zehra raushan thiin aaine mein aks hi tera maddham tha...

aa dekh ki mere aansuon mein ye kis ka jamal aa gaya hai...

khalish-e-tiir-e-be-panah gai lijiye un se rasm-o-raah gai...

hamein aziiz hain in bastiyon ki divaren ki jin ke saae bhi divar bante jaate the...

Jan Nisar Akhtar

ye ilm ka sauda ye risale ye kitaben ik shakhs ki yaadon ko bhulane ke liye hain...

ye jab hai ki ik khvab se rishta hai hamara din Dhalte hi dil Duubne lagta hai hamara...

Khwaja Meer Dard

tujhi ko jo yaan jalva-farma na dekha barabar hai duniya ko dekha na dekha...

Bahadur Shah Zafar

kya taab kya majaal hamari ki bosa len lab ko tumhaare lab se mila kar kahe baghair...

Mohammad Rafi Sauda

jab yaar ne uTha kar zulfon ke baal baandhe tab main ne apne dil mein lakhon khayal baandhe...

daaman pe koi chhiinT na khanjar pe koi dagh tum qatl karo ho ki karamaat karo ho...

ishq mein maut ka naam hai zindagi jis ko jiina ho marna gavara kare...

ik raat vo gaya tha jahan baat rok ke ab tak ruka hua hun vahin raat rok ke...

bacha ke laaen kisi bhi yatim bachche ko aur us ke haath se takhliq-e-kainat karen...

chahta hun main muneer is umr ke anjaam par ek aisi zindagi jo is tarah mushkil na ho...

mira meyar meri bhi samajh mein kuchh nahin aata nae lamhon mein tasviren purani maang leta hun...

yahin tak laai hai ye zindagi bhar ki masafat lab-e-dariya hun main aur vo pas-e-dariya khila hai...

allah allah husn ki ye parda-dari dekhiye bhed jis ne kholna chaha vo divana hua...

Main ek film banaunga apne 'sarwat' par Aur is mein rail ki patri nahin banaunga...

Mujhe to jaan se badh kar azeez ho gaya hai To mere saath koi haath kyun nahin karta...

Ta-qayamat hare bhare rahenge In darakhton pe dam kiya gaya hai...

Shaikh Ibrahim Zauq

ham nahin vo jo karen khuun ka daava tujh par balki puchhega khuda bhi to mukar jaaenge...

Majrooh Sultanpuri

kahan bach kar chali ai fasl-e-gul mujh aabla-pa se mire qadmon ki gul-kari bayaban se chaman tak hai...

ek aadat si ban gai hai tu aur aadat kabhi nahin jaati...

main jise oDhta bichhata hun vo ghazal aap ko sunata hun...

Makhdoom Mohiuddin

chashm o rukhsar ke azkar ko jaari rakkho pyaar ke naame ko dohrao ki kuchh raat kaTe...

Explore more on Diwan E Sukhan