Explore more on Diwan E Sukhan

Emotional lines

Poetry Collection

Ash'aar

ye fitna aadmi ki khana-virani ko kya kam hai hue tum dost jis ke dushman us ka aasman kyun ho...

ab aur kya kisi se marasim baDhaen ham ye bhi bahut hai tujh ko agar bhuul jaen ham...

ye dil ka dard to umron ka rog hai pyare so jaae bhi to pahr do pahr ko jaata hai...

dil ka dukh jaana to dil ka masala hai par hamein us ka hans dena hamare haal par achchha laga...

Faiz Ahmad Faiz

uTh kar to aa gae hain tiri bazm se magar kuchh dil hi jaanta hai ki kis dil se aae hain...

Faiz Ahmad Faiz

ham se kahte hain chaman vaale ghariban-e-chaman tum koi achchha sa rakh lo apne virane ka naam...

Faiz Ahmad Faiz

nahin shikayat-e-hijran ki is vasile se ham un se rishta-e-dil ustuvar karte rahe...

Faiz Ahmad Faiz

shaam-e-firaq ab na puchh aai aur aa ke Tal gai dil tha ki phir bahal gaya jaan thi ki phir sambhal gai...

phirte hain miir khvar koi puchhta nahin is aashiqi mein izzat-e-sadat bhi gai...

mere rone ki haqiqat jis mein thi ek muddat tak vo kaghaz nam raha...

sab pe jis baar ne girani ki us ko ye na-tavan uTha laaya...

zindagi kis tarah basar hogi dil nahin lag raha mohabbat mein...

us gali ne ye sun ke sabr kiya jaane vaale yahan ke the hi nahin...

jurm mein ham kami karen bhi to kyun tum saza bhi to kam nahin karte...

roya hun to apne doston mein par tujh se to hans ke hi mila hun...

khuub hai shauq ka ye pahlu bhi main bhi barbad ho gaya tu bhi...

kiya tha ahd jab lamhon mein ham ne to saari umr iifa kyun karen ham...

na rakha ham ne besh-o-kam ka khayal shauq ko be-hisab hi likkha...

kisi ke bin kisi ki yaad ke bin jiye jaane ki himmat hai nahin to...

be-dili kya yunhi din guzar jaenge sirf zinda rahe ham to mar jaenge...

vo na aaega hamein malum tha is shaam bhi intizar us ka magar kuchh soch kar karte rahe...

tujhe manaun ki apni ana ki baat sunuñ ulajh raha hai mere faislon ka resham phir...

badan ke karb ko vo bhi samajh na paega main dil mein roungi aankhon mein muskuraungi...

jang ka hathiyar tai kuchh aur tha tiir siine mein utara aur hai...

Momin Khan Momin

tum hamare kisi tarah na hue varna duniya mein kya nahin hota...

Momin Khan Momin

haal-e-dil yaar ko likhun kyunkar haath dil se juda nahin hota...

Momin Khan Momin

soz-e-gham se ashk ka ek ek qatra jal gaya aag paani mein lagi aisi ki dariya jal gaya...

Sahir Ludhianvi

abhi zinda hun lekin sochta rahta hun khalvat mein ki ab tak kis tamanna ke sahaare ji liya main ne...

Sahir Ludhianvi

bas ab to daman-e-dil chhoD do bekar ummido bahut dukh sah liye main ne bahut din ji liya main ne...

Sahir Ludhianvi

tum apna ranj-o-gham apni pareshani mujhe de do tumhein gham ki qasam is dil ki virani mujhe de do...

Sahir Ludhianvi

bahut ghuTan hai koi surat-e-bayan nikle agar sada na uThe kam se kam fughan nikle...

Firaq Gorakhpuri

kam se kam maut se aisi mujhe ummid nahin zindagi tu ne to dhoke pe diya hai dhoka...

Firaq Gorakhpuri

rone ko to zindagi paDi hai kuchh tere sitam pe muskura len...

Firaq Gorakhpuri

shaamen kisi ko mangti hain aaj bhi firaq go zindagi mein yun mujhe koi kami nahin...

Firaq Gorakhpuri

mehrbani ko mohabbat nahin kahte ai dost aah ab mujh se tiri ranjish-e-beja bhi nahin...

Firaq Gorakhpuri

tira firaq to us din tira firaq hua jab un se pyaar kiya main ne jin se pyaar nahin...

haath rakh kar jo vo puchhe dil-e-betab ka haal ho bhi aaram to kah dun mujhe aaram nahin...

raha na dil mein vo bedard aur dard raha muqim kaun hua hai maqam kis ka tha...

mujhe yaad karne se ye muddaa tha nikal jaae dam hichkiyan aate aate...

bahut roya hun main jab se ye main ne khvab dekha hai ki aap aansu bahate samne dushman ke baiThe hain...

jis jagah baiThe mira charcha kiya khud hue rusva mujhe rusva kiya...

Akbar Allahabadi

ishq ke izhar mein har-chand rusvai to hai par karun kya ab tabiat aap par aai to hai...

Akbar Allahabadi

sau jaan se ho jaunga raazi main saza par pahle vo mujhe apna gunahgar to kar le...

Akbar Allahabadi

mere havas ishq mein kya kam hain muntashir majnun ka naam ho gaya qismat ki baat hai...

Akbar Allahabadi

maut aai ishq mein to hamein niind aa gai nikli badan se jaan to kanTa nikal gaya...

Josh Malihabadi

ab tak na khabar thi mujhe ujDe hue ghar ki vo aae to ghar be-sar-o-saman nazar aaya...

Josh Malihabadi

ab ai khuda inayat-e-beja se faeda manus ho chuke hain gham-e-javedan se ham...

Jigar Moradabadi

aa ki tujh bin is tarah ai dost ghabrata hun main jaise har shai mein kisi shai ki kami paata hun main...

Jigar Moradabadi

hamin jab na honge to kya rang-e-mahfil kise dekh kar aap sharmaiyega...

Jigar Moradabadi

gulshan-parast hun mujhe gul hi nahin aziz kanTon se bhi nibah kiye ja raha hun main...

Jigar Moradabadi

idhar se bhi hai siva kuchh udhar ki majburi ki ham ne aah to ki un se aah bhi na hui...

Jigar Moradabadi

saaz-e-ulfat chhiD raha hai aansuon ke saaz par muskurae ham to un ko bad-gumani ho gai...

aarzu teri barqarar rahe dil ka kya hai raha raha na raha...

chhup nahin sakti chhupane se mohabbat ki nazar paD hi jaati hai rukh-e-yaar pe hasrat ki nazar...

shikva-e-gham tire huzur kiya ham ne be-shak baDa qusur kiya...

toD kar ahd-e-karam na-ashna ho jaiye banda-parvar jaiye achchha khafa ho jaiye...

kuchh to majburiyan rahi hongi yun koi bevafa nahin hota...

sar jhukaoge to patthar devta ho jaega itna mat chaho use vo bevafa ho jaega...

charaghon ko aankhon mein mahfuz rakhna baDi duur tak raat hi raat hogi...

lahja ki jaise subh ki khushbu azaan de ji chahta hai main tiri aavaz chuum lun...

tum abhi shahr mein kya nae aae ho ruk gae raah mein hadsa dekh kar...

ajiib raat thi kal tum bhi aa ke lauT gae jab aa gae the to pal bhar Thahar gae hote...

hazaron mausamon ki hukmarani hai mire dil par wasi main jab bhi hansta hun to aankhen bhiig jaati hain...

Amjad Islam Amjad

bevafa to vo khair tha amjad lekin us mein kahin vafa bhi thi...

Amjad Islam Amjad

tum se bichhaD kar pahron sochta rahta hun ab main kyon aur kis ki khatir zinda hun...

tum itna jo muskura rahe ho kya gham hai jis ko chhupa rahe ho...

itna to zindagi mein kisi ke khalal paDe hansne se ho sukun na rone se kal paDe...

miri khvahish hai ki aangan mein na divar uThe mire bhai mire hisse ki zamin tu rakh le...

rahega saath tira pyaar zindagi ban kar ye aur baat miri zindagi vafa na kare...

main apne dil se nikalun khayal kis kis ka jo tu nahin to koi aur yaad aae mujhe...

thoDi si aur zakhm ko gahrai mil gai thoDa sa aur dard ka ehsas ghaT gaya...

us ko rukhsat to kiya tha mujhe malum na tha saara ghar le gaya ghar chhoD ke jaane vaala...

us ke dushman hain bahut aadmi achchha hoga vo bhi meri hi tarah shahr mein tanha hoga...

har taraf har jagah be-shumar aadmi phir bhi tanhaiyon ka shikar aadmi...

kahta hai koi kuchh to samajhta hai koi kuchh lafzon se juda ho gae lafzon ke maani...

charagh jalte hi binai bujhne lagti hai khud apne ghar mein hi ghar ka nishan nahin milta...

is tarah mere gunahon ko vo dho deti hai maan bahut ghusse mein hoti hai to ro deti hai...

ye aisa qarz hai jo main ada kar hi nahin sakta main jab tak ghar na lauTun meri maan sajde mein rahti hai...

din bhar ki mashaqqat se badan chuur hai lekin maan ne mujhe dekha to thakan bhuul gai hai...

khilaunon ki dukanon ki taraf se aap kyun guzre ye bachche ki tamanna hai ye samjhauta nahin karti...

dahliz pe rakh di hain kisi shakhs ne aankhen raushan kabhi itna to diya ho nahin sakta...

mujhe bhi us ki judai satati rahti hai use bhi khvab mein beTa dikhai deta hai...

Shakeel Badayuni

yun to har shaam umidon mein guzar jaati hai aaj kuchh baat hai jo shaam pe rona aaya...

Shakeel Badayuni

lamhe udaas udaas fazaen ghuTi ghuTi duniya agar yahi hai to duniya se bach ke chal...

Shakeel Badayuni

vo ham se duur hote ja rahe hain bahut maghrur hote ja rahe hain...

Shakeel Badayuni

vo agar bura na maanen to jahan-e-rang-o-bu mein main sukun-e-dil ki khatir koi dhunD lun sahaara...

teri majburiyan durust magar tu ne vaada kiya tha yaad to kar...

bulaunga na milunga na khat likhunga tujhe tiri khushi ke liye khud ko ye saza dunga...

raat kitni guzar gai lekin itni himmat nahin ki ghar jaen...

muddat se koi aaya na gaya sunsan paDi hai ghar ki faza in khaali kamron mein nasir ab shama jalaun kis ke liye...

ye kah ke chheDti hai hamein dil-giraftagi ghabra gae hain aap to baahar hi le chalen...

vo mujh se baDh ke zabt ka aadi tha ji gaya varna har ek saans qayamat use bhi thi...

shaam se aankh mein nami si hai aaj phir aap ki kami si hai...

sahma sahma Dara sa rahta hai jaane kyun ji bhara sa rahta hai...

yun bhi ik baar to hota ki samundar bahta koi ehsas to dariya ki ana ka hota...

paa sakenge na umr bhar jis ko justuju aaj bhi usi ki hai...

ye aur baat teri gali mein na aaen ham lekin ye kya ki shahr tira chhoD jaaen ham...

ham bhuul sake hain na tujhe bhuul sakenge tu yaad rahega hamein haan yaad rahega...

janam janam ke saaton dukh hain us ke maathe par tahrir apna aap miTana hoga ye tahrir miTane mein...

gham-e-ishq mein kaari dava na dua ye hai rog kaThin ye hai dard bura ham karte jo apne se ho sakta kabhi ham se bhi kuchh na kaha tum ne...

Altaf Hussain Hali

ham ne avval se paDhi hai ye kitab aakhir tak ham se puchhe koi hoti hai mohabbat kaisi...

Altaf Hussain Hali

us ke jaate hi ye kya ho gai ghar ki surat na vo divar ki surat hai na dar ki surat...

Altaf Hussain Hali

rona hai ye ki aap bhi hanste the varna yaan taan-e-raqib dil pe kuchh aisa giran na tha...

barson hue tum kahin nahin ho aaj aisa laga yahin kahin ho...

gham apne hi ashkon ka kharida hua hai dil apni hi haalat ka tamashai hai dekho...

naqsh ki tarah ubharna bhi tumhi se sikha rafta rafta nazar aana bhi tumhi se sikha...

jis ki jaanib ada nazar na uThi haal us ka bhi mere haal sa tha...

vo kaisi aas thi ada jo ku-ba-ku liye phiri vo kuchh to tha jo dil ko aaj tak kabhu mila nahin...

shayad kisi ne yaad kiya hai hamein ada kyon varna ashk mail-e-tufan hai aaj phir...

aamada-e-karam hai ye kis ki nigah-e-naaz dil shikva-e-sitam se pasheman hai aaj kyon...

use hi baat sunane ko dil nahin karta vo shakhs jis ke liye zindagi samaat thi...

maang mein Tankne aaya tha sitare koi dil ko kya sujhi ki us khvab ko bimar kiya...

miri bebasi mujh pe zahir hai lekin tumhaari tamanna tumhaari tamanna...

khanjar chale kisi pe taDapte hain ham ameer saare jahan ka dard hamare jigar mein hai...

firaq-e-yaar ne bechain mujh ko raat bhar rakkha kabhi takiya idhar rakkha kabhi takiya udhar rakkha...

zabt dekho udhar nigah na ki mar gae marte marte aah na ki...

baaqi na dil mein koi bhi ya rab havas rahe chaudah baras ke sin mein vo lakhon baras rahe...

kis dhiTai se vo dil chhin ke kahte hain ameer vo mira ghar hai rahe jis mein mohabbat meri...

pahle to mujhe kaha nikalo phir bole gharib hai bula lo...

puchha na jaega jo vatan se nikal gaya be-kaar hai jo daant dahan se nikal gaya...

jis ghuncha-lab ko chheD diya khanda-zan hua jis gul pe ham ne rang jamaya chaman hua...

aae but-khane se kabe ko to kya bhar paaya ja paDe the to vahin ham ko paDa rahna tha...

Jan Nisar Akhtar

dil ko har lamha bachate rahe jazbaat se ham itne majbur rahe hain kabhi haalat se ham...

Asrarul Haq Majaz

ye aana koi aana hai ki bas rasman chale aae ye milna khaak milna hai ki dil se dil nahin milta...

Asrarul Haq Majaz

tumhin to ho jise kahti hai nakhuda duniya bacha sako to bacha lo ki Dubta hun main...

Asrarul Haq Majaz

tum ne to hukm-e-tark-e-tamanna suna diya kis dil se aah tark-e-tamanna kare koi...

Siraj Aurangabadi

nahin bujhti hai pyaas aansu sin lekin karen kya ab to yaan paani yahi hai...

Siraj Aurangabadi

na mile jab talak visal us ka tab talak faut hai mira matlab...

Siraj Aurangabadi

kaan mein hai tere moti aab-dar ya kisi aashiq ka aansu bolna...

Siraj Aurangabadi

kachehri mein chaman ki har taraf fariyad bulbul hai kiye ho in dino mein gul kun shayad pesh-kar apnan...

Siraj Aurangabadi

ai shokh gulistan main nahin ye gul-e-rangin aaya dil-e-sad-chaak mira rang badal kar...

pi ke bairag ki udasi sun dil pe mere sada udasi hai...

bichhDe logon se mulaqat kabhi phir hogi dil mein ummid to kaafi hai yaqin kuchh kam hai...

pahle nahai os mein phir aansuon mein raat yun bund bund utri hamare gharon mein raat...

aankhon mein teri dekh raha hun main apni shakl ye koi vahima ye koi khvab to nahin...

aandhiyan aati thiin lekin kabhi aisa na hua khauf ke maare juda shakh se patta na hua...

aankhon ko sab ki niind bhi di khvab bhi diye ham ko shumar karti rahi dushmanon mein raat...

kis kis tarah se mujh ko na rusva kiya gaya ghairon ka naam mere lahu se likha gaya...

kahne ko to har baat kahi tere muqabil lekin vo fasana jo mire dil pe raqam hai...

Khwaja Meer Dard

shama ke manind ham is bazm mein chashm-e-tar aae the daman-tar chale...

Khwaja Meer Dard

gali se tiri dil ko le to chala hun main pahunchunga jab tak ye aata rahega...

Khwaja Meer Dard

hamein to baagh tujh bin khana-e-matam nazar aaya idhar gul phaDte the jaib roti thi udhar shabnam...

Bahadur Shah Zafar

haal-e-dil kyun kar karen apna bayan achchhi tarah ru-ba-ru un ke nahin chalti zaban achchhi tarah...

Bahadur Shah Zafar

mere surkh lahu se chamki kitne hathon mein mehndi shahr mein jis din qatl hua main iid manai logon ne...

Bahadur Shah Zafar

ham ye to nahin kahte ki gham kah nahin sakte par jo sabab-e-ghum hai vo ham kah nahin sakte...

Bahadur Shah Zafar

idhar khayal mire dil mein zulf ka guzra udhar vo khata hua dil mein pech-o-taab aaya...

Mohammad Rafi Sauda

sauda jo tira haal hai itna to nahin vo kya jaaniye tu ne use kis aan mein dekha...

Mohammad Rafi Sauda

main ne tum ko dil diya aur tum ne mujhe rusva kiya main ne tum se kya kiya aur tum ne mujh se kya kiya...

Mohammad Rafi Sauda

ve suuraten ilahi kis mulk bastiyan hain ab dekhne ko jin ke aankhen tarastiyan hain...

Mohammad Rafi Sauda

nasim hai tire kuche mein aur saba bhi hai hamari khaak se dekho to kuchh raha bhi hai...

Mohammad Rafi Sauda

na rakkha jag mein rasm-e-dostii andoh-rozii ne magar zaanu se ab baaqi raha hai rabt-e-peshaani...

main faisle ki ghaDi se guzar chuki hun magar kisi ka diida-e-hairan miri talash mein hai...

band hoti kitabon mein uDti hui titliyan Daal diin kis ki rasmon ki jalti hui aag mein laDkiyan Daal diin...

guzar jaenge jab din guzre aalam yaad aaenge hamein tum yaad aaoge tumhein ham yaad aaenge...

ik ghar bhi salamat nahin ab shahr-e-vafa mein tu aag lagane ko kidhar jaae hai pyaare...

dil thaam ke karvaT pe liye jaun hun karvaT vo aag lagi hai ki bujhae na bane hai...

ye kaisi bahaar-e-chaman aai ki chaman mein virana hi virana hai ta-hadd-e-nigah aaj...

main zindagi ki dua mangne laga hun bahut jo ho sake to duaon ko be-asar kar de...

ham bhi ik shaam bahut uljhe hue the khud mein ek shaam us ko bhi haalat ne mohlat nahin di...

mira khush-khiram bala ka tez-khiram tha miri zindagi se chala gaya to khabar hui...

main jis ko apni gavahi mein le ke aaya hun ajab nahin ki vahi aadmi adu ka bhi ho...

karobar mein ab ke khasara aur tarah ka hai kaam nahin baDhta mazduri baDhti jaati hai...

vo aql-mand kabhi josh mein nahin aata gale to lagta hai aaghosh mein nahin aata...

us se milne ke liye jaae to kya jaae koi us ne darvaze pe aaina laga rakkha hai...

kaun si aisi khushi hai jo mili ho ek baar aur ta-umr hamein jis ne aziyyat nahin di...

main bichhDon ko milane ja raha hun chalo divar Dhane ja raha hun...

main Duuba ja raha hun un sadaon ke bhanvar mein mujhe ab chaaron jaanib se pukara ja raha hai...

gham ki barish ne bhi tere naqsh ko dhoya nahin tu ne mujh ko kho diya main ne tujhe khoya nahin...

muneer achchha nahin lagta ye tera kisi ke hijr mein bimar hona...

subh-e-kazib ki hava mein dard tha kitna muneer rail ki siTi baji to dil lahu se bhar gaya...

achchhi misal bantin zahir agar vo hotiin in nekiyon ko ham to dariya mein Daal aae...

jab safar se lauT kar aae to kitna dukh hua is purane baam par vo surat-e-zeba na thi...

ek dasht-e-la-makan phaila hai mere har taraf dasht se niklun to ja kar kin Thikanon mein rahun...

dukh apna agar ham ko batana nahin aata tum ko bhi to andaza lagana nahin aata...

bahut se khvab dekhoge to aankhen tumhaara saath dena chhoD dengi...

vo puchhta tha miri aankh bhigne ka sabab mujhe bahana banana bhi to nahin aaya...

safar ke saath safar ke nae masail the gharon ka zikr to raste mein chhuuT jaata tha...

us ko fursat nahin milti ki palaT kar dekhe hamin divane hain divane bane rahte hain...

vo mire chehre tak apni nafraten laaya to tha main ne us ke haath chuume aur bebas kar diye...

yahan kisi ko bhi kuchh hasb-e-aarzu na mila kisi ko ham na mile aur ham ko tu na mila...

khushi mili to ye aalam tha bad-havasi ka ki dhyan hi na raha gham ki be-libasi ka...

jab nazare the to aankhon ko nahin thi parva ab inhi aankhon ne chaaha to nazare nahin the...

vidaa karti hai rozana zindagi mujh ko main roz maut ke manjhdhar se nikalta hun...

jise ab tak talash karta hun gum-shuda ek yaad hai mujh mein...

apni ye shan-e-baghavat koi dekhe aa kar munh se inkar bhi hai aur sar bhi jhukae hue hain...

jahan se kuchh na mile husn-e-mazarat ke siva ye aarzu usi chaukhaT pe shab guzarti hai...

jidhar से khol ke baiThe the dar andhere ka usi taraf se hamein raushni bahut aai...

koi is baat ko taslim kare ya na kare subh ki sair ne mujh ko dil bimar diya...

rau mein aae to vo khud garmi-e-bazar hue ham jinhein haath laga kar bhi gunahgar hue...

kahan chali gaiin kar ke ye toD-phoD zafar vo bijliyan mire aasab se guzarte hue...

bhole ban kar haal na puchho bahte hain ashk to bahne do jis se baDhe bechaini dil ki aisi tasalli rahne do...

dil ki zid is liye rakh li thi ki aa jaae qarar kal ye kuchh aur kahega mujhe maalum na tha...

ham ko itna bhi rihai ki khushi mein nahin hosh TuuTi zanjir ki khud paanv hamara TuuTa...

chaTki jo kali koyal kuki ulfat ki kahani khatm hui kya kis ne kahi kya tu ne suni ye baat zamana kya jaane...

siine mein zabt-e-gham se chhala ubhar raha hai shoale ko band kar ke paani bana rahe hain...

dukh vo deta hai us pe hai ye haal lene jaata hun jab nahin aata...

Tumhein pata to chale be-zaban cheez ka dukh Main ab charagh ki lau hi nahin banaunga...

Main jungalon ki taraf chal pada hoon chhod ke ghar Ye kya ki ghar ki udaasi bhi saath ho gai hai...

Main jis ke saath kai din guzaar aaya hoon Wo mere saath basar raat kyun nahin karta...

Kya mujh se bhi azeez hai tum ko diye ki lau Phir to mera mazar bane aur diya jale...

Bas wo itna kahe mujhe tum se Aur phir call munqata ho jaye...

Sach kahun meri qurbat to khud us ki saanson ka vardaan hai Main jise chhod deta hoon us ko qabeela nahin chhodta...

Shaikh Ibrahim Zauq

maalum jo hota hamein anjaam-e-mohabbat lete na kabhi bhuul ke ham naam-e-mohabbat...

Shaikh Ibrahim Zauq

vaqt-e-piri shabab ki baaten aisi hain jaise khvab ki baaten...

Shaikh Ibrahim Zauq

kal jahan se ki uTha laae the ahbab mujhe le chala aaj vahin phir dil-e-be-taab mujhe...

Shaikh Ibrahim Zauq

mira ghar teri manzil gaah ho aise kahan talea khuda jaane kidhar ka chaand aaj ai maah-ru nikla...

Majrooh Sultanpuri

dil ki tamanna thi masti mein manzil se bhi duur nikalte apna bhi koi saathi hota ham bhi bahakte chalte chalte...

na ho qamiz to paanv se peT dhak lenge ye log kitne munasib hain is safar ke liye...

kal to nikla tha bahut saj-dhaj ke aaj lauTa to niDhal aaya hai...

Makhdoom Mohiuddin

tumhaare jism ka suraj jahan jahan TuuTa vahin vahin miri zanjir-e-jaan bhi TuuTi hai...

Hafeez Jalandhari

ye mulaqat mulaqat nahin hoti hai baat hoti hai magar baat nahin hoti hai...

Hafeez Jalandhari

aankh kam-bakht se us bazm mein aansu na ruka ek qatre ne Duboya mujhe dariya ho kar...

Hafeez Jalandhari

tum hi na sun sake agar qissa-e-gham sunega kaun kis ki zaban khulegi phir ham na agar suna sake...

Hafeez Jalandhari

aa hi gaya vo mujh ko lahad mein utaarne ghaflat zara na ki mire ghaflat-shiar ne...

Hafeez Jalandhari

yun main ne jiiti ulfat ki baazi ik baar khela sau baar haara...

Explore more on Diwan E Sukhan