Explore more on Diwan E Sukhan

Viral shorts status

Poetry Collection

Ash'aar

kab vo sunta hai kahani meri aur phir vo bhi zabani meri...

lo phir tire labon pe usi bevafa ka zikr ahmad faraz tujh se kaha na bahut hua...

jo zahr pi chuka hun tumhin ne mujhe diya ab tum to zindagi ki duaen mujhe na do...

Faiz Ahmad Faiz

na jaane kis liye ummid-var baiTha hun ik aisi raah pe jo teri rahguzar bhi nahin...

Faiz Ahmad Faiz

bahut mila na mila zindagi se gham kya hai mata-e-dard baham hai to besh-o-kam kya hai...

miir un niim-baaz aankhon mein saari masti sharab ki si hai...

yun uThi aah us gali se ham jaise koi jahan se uThta hai...

kitni dilkash ho tum kitna dil-ju hun main kya sitam hai ki ham log mar jaenge...

kya hai jo badal gai hai duniya main bhi to bahut badal gaya hun...

saari gali sunsan paDi thi baad-e-fana ke pahre mein hijr ke dalan aur aangan mein bas ik saaya zinda tha...

kis se izhar-e-muddaa kije aap milte nahin hain kya kije...

tiflan-e-kucha-gard ke patthar bhi kuchh nahin sauda bhi ek vahm hai aur sar bhi kuchh nahin...

kamal-e-zabt ko khud bhi to aazmaungi main apne haath se us ki dulhan sajaungi...

ye kya ki vo jab chahe mujhe chhin le mujh se apne liye vo shakhs taDapta bhi to dekhun...

Sahir Ludhianvi

aankhen hi milati hain zamane mein dilon ko anjaan hain ham tum agar anjaan hain aankhen...

Sahir Ludhianvi

mohabbat tark ki main ne gareban si liya main ne zamane ab to khush ho zahr ye bhi pi liya main ne...

Sahir Ludhianvi

har-chand miri quvvat-e-guftar hai mahbus khamosh magar tab-e-khud-ara nahin hoti...

Firaq Gorakhpuri

ye maana zindagi hai chaar din ki bahut hote hain yaaro chaar din bhi...

Firaq Gorakhpuri

tum ise shikva samajh kar kis liye sharma gae muddaton ke baad dekha tha to aansu aa gae...

Firaq Gorakhpuri

rafta rafta ishq manus-e-jahan hone laga khud ko tere hijr mein tanha samajh baiThe the ham...

Firaq Gorakhpuri

jin ki taamir ishq karta hai kaun rahta hai un makanon mein...

zid har ik baat par nahin achchhi dost ki dost maan lete hain...

jao bhi kya karoge mehr-o-vafa baar-ha aazma ke dekh liya...

Akbar Allahabadi

ham aisi kul kitaben qabil-e-zabti samajhte hain ki jin ko paDh ke laDke baap ko khabti samajhte hain...

Akbar Allahabadi

jab gham hua chaDha liin do botalen ikaTThi mulla ki dauD masjid akbar ki dauD bhaTTi...

Akbar Allahabadi

boot Dawson ne banaya main ne ik mazmun likha mulk mein mazmun na phaila aur juta chal gaya...

Akbar Allahabadi

sab ho chuke hain us but-e-kafir-ada ke saath rah jaenge rasul hi bas ab khuda ke saath...

Akbar Allahabadi

dila de ham ko bhi sahab se loyalty ka parvana qayamat tak rahe sayyad tire honour ka afsana...

Josh Malihabadi

vo karen bhi to kin alfaz mein tera shikva jin ko teri nigah-e-lutf ne barbad kiya...

Josh Malihabadi

naqsh-e-khayal dil se miTaya nahin hanuz be-dard main ne tujh ko bhulaya nahin hanuz...

Jigar Moradabadi

kya husn ne samjha hai kya ishq ne jaana hai ham khaak-nashinon ki Thokar mein zamana hai...

Jigar Moradabadi

haae re majburiyan mahrumiyan nakamiyan ishq aakhir ishq hai tum kya karo ham kya karen...

Jigar Moradabadi

aankhon mein nami si hai chup chup se vo baiThe hain nazuk si nigahon mein nazuk sa fasana hai...

Jigar Moradabadi

mujhe de rahe hain tasalliyan vo har ek taaza payam se kabhi aa ke manzar-e-aam par kabhi haT ke manzar-e-aam se...

vaqif hain khuub aap ke tarz-e-jafa se ham izhar-e-iltifat ki zahmat na kijiye...

hasrat bahut hai martaba-e-aashiqi buland tujh ko to muft logon ne mashhur kar diya...

shohrat ki bulandi bhi pal bhar ka tamasha hai jis Daal pe baiThe ho vo TuuT bhi sakti hai...

bhuul shayad bahut baDi kar li dil ne duniya se dosti kar li...

dil ki basti purani dilli hai jo bhi guzra hai us ne luuTa hai...

pahli baar nazron ne chaand bolte dekha ham javab kya dete kho gae savalon mein...

ham jahan chaae piine jaate the kya vahan ab bhi aaya karte the...

Amjad Islam Amjad

suna hai kaanon ke kachche ho tum bahut so ham tumhare shahr mein sab se bana ke rakhte hain...

Amjad Islam Amjad

bichhaD ke tujh se na ji paae mukhtasar ye hai is ek baat se nikli hai dastan kya kya...

koi kahta tha samundar hun main aur miri jeb mein qatra bhi nahin...

main mar jaun to meri ek alag pahchan likh dena lahu se meri peshani pe hindustan likh dena...

tujh se milne ki tamanna bhi bahut hai lekin aane jaane mein kiraya bhi bahut lagta hai...

ahbab ko de raha hun dhoka chehre pe khushi saja raha hun...

husn ko chaand javani ko kanval kahte hain un ki surat nazar aae to ghazal kahte hain...

maana jivan mein aurat ik baar mohabbat karti hai lekin mujh ko ye to bata de kya tu aurat zaat nahin...

chars ki bu tujhe bata degi ''ye dhuan sa kahan se uThta hai''...

apni marzi se kahan apne safar ke ham hain rukh havaon ka jidhar ka hai udhar ke ham hain...

mumkin hai safar ho aasan ab saath bhi chal kar dekhen kuchh tum bhi badal kar dekho kuchh ham bhi badal kar dekhen...

kuchh bikhri hui yaadon ke qisse bhi bahut the kuchh us ne bhi baalon ko khula chhoD diya tha...

aate hain jaise jaise bichhaDne ke din qarib lagta hai jaise rail se kaTne laga hun main...

Shakeel Badayuni

ye ada-e-be-niyazi tujhe bevafa mubarak magar aisi be-rukhi kya ki salam tak na pahunche...

Shakeel Badayuni

kal raat zindagi se mulaqat ho gai lab tharthara rahe the magar baat ho gai...

Shakeel Badayuni

har chiiz nahin hai markaz par ik zarra idhar ik zarra udhar nafrat se na dekho dushman ko shayad vo mohabbat kar baiThe...

Shakeel Badayuni

badalti ja rahi hai dil ki duniya nae dastur hote ja rahe hain...

nae kapDe badal kar jaun kahan aur baal banaun kis ke liye vo shakhs to shahr hi chhoD gaya main baahar jaun kis ke liye...

vo dil-navaz hai lekin nazar-shanas nahin mera ilaaj mire chaara-gar ke paas nahin...

tujh bin saari umr guzari log kahenge tu mera tha...

tere haath ki chaae to pii thi dil ka ranj to dil mein raha tha...

ab tak miri yaadon se miTae nahin miTta bhigi hui ik shaam ka manzar tiri aankhen...

kal ka har vaqia tumhaara tha aaj ki dastan hamari hai...

go barasti nahin sada aankhen abr to baara maas hota hai...

jin ki khatir shahr bhi chhoDa jin ke liye badnaam hue aaj vahi ham se begane begane se rahte hain...

insha-ji uTho ab kuuch karo is shahr mein ji ko lagana kya vahshi ko sukun se kya matlab jogi ka nagar mein Thikana kya...

jalva-numai be-parvai haan yahi riit jahan ki hai kab koi laDki man ka daricha khol ke baahar jhaanki hai...

us ko muddat hui sabr karte hue aaj ku-e-vafa se guzarte hue puchh kar us gada ka Thikana sajan apne insha ko bhi dekh aana sajan...

Altaf Hussain Hali

dhuum thi apni parsai ki ki bhi aur kis se aashnai ki...

tum se hasil hua ik gahre samundar ka sukut aur har mauj se laDna bhi tumhi se sikha...

ham se baDhi masafat-e-dasht-e-vafa ki ham khud hi bhaTak gae jo kabhi rasta mila...

gardish-e-mina-o-jaam dekhiye kab tak rahe ham pe taqaza-e-haram dekhiye kab tak rahe...

mata-e-dard parakhna to bas ki baat nahin jo tujh ko dekh ke aae vo ham ko pahchane...

ye phir kis ne duzdida nazron se dekha machalne lage sainkaDon shokh armaan...

apna naam bhi ab to bhuul gai naheed koi pukare to hairat se takti hun...

vo jab bhi aaya bahut tez barishon jaisa vo jis ne chaha mujhe surmai ghaTa rakhna...

allah-re saadgi nahin itni unhein khabar mayyat pe aa ke puchhte hain in ko kya hua...

navak-e-naaz se mushkil hai bachana dil ka dard uTh uTh ke batata hai Thikana dil ka...

haath rakh kar mere siine pe jigar thaam liya tum ne is vaqt to girta hua ghar thaam liya...

sab hasin hain zahidon ko na-pasand ab koi huur aaegi un ke liye...

shaikh kahta hai barhaman ko barhaman us ko sakht kaaba o but-khana mein patthar hai patthar ka javab...

Daya Shankar Naseem

tha sam pe ye us pari ka naqsha sab aankh mila kahte the aa...

Jan Nisar Akhtar

main jab bhi us ke khayalon mein kho sa jaata hun vo khud bhi baat kare to bura lage hai mujhe...

Ali Sardar Jafri

tah-e-aariz jo farozan hain hazaron shamen lutf-e-iqrar hai ya shokhi-e-inkar ka rang...

Asrarul Haq Majaz

kya kya hua hai ham se junun mein na puchhiye uljhe kabhi zamin se kabhi aasman se ham...

Asrarul Haq Majaz

chhup gae vo saaz-e-hasti chheD kar ab to bas aavaz hi aavaz hai...

Siraj Aurangabadi

kahte hain tiri zulf kun dekh ahl-e-shariat qurban hai is kufr par iman hamara...

Siraj Aurangabadi

niind sin khul gaiin miri aankhen so dekha yaar kun ya andhara is qadar tha ya ujala ho gaya...

Siraj Aurangabadi

ghair taraf kyunki nazar kar sakun khauf hai tujh ishq ke jasus ka...

Siraj Aurangabadi

qatil ne ada ka kiya jab vaar uchhal kar main ne sipar-e-dil kun kiya oT sambhal kar...

dekhna har subh tujh rukhsar ka hai mutala matla-e-anvar ka...

shaam hote hi khuli saDkon ki yaad aati hai sochta roz hun main ghar se nahin niklunga...

aankh ki ye ek hasrat thi ki bas puuri hui aansuon mein bhiig jaane ki havas puuri hui...

main sochta hun magar yaad kuchh nahin aata ki ikhtitam kahan khvab ke safar ka hua...

zakhmon ko rafu kar len dil shaad karen phir se khvabon ki koi duniya aabad karen phir se...

koi naya makin nahin aaya to hairat kya kabhi tum ne khula chhoDa hi nahin darvazon ko...

bataun kis tarah ahbab ko aankhen jo aisi hain ki kal palkon se TuuTi niind ki kirchen sameTin hain...

Khwaja Meer Dard

un labon ne na ki masihai ham ne sau sau tarah se mar dekha...

Khwaja Meer Dard

ham tujh se kis havas ki falak justuju karen dil hi nahin raha hai jo kuchh aarzu karen...

Khwaja Meer Dard

baagh-e-jahan ke gul hain ya khaar hain to ham hain gar yaar hain to ham hain aghyar hain to ham hain...

Khwaja Meer Dard

ho gaya mehman-sara-e-kasrat-e-mauhum aah vo dil-e-khaali ki tera khaas khalvat-khana tha...

Bahadur Shah Zafar

burai ya bhalai go hai apne vaste lekin kisi ko kyun kahen ham bad ki bad-goi se kya hasil...

Bahadur Shah Zafar

sab miTa den dil se hain jitni ki us mein khvahishen gar hamein maalum ho kuchh us ki khvahish aur hai...

Bahadur Shah Zafar

haath kyun baandhe mire chhalla agar chori hua ye sarapa shokhi-e-rang-e-hina thi main na tha...

Mohammad Rafi Sauda

ishq se to nahin hun main vaqif dil ko shoala sa kuchh lipaTta hai...

Mohammad Rafi Sauda

sauda hue jab aashiq kya paas aabru ka sunta hai ai divane jab dil diya to phir kya...

Mohammad Rafi Sauda

kahte hain vo jo hai sauda ka qasida hi khuub un ki khidmat mein liye main ye ghazal jaunga...

marna to bahut sahal si ik baat lage hai jiina hi mohabbat mein karamaat lage hai...

aajiz ki hain ulTi baaten kaun use samjhae dhuup ko pagal kahe andhera din ko raat batae...

ye vaaz-e-vafadari aajiz na badal dena vo zakhm tujhe deinge tum un ko ghazal dena...

samundaron ko bhi hairat hui ki Dubte vaqt kisi ko ham ne madad ke liye pukara nahin...

roz ik taaza qasida nai tashbib ke saath rizq bar-haq hai ye khidmat nahin hogi ham se...

kahani mein nae kirdar shamil ho gae hain nahin maalum ab kis Dhab tamasha khatm hoga...

subh savere ran paDna hai aur ghamsan ka ran raaton raat chala jaae jis ko jaana hai...

is baar bhi duniya ne hadaf ham ko banaya is baar to ham shah ke musahib bhi nahin the...

dil ke maabud jabinon ke khudai se alag aise aalam mein ibadat nahin hogi ham se...

har gali kuuche mein rone ki sada meri hai shahr mein jo bhi hua hai vo khata meri hai...

kis ki hai ye tasvir jo banti nahin mujh se main kis ka taqaza hun ki puura nahin hota...

ye tera mera jhagDa hai duniya ko biich mein kyun Dalen ghar ke andar ki baaton par ghairon ko gavah nahin karte...

be-badan ruuh bane phirte rahoge kab tak jao chupke se kisi jism mein dakhil ho jao...

dar-asl is jahan ko zarurat nahin miri har-chand is jahan ke liye na-guzir main...

vaqt kis tezi se guzra roz-marra mein muneer aaj kal hota gaya aur din hava hote gae...

tum mere liye itne pareshan se kyun ho main Duub bhi jaata to kahin aur ubharta...

meri saari zindagi ko be-samar us ne kiya umr meri thi magar us ko basar us ne kiya...

us husn ka sheva hai jab ishq nazar aae parde mein chale jaana sharmae hue rahna...

apne gharon se duur banon mein phirte hue aavara logo kabhi kabhi jab vaqt mile to apne ghar bhi jaate rahna...

mahak ajab si ho gai paDe paDe sanduq mein rangat phiki paD gai resham ke rumal ki...

khaDa hun zer-e-falak gumbad-e-sada mein muneer ki jaise haath uTha ho koi dua ke liye...

tum aa gae ho to kuchh chandni si baaten hon zamin pe chaand kahan roz roz utarta hai...

sharafaton ki yahan koi ahmiyat hi nahin kisi ka kuchh na bigaDo to kaun Darta hai...

inhein to khaak mein milna hi tha ki mere the ye ashk kaun se unche gharane vaale the...

rakh deta hai la la ke muqabil nae suraj vo mere charaghon se kahan bol raha hai...

vo mire chehre tak apni nafraten laaya to tha main ne us ke haath chuume aur bebas kar diye...

ab ke is bazm mein kuchh apna pata bhi dena paanv par paanv jo rakhna to daba bhi dena...

yun bhi hota hai ki yak dam koi achchha lag jaae baat kuchh bhi na ho aur dil mein tamasha lag jaae...

abhi meri apni samajh mein bhi nahin aa rahi main jabhi to baat ko mukhtasar nahin kar raha...

saaf-o-shaffaf thi paani ki tarah niyyat-e-dil dekhne valon ne dekha ise gadla kar ke...

aag jangal mein lagi hai duur dariyaon ke paar aur koi shahr mein phirta hai ghabraya hua...

itna manus bhi hone ki zarurat kya thi kabhi is khvab se mumkin hai nikalna paD jaae...

jo yahan khud hi laga rakkhi hai chaaron jaanib ek din ham ne isi aag mein jal jaana hai...

na jaane kyun miri niyyat badal gai yak-dam vagarna us pe tabiat miri bahut aai...

mila to manzil-e-jaan mein utarne na diya vo kho gaya to kisi ne pukarne na diya...

baahar gali mein chalte hue log thak gae tanhaiyon ka shor tha khaali makan mein...

apne soe hue suraj ki khabar le ja kar is kamin-gah mein kirnon ko pakaDta kya hai...

phir sar-e-subh kisi dard ke dar va karne dhaan ke khet se ik mauj-e-hava aai hai...

khilna kahin chhupa bhi hai chahat ke phuul ka li ghar mein saans aur gali tak mahak gai...

jo kuchh tha na kahne ka sab kah gaya divana samho to mukammal hai ab ishq ka afsana...

ye zora-zori ishq ki thi fitrat hi jis ne badal Daali jalta hua dil ho kar paani aansu ban jaana kya jaane...

us shan-e-aajizi ke fida jis ne aarzu har naaz har ghurur ke qabil bana diya...

vo haath maar palaT kar jo kar de kaam tamam baDe azaab mein hun main savab leta ja...

Bichhad ke tujh se na khush reh sakunga socha tha Teri judai hi wajh-e-nashat ho gai hai...

Main usay kab ka bhool-bhaal chuka Zindagi hai ki ro rahi hai mujhe...

Main tujhe chhod kar chala jaun Saaya deewar se juda ho jaye...

Kaun sahraon ki pyas hai in makanon ki buniyaad mein Barishon se agar bach bhi jaen to dariya nahin chhodta...

Shaikh Ibrahim Zauq

masjid mein us ne ham ko aankhen dikha ke maara kafir ki shokhi dekho ghar mein khuda ke maara...

Shaikh Ibrahim Zauq

ho umr-e-khizr bhi to ho maalum vaqt-e-marg ham kya rahe yahan abhi aae abhi chale...

Shaikh Ibrahim Zauq

deti sharbat hai kise zahr bhari aankh tiri ain ehsan hai vo zahr bhi gar deti hai...

Shaikh Ibrahim Zauq

asar-e-naghma-e-shirin se jahan bhuul gaya ki siva raag ke sam ke hai koi aur bhi sam...

Majrooh Sultanpuri

bahane aur bhi hote jo zindagi ke liye ham ek baar tiri aarzu bhi kho dete...

Majrooh Sultanpuri

fareb-e-saqi-e-mahfil na puchhiye 'majruh' sharab ek hai badle hue hain paimane...

zindagi jab azaab hoti hai aashiqi kaamyab hoti hai...

kal to nikla tha bahut saj-dhaj ke aaj lauTa to niDhal aaya hai...

Makhdoom Mohiuddin

ishq ke shoale ko bhaDkao ki kuchh raat kaTe dil ke angare ko dahkao ki kuchh raat kaTe...

Makhdoom Mohiuddin

ye tamanna hai ki uDti hui manzil ka ghubar subh ke parde mein yaad aa gai shaam aahista...

Hafeez Jalandhari

mujhe to is khabar ne kho diya hai suna hai main kahin paaya gaya hun...

Hafeez Jalandhari

nakaami-e-ishq ya kaamyabi donon ka haasil khana-kharabi...

Hafeez Jalandhari

zabt-e-girya kabhi karta hun to farmate hain aaj kya baat hai barsaat nahin hoti hai...

Hafeez Jalandhari

hai muddaa-e-ishq hi duniya-e-muddaa ye muddaa na ho to koi muddaa na ho...

Explore more on Diwan E Sukhan