Sach

main sach kahungi magar phir bhi haar jaungi vo jhuT bolega aur la-javab kar dega...

sadaqat ho to dil sinon se khinchne lagte hain vaiz haqiqat khud ko manva leti hai maani nahin jaati...

agar sach itna zalim hai to ham se jhuuT hi bolo hamein aata hai patjhaD ke dinon gul-bar ho jaana...

samjha hai haq ko apne hi jaanib har ek shakhs ye chaand us ke saath chala jo jidhar gaya...

main us se jhuuT bhi bolun to mujh se sach bole mire mizaj ke sab mausamon ka sathi ho...

jhuuT vaale kahin se kahin baDh gae aur main tha ki sach bolta rah gaya...

jhuuT bola hai to qaa.em bhi raho us par 'zafar' aadmi ko sahab-e-kirdar hona chahiye...

kis kaam ki aisi sachchai jo toD de ummiden dil ki thoDi si tasalli ho to gai maana ki vo bol ke jhuuT gaya...