Explore more on Diwan E Sukhan

Sad reality urdu

Poetry Collection

Ash'aar

jala hai jism kahan dil bhi jal gaya hoga kuredte ho jo ab raakh justuju kya hai...

muntazir kis ka hun TuTi hui dahliz pe main kaun aaega yahan kaun hai aane vaala...

Faiz Ahmad Faiz

karo kaj jabin pe sar-e-kafan mire qatilon ko guman na ho ki ghurur-e-ishq ka bankpan pas-e-marg ham ne bhula diya...

Faiz Ahmad Faiz

har charagar ko charagari se gurez tha varna hamein jo dukh the bahut la-dava na the...

ulTi ho gain sab tadbiren kuchh na dava ne kaam kiya dekha is bimari-e-dil ne aakhir kaam tamam kiya...

jin jin ko tha ye ishq ka aazar mar gae aksar hamare saath ke bimar mar gae...

jam gaya khuun kaf-e-qatil pe tira miir zi-bas un ne ro ro diya kal haath ko dhote dhote...

aur to kya tha bechne ke liye apni aankhon ke khvab beche hain...

ik ajab haal hai ki ab us ko yaad karna bhi bevafai hai...

aur kya chahti hai gardish-e-ayyam ki ham apna ghar bhul gae un ki gali bhul gae...

apne andar hansta hun main aur bahut sharmata hun khuun bhi thuka sach-much thuka aur ye sab chalaki thi...

hai vo bechargi ka haal ki ham har kisi ko salam kar rahe hain...

ab khaak uD rahi hai yahan intizar ki ai dil ye baam-o-dar kisi jaan-e-jahan ke the...

ab ki jab jaanana tum ko hai sabhi par etibar ab tumhein jaanana mujh par etibar aaya to kya...

socha hai ki ab kar-e-masiha na karenge vo khuun bhi thukega to parva na karenge...

siina dahak raha ho to kya chup rahe koi kyun chikh chikh kar na gala chhil le koi...

ham-nafasan-e-vaza-dar mustamian-e-burd-bar ham to tumhaare vaste ek vabal ho gae...

ham to samjhe the ki ik zakhm hai bhar jaega kya khabar thi ki rag-e-jaan mein utar jaega...

kal raat jo indhan ke liye kaT ke gira hai chiDiyon ko bahut pyaar tha us buDhe shajar se...

meri chadar to chhini thi shaam ki tanhai mein be-ridai ko miri phir de gaya tashhir kaun...

Momin Khan Momin

vo aae hain pasheman laash par ab tujhe ai zindagi laun kahan se...

Momin Khan Momin

Darta hun aasman se bijli na gir paDe sayyad ki nigah su-e-ashiyan nahin...

Momin Khan Momin

raaz-e-nihan zaban-e-aghyar tak na pahuncha kya ek bhi hamara khat yaar tak na pahuncha...

Momin Khan Momin

naseha dil mein to itna tu samajh apne ki ham laakh nadan hue kya tujh se bhi nadan honge...

Sahir Ludhianvi

gham aur khushi mein farq na mahsus ho jahan main dil ko us maqam pe laata chala gaya...

Sahir Ludhianvi

ham gham-zada hain laaen kahan se khushi ke giit denge vahi jo paenge is zindagi se ham...

Sahir Ludhianvi

kis darja dil-shikan the mohabbat ke haadse ham zindagi mein phir koi arman na kar sake...

Sahir Ludhianvi

aao ki aaj ghaur karen is saval par dekhe the ham ne jo vo hasin khvab kya hue...

Sahir Ludhianvi

jamhuriyat-navaz bashar-dost amn-khvah khud ko jo khud diye the vo alqab kya hue...

Firaq Gorakhpuri

kam se kam maut se aisi mujhe ummid nahin zindagi tu ne to dhoke pe diya hai dhoka...

Firaq Gorakhpuri

zindagi mein jo ik kami si hai ye zara si kami bahut hai miyan...

Firaq Gorakhpuri

mehrbani ko mohabbat nahin kahte ai dost aah ab mujh se tiri ranjish-e-beja bhi nahin...

Firaq Gorakhpuri

is daur mein zindagi bashar ki bimar ki raat ho gai hai...

vafa karenge nibahenge baat manenge tumhein bhi yaad hai kuchh ye kalam kis ka tha...

na jaana ki duniya se jaata hai koi bahut der ki mehrban aate aate...

saqiya tishnagi ki taab nahin zahr de de agar sharab nahin...

na rona hai tariqe ka na hansna hai saliqa ka pareshani mein koi kaam ji se ho nahin sakta...

Akbar Allahabadi

puchha akbar hai aadmi kaisa hans ke bole vo aadmi hi nahin...

Akbar Allahabadi

maut aai ishq mein to hamein niind aa gai nikli badan se jaan to kanTa nikal gaya...

Akbar Allahabadi

is gulistan mein bahut kaliyan mujhe taDpa gain kyun lagi thin shaakh mein kyun be-khile murjha gain...

Akbar Allahabadi

haadse apne tariqon se guzarte hi rahe kyon hua aisa ye ham tahqiq karte hi rahe...

Josh Malihabadi

mujh ko to hosh nahin tum ko khabar ho shayad log kahte hain ki tum ne mujhe barbad kiya...

Josh Malihabadi

jitne gada-navaz the kab ke guzar chuke ab kyun bichhae baiThe hain ham boriya na puchh...

Josh Malihabadi

haan kaun puchhta hai khushi ka nahufta raaz phir gham ka baar dil pe uThae hue hain ham...

tamam umr jo ki ham se be-rukhi sab ne kafan mein ham bhi azizon se munh chhupa ke chale...

anis dam ka bharosa nahin Thahar jao charagh le ke kahan samne hava ke chale...

Jigar Moradabadi

aaghaz-e-mohabbat ka anjam bas itna hai jab dil mein tamanna thi ab dil hi tamanna hai...

Jigar Moradabadi

bahut hasin sahi sohbaten gulon ki magar vo zindagi hai jo kanTon ke darmiyan guzre...

Jigar Moradabadi

maut kya ek lafz-e-be-maani jis ko maara hayat ne maara...

Jigar Moradabadi

dil ko sukun ruuh ko aaram aa gaya maut aa gai ki dost ka paigham aa gaya...

Jigar Moradabadi

laakh aaftab paas se ho kar guzar gae ham baiThe intizar-e-sahar dekhte rahe...

Jigar Moradabadi

vahi hai zindagi lekin jigar ye haal hai apna ki jaise zindagi se zindagi kam hoti jaati hai...

aarzu teri barqarar rahe dil ka kya hai raha raha na raha...

kaT gai ehtiyat-e-ishq mein umr ham se izhar-e-muddaa na hua...

gham-e-aarzu ka hasrat sabab aur kya bataun miri himmaton ki pasti mire shauq ki bulandi...

sabhi kuchh ho chuka un ka hamara kya raha hasrat na diin apna na dil apna na jaan apni na tan apna...

khu samajh mein nahin aati tire divanon ki damanon ki na khabar hai na girebanon ki...

raat din nama-o-paigham kahan tak doge saaf kah dijiye milna hamein manzur nahin...

kuchh to majburiyan rahi hongi yun koi bevafa nahin hota...

har dhaDakte patthar ko log dil samajhte hain umren biit jaati hain dil ko dil banane mein...

log TuuT jaate hain ek ghar banane mein tum taras nahin khate bastiyan jalane mein...

rone valon ne uTha rakkha tha ghar sar par magar umr bhar ka jagne vala paDa sota raha...

isi shahr mein kai saal se mire kuchh qaribi aziz hain unhein meri koi khabar nahin mujhe un ka koi pata nahin...

dil ki basti purani dilli hai jo bhi guzra hai us ne luuTa hai...

hai ajiib shahr ki zindagi na safar raha na qayam hai kahin karobar si dopahar kahin bad-mizaj si shaam hai...

achchha tumhaare shahar ka dastur ho gaya jis ko gale laga liya vo duur ho gaya...

tum abhi shahr mein kya nae aae ho ruk gae raah mein hadsa dekh kar...

vo jin ke zikr se ragon mein dauDti thiin bijliyan unhin ka haath ham ne chhu ke dekha kitna sard hai...

zindagi ab ke mera naam na shamil karna gar ye tai hai ki yahi khel dobara hoga...

Amjad Islam Amjad

vo tire nasib ki baarishen kisi aur chhat pe baras gain dil-e-be-khabar miri baat sun use bhuul ja use bhuul ja...

Amjad Islam Amjad

likha tha ek takhti par koi bhi phuul mat toDe magar aandhi to an-paDh thi so jab vo baagh se guzri koi ukhDa koi TuuTa khizan ke aakhiri din the...

Amjad Islam Amjad

aankh bhi apni sarab-aalud hai aur is dariya mein paani bhi nahin...

Amjad Islam Amjad

vo samne hai phir bhi dikhai na de sake mere aur us ke biich ye divar kaun hai...

rahne ko sada dahr mein aata nahin koi tum jaise gae aise bhi jaata nahin koi...

jis tarah hans raha hun main pi pi ke garm ashk yun dusra hanse to kaleja nikal paDe...

itna to zindagi mein kisi ke khalal paDe hansne se ho sukun na rone se kal paDe...

jo vo mire na rahe main bhi kab kisi ka raha bichhaD ke un se saliqa na zindagi ka raha...

ik khvab khushi ka dekha nahin dekha jo kabhi to bhuul gae manga hua tum kuchh de na sake jo tum ne diya vo sahne do...

ghar ke baahar dhunDta rahta hun duniya ghar ke andar duniya-daari rahti hai...

ab to har haath ka patthar hamein pahchanta hai umr guzri hai tire shahr mein aate jaate...

main aa kar dushmanon mein bas gaya hun yahan hamdard hain do-chaar mere...

yahan lachhman ki rekha hai na sita hai magar phir bhi bahut phere hamare ghar ke ik sadhu lagata hai...

tum puchho aur main na bataun aise to haalat nahin ek zara sa dil TuuTa hai aur to koi baat nahin...

jis barahman ne kaha hai ki ye saal achchha hai us ko dafnao mire haath ki rekhaon mein...

kya maslahat-shanas tha vo aadmi qateel majburiyon ka jis ne vafa naam rakh diya...

subut-e-ishq ki ye bhi to ek surat hai ki jis se pyaar karen us pe tohmaten bhi dharen...

ba-paas-e-dil jise apne labon se bhi chhupaya tha mira vo raaz tere hijr ne pahuncha diya sab tak...

kabhi kisi ko mukammal jahan nahin milta kahin zamin kahin aasman nahin milta...

apni marzi se kahan apne safar ke ham hain rukh havaon ka jidhar ka hai udhar ke ham hain...

badla na apne-aap ko jo the vahi rahe milte rahe sabhi se magar ajnabi rahe...

vahi hamesha ka aalam hai kya kiya jaae jahan se dekhiye kuchh kam hai kya kiya jaae...

barbad kar diya hamein pardes ne magar maan sab se kah rahi hai ki beTa maze mein hai...

daulat se mohabbat to nahin thi mujhe lekin bachchon ne khilaunon ki taraf dekh liya tha...

bhaTakti hai havas din-raat sone ki dukanon mein gharibi kaan chhidvati hai tinka Daal deti hai...

pachpan baras ki umr to hone ko aa gai lekin vo chehra aankhon se ojhal na ho saka...

Shakeel Badayuni

mere ham-nafas mere ham-nava mujhe dost ban ke dagha na de main hun dard-e-ishq se jaan-ba-lab mujhe zindagi ki dua na de...

Shakeel Badayuni

vo hava de rahe hain daaman ki haae kis vaqt niind aai hai...

Shakeel Badayuni

gham-e-umr-e-mukhtasar se abhi be-khabar hain kaliyan na chaman mein phenk dena kisi phuul ko masal kar...

daaem aabad rahegi duniya ham na honge koi ham sa hoga...

bhari duniya mein ji nahin lagta jaane kis chiiz ki kami hai abhi...

jinhein ham dekh kar jiite the nasir vo log aankhon se ojhal ho gae hain...

yun to har shakhs akela hai bhari duniya mein phir bhi har dil ke muqaddar mein nahin tanhai...

zindagi jin ke tasavvur se jila paati thi haae kya log the jo daam-e-ajal mein aae...

muddat se koi aaya na gaya sunsan paDi hai ghar ki faza in khaali kamron mein nasir ab shama jalaun kis ke liye...

o pichhli rut ke saathi ab ke baras main tanha hun...

tire baghair bhi khaali nahin miri raaten hai ek saaya mire saath ham-nashin ki tarah...

vo aksar din mein bachchon ko sula deti hai is Dar se gali mein phir khilaune bechne vaala na aa jaae...

zindagi yun hui basar tanha qafila saath aur safar tanha...

apne saae se chaunk jaate hain umr guzri hai is qadar tanha...

vo ek din ek ajnabi ko miri kahani suna raha tha...

go barasti nahin sada aankhen abr to baara maas hota hai...

kanch ke paar tire haath nazar aate hain kaash khushbu ki tarah rang hina ka hota...

dushmanon ne jo dushmani ki hai doston ne bhi kya kami ki hai...

ik umr sunaen to hikayat na ho puuri do roz mein ham par jo yahan biit gai hai...

kab lauTa hai bahta paani bichhDa sajan ruuTha dost ham ne us ko apna jaana jab tak haath mein daman tha...

ham ghuum chuke basti ban mein ik aas ki phaans liye man mein...

ek din dekhne ko aa jaate ye havas umr bhar nahin hoti...

janam janam ke saaton dukh hain us ke maathe par tahrir apna aap miTana hoga ye tahrir miTane mein...

gham-e-ishq mein kaari dava na dua ye hai rog kaThin ye hai dard bura ham karte jo apne se ho sakta kabhi ham se bhi kuchh na kaha tum ne...

Altaf Hussain Hali

yaran-e-tez-gaam ne mahmil ko ja liya ham mahv-e-nala-e-jaras-e-karvan rahe...

Altaf Hussain Hali

gul-o-gulchin ka gila bulbul-e-khush-lahja na kar tu giraftar hui apni sada ke baais...

ab is ghar ki aabadi mehmanon par hai koi aa jaae to vaqt guzar jaata hai...

kahan ke ishq-o-mohabbat kidhar ke hijr o visal abhi to log taraste hain zindagi ke liye...

ham se baDhi masafat-e-dasht-e-vafa ki ham khud hi bhaTak gae jo kabhi rasta mila...

saaten jo tiri qurbat mein giran guzri thiin duur se dekhun to ab vo bhi bhali lagti hain...

hamare shahr ke logon ka ab ahval itna hai kabhi akhbar paDh lena kabhi akhbar ho jaana...

log be-mehr na hote honge vahm sa dil ko hua tha shayad...

mata-e-dard parakhna to bas ki baat nahin jo tujh ko dekh ke aae vo ham ko pahchane...

ummid ka gharaunda pal mein gira diya hai tujh ko bhi kya kisi ne dil se bhula diya hai...

kuchh yun hi zard zard si naheed aaj thi kuchh oDhni ka rang bhi khilta hua na tha...

hue namvar be-nishan kaise kaise zamin kha gai aasman kaise kaise...

shab-e-furqat ka jaaga hun farishto ab to sone do kabhi fursat mein kar lena hisab aahista aahista...

allah-re saadgi nahin itni unhein khabar mayyat pe aa ke puchhte hain in ko kya hua...

samajhta hun sabab kafir tire aansu nikalne ka dhuan lagta hai aankhon mein kisi ke dil ke jalne ka...

vaae qismat vo bhi kahte hain bura ham bure sab se hue jin ke liye...

pahle to mujhe kaha nikalo phir bole gharib hai bula lo...

ham jo pahunche to lab-e-gor se aai ye sada aaiye aaiye hazrat bahut aazad rahe...

nabz-e-bimar jo ai rashk-e-masiha dekhi aaj kya aap ne jaati hui duniya dekhi...

jab kahin do gaz zamin dekhi khudi samjha main gor jab nai do chaadaren dekhin kafan yaad aa gaya...

Daya Shankar Naseem

pahunchi na rahat ham se kisi ko balki aziyyat kosh hue zinda the to baar-e-shikam the mar ke vabal-e-dosh hue...

Asrarul Haq Majaz

sab ka to mudava kar Daala apna hi mudava kar na sake sab ke to gareban si Daale apna hi gareban bhuul gae...

Siraj Aurangabadi

nahin bujhti hai pyaas aansu sin lekin karen kya ab to yaan paani yahi hai...

Siraj Aurangabadi

mushtaq hun tujh lab ki fasahat ka va-lekin raanjha ke nasibon mein kahan hiir ki aavaz...

Siraj Aurangabadi

kya hoega sunoge agar kaan dhar ke tum guzri birah ki raat jo mujh par kahaniyan...

pi ke bairag ki udasi sun dil pe mere sada udasi hai...

mire dil ki tajalli kyon rahe poshida majlis mein zaiifi sun hua hai parda-e-fanus tan mera...

jab bhi milti hai mujhe ajnabi lagti kyun hai zindagi roz nae rang badalti kyun hai...

hai aaj ye gila ki akela hai shahryar tarsoge kal hujum mein tanhai ke liye...

bahut shor tha jab samaat gai bahut bhiiD thi jab akele hue...

kaghaz ki kashtiyan bhi bahut kaam aaengi jis din hamare shahr mein sailab aaega...

kahan tak vaqt ke dariya ko ham Thahra hua dekhen ye hasrat hai ki in aankhon se kuchh hota hua dekhen...

main akela sahi magar kab tak nangi parchhaiyon ke biich rahun...

Khwaja Meer Dard

zindagi hai ya koi tufan hai! ham to is jiine ke hathon mar chale...

Khwaja Meer Dard

ham tujh se kis havas ki falak justuju karen dil hi nahin raha hai jo kuchh aarzu karen...

Khwaja Meer Dard

aankhen bhi haae naza mein apni badal gaiin sach hai ki bekasi mein koi aashna nahin...

Khwaja Meer Dard

naala fariyad aah aur zaari aap se ho saka so kar dekha...

Khwaja Meer Dard

ham bhi jaras ki tarah to is qafile ke saath naale jo kuchh bisat mein the so suna chale...

Bahadur Shah Zafar

kitna hai bad-nasib zafar dafn ke liye do gaz zamin bhi na mili ku-e-yaar mein...

Bahadur Shah Zafar

na mujh ko kahne ki taqat kahun to kya ahval na us ko sunne ki fursat kahun to kis se kahun...

Bahadur Shah Zafar

gai yak-ba-yak jo hava palaT nahin dil ko mere qarar hai karun us sitam ko main kya bayan mira gham se sina figar hai...

Mohammad Rafi Sauda

tira khat aane se dil ko mere aaraam kya hoga khuda jaane ki is aaghaz ka anjaam kya hoga...

Mohammad Rafi Sauda

dil mat Tapak nazar se ki paaya na jaega jun ashk phir zamin se uThaya na jaega...

Mohammad Rafi Sauda

firaq-e-khuld se gandum hai sina-chaak ab tak ilahi ho na vatan se koi gharib juda...

Mohammad Rafi Sauda

sauda tiri fariyad se aankhon mein kaTi raat aai hai sahar hone ko tuk tu kahin mar bhi...

Mohammad Rafi Sauda

be-sabati zamane ki na-chaar karni mujh ko bayan paDti hai...

Mohammad Rafi Sauda

kahte تھے ham na dekh sakein roz-e-hijr ko par jo khuda dikhae so na-chaar dekhna...

Mohammad Rafi Sauda

na rakkha jag mein rasm-e-dostii andoh-rozii ne magar zaanu se ab baaqi raha hai rabt-e-peshaani...

ye aarzu thi ki ham us ke saath saath chalen magar vo shakhs to rasta badalta jaata hai...

na jaane ruuTh ke baiTha hai dil ka chain kahan mile to us ko hamara koi salam kahe...

sunega kaun meri chaak-damani ka afsana yahan sab apne apne pairahan ki baat karte hain...

uThte huon ko sab ne sahara diya kaleem girte hue gharib sambhale kahan gae...

duaen yaad kara di gai thiin bachpan mein so zakhm khate rahe aur dua diye gae ham...

ghar se nikle hue beTon ka muqaddar maalum maañ ke qadmon mein bhi jannat nahin milne vaali...

hua hai yun bhi ki ik umr apne ghar na gae ye jaante the koi raah dekhta hoga...

shagufta lafz likkhe ja rahe hain magar lahjon mein virani bahut hai...

jab 'miir' o 'mirza' ke sukhan raegan gae ik be-hunar ki baat na samjhi gai to kya...

hamein jab apna taaruf karana paDta hai na jaane kitne dukhon ko dabana paDta hai...

ishq mein piine ka paani bas aankh ka paani khane mein bas patthar khaae ja sakte the...

mujhe yaqin to bahut tha magar ghalat nikla ki aabla kabhi pa-posh mein nahin aata...

tu mujh ko jo is shahr mein laaya nahin hota main be-sar-o-saman kabhi rusva nahin hota...

chahta hun main muneer is umr ke anjaam par ek aisi zindagi jo is tarah mushkil na ho...

vo jis ko main samajhta raha kamyab din vo din tha meri umr ka sab se kharab din...

kuchh vaqt chahte the ki sochen tire liye tu ne vo vaqt ham ko zamane nahin diya...

rahna tha us ke saath bahut der tak magar in roz o shab mein mujh ko ye fursat nahin mili...

dil ajab mushkil mein hai ab asl raste ki taraf yaad pichhe khinchti hai aas aage ki taraf...

ham bhi muneer ab duniya-dari kar ke vaqt guzarenge hote hote jiine ke bhi laakh bahane aa jaate hain...

tanha ujaaD burjon mein phirta hai tu muneer vo zar-fishaniyan tire rukh ki kidhar gaiin...

raaste hain khule hue saare phir bhi ye zindagi ruki hui hai...

jab nazare the to aankhon ko nahin thi parva ab inhi aankhon ne chaaha to nazare nahin the...

apne hi samne divar bana baiTha hun hai ye anjam use raste se haTa dene ka...

is baar mili hai jo natije mein burai kaam aai hai apni koi achchhai hamare...

ik dhuup si tani hui baadal ke aar-paar ik pyaas hai ruki hui jharne ke bavajud...

khul ke ro bhi sakun aur hans bhi sakun ji bhar ke abhi itni bhi faraghat mein nahin rah sakta...

koi is baat ko taslim kare ya na kare subh ki sair ne mujh ko dil bimar diya...

aankhon mein raakh Daal ke nikla hun sair ko shakhon pe nachte hain sharar mere samne...

ye haal hai to badan ko bachaiye kab tak sada mein dhuup bahut hai lahu mein lu hai bahut...

khizan ka bhes bana kar bahaar ne maara mujhe do-rangi-e-lail-o-nahar ne maara...

vaae ghurbat ki hue jis ke liye khana-kharab sun ke aavaz bhi ghar se na vo baahar nikla...

misal-e-shama apni aag mein kya aap jal jaun qisas-e-khamushi legi kahan tak ai zaban mujh se...

nahin vo agli si raunaq dayar-e-hasti ki tabah-kun koi tufan tha shabab na tha...

Ye ek baat samajhne mein raat ho gayi hai Main us se jeet gaya hoon ki maat ho gai hai...

Is liye raushni mein thandak hai Kuchh charaghon ko nam kiya gaya hai...

Shaikh Ibrahim Zauq

phuul to do din bahaar-e-jaan-faza dikhla gae hasrat un ghunchon pe hai jo bin khile murjha gae...

Shaikh Ibrahim Zauq

vaqt-e-piri shabab ki baaten aisi hain jaise khvab ki baaten...

Shaikh Ibrahim Zauq

mazkur tiri bazm mein kis ka nahin aata par zikr hamara nahin aata nahin aata...

Majrooh Sultanpuri

koi ham-dam na raha koi sahaara na raha ham kisi ke na rahe koi hamara na raha...

Majrooh Sultanpuri

kuchh bata tu hi nasheman ka pata main to ai baad-e-saba bhuul gaya...

Majrooh Sultanpuri

gulon se bhi na hua jo mira pata dete saba uDati phiri khaak aashiyane ki...

lahu-luhan nazaron ka zikr aaya to sharif log uThe duur ja ke baiTh gae...

ye soch kar ki darakhton mein chhanv hoti hai yahan babul ke saae mein aa ke baiTh gae...

Makhdoom Mohiuddin

ham ne hans hans ke tiri bazm mein ai paikar-e-naaz kitni aahon ko chhupaya hai tujhe kya maalum...

Hafeez Jalandhari

ai 'hafiz' aah aah par aakhir kya kahen dost vaah va ke siva...

Hafeez Jalandhari

sunata hai kya hairat-angez qisse hasinon mein khoi ho jis ne javani...

Hafeez Jalandhari

khuda ko na taklif de Duubne mein kisi nakhuda ke sahaare chala chal...

Explore more on Diwan E Sukhan