ya-rab vo na samjhe hain na samjhenge miri baat
de aur dil un ko jo na de mujh ko zaban aur

tum salamat raho hazar baras
har baras ke hon din pachas hazar

jaan tum par nisar karta hun
main nahin jaanta dua kya hai

main kya karun mire qatil na chahne par bhi
tire liye mire dil se dua nikalti hai

jo nafas tha khaar-e-gulu bana jo uThe the haath lahu hue
vo nashat-e-aah-e-sahar gai vo vaqar-e-dast-e-dua gaya

kaamrani un ko milti hai jahan mein
jo jalayein shauq ki shamein rawan mein

dil khayal-e-yaar se mehke hamesha
jaise khushboo ghul rahi ho gulistan mein

kya khabar kis baat par jhagda ho jaye
nafratein bikhri hui hain ab jahan mein

rakh uqabon sa jigar ae nau-jawan tu
phir nazar aayegi manzil aasman mein

mit ke bhi baaqi rahe shohrat hamari
har sada goonje hamari dastan mein

zikr maula ho zabih teri zabaan par
rehmatein barseingi tere aashiyan mein

Sabz maddham roshni mein surkh aanchal ki dhanak
Sard kamre mein machalti garm sanson ki mahak
Baazuon ke sakht halqe mein koi nazuk badan

Silwatein malboos par aanchal bhi kuch dhalka hua
Garmi-e-rukhsaar se dehki hui thandi hawa

Narm zulfon se mulayam ungliyon ki chhed chhaad
Surkh honton par shararat ke kisi lamhe ka aks

Reshmi banhon mein choodi ki kabhi maddham khanak
Sharmgeen lehjon mein dheere se kabhi chahat ki baat

Do dilon ki dhadkanon mein goonjti thi ek sada
Kaanpte honton pe thi Allah se sirf ek dua

Kaash yeh lamhe thehar javein thehar javein zara!