Tears

Mirza Ghalib

ragon mein dauDte phirne ke ham nahin qail jab aankh hi se na Tapka to phir lahu kya hai...

Mirza Ghalib

ghalib hamein na chheD ki phir josh-e-ashk se baiThe hain ham tahayya-e-tufan kiye hue...

Mirza Ghalib

dil hi to hai na sang-o-khisht dard se bhar na aae kyun roenge ham hazar baar koi hamein satae kyun...

Ahmad Faraz

ab dil ki tamanna hai to ai kaash yahi ho aansu ki jagah aankh se hasrat nikal aae...

Faiz Ahmad Faiz

na tan mein khuun faraham na ashk aankhon mein namaz-e-shauq to wajib hai be-vuzu hi sahi...

Meer Taqi Meer

sirhane miir ke koi na bolo abhi Tuk rote rote so gaya hai...

Parveen Shakir

bas ye hua ki us ne takalluf se baat ki aur ham ne rote rote dupaTTe bhigo liye...

Firaq Gorakhpuri

taara TuTte sab ne dekha ye nahin dekha ek ne bhi kis ki aankh se aansu Tapka kis ka sahaara TuuT gaya...

Amjad Islam Amjad

hijr ki anjuman se har saat ashk-e-be-tab ki tarah guzri...

Kaifi Azmi

jis tarah hans raha hun main pi pi ke garm ashk yun dusra hanse to kaleja nikal paDe...

Munawwar Rana

is tarah mere gunahon ko vo dho deti hai maan bahut ghusse mein hoti hai to ro deti hai...

Ibn-e-Insha

garm aansu aur ThanDi aahen man mein kya kya mausam hain is baghiya ke bhed na kholo sair karo khamosh raho...

Ada Jafarey

shayad kisi ne yaad kiya hai hamein ada kyon varna ashk mail-e-tufan hai aaj phir...

Mohammad Rafi Sauda

dil mat Tapak nazar se ki paaya na jaega jun ashk phir zamin se uThaya na jaega...

Tehzeeb Hafi

Mere hathon se lag kar phool mitti ho rahe hain Meri aankhon se dariya dekhna sehra lagega...

Qamar Siddiqi

Honton pe muskurahatein sajaye phirta hoon Main apne aansuon ko chhupaye phirta hoon...

Meena Kumari Naaz

Hansi thami hai in aankhon mein yun nami ki tarah Chamak uthe hain andhere bhi raushni ki tarah...

Ishrat Afreen

Vo jis ne ashkon se haar nahin maani Kis khamoshi se dariya mein duub gai...

Umair Najmi

Kitab-e-ishq mein har aah ek aayat hai Par aansuon ko huruuf-e-muqattiaat samajh...

Abbas Qamar

Inhein aankhon ne bedardi se be-ghar kar diya hai Ye aansu qahqaha banne ki koshish kar rahe the...

Abbas Qamar

Ashkon ko aarzoo-e-rihai hai roiye Aankhon ki ab isi mein bhalai hai roiye...

Abbas Qamar

Khamoshi kah rahi hai ab ye do-aaba ravan hoga Hava chup ho to barish ke shadeed aasar hote hain...

Jawad Sheikh

Main is khayal se jaate hue use na mila Ki rok lein na kahin samne khade aansu...

Shakeel Azmi

Bas ik pukar pe darwaza khol dete hain Zara sa sabr bhi in aansuon se hota nahin...

Shakeel Azmi

Tere rone ki khabar rakhti hain aankhen meri Tera aansu mire rumal mein aa jaata hai...

Shakeel Azmi

Tumhaare dard se le kar hamaare aansu tak Badi taweel kahani hai aag paani ki...

Sudarshan Faakir

Rone walon se kaho un ka bhi rona ro lein Jin ko majboori-e-haalaat ne rone na diya...

Sudarshan Faakir

Ek do roz ka sadma ho to ro lein 'faakir' Ham ko har roz ke sadmaat ne rone na diya...

Sudarshan Faakir

Ishq mein ghairat-e-jazbaat ne rone na diya Warna kya baat thi kis baat ne rone na diya...

Sudarshan Faakir

Dil to rota rahe aur aankh se aansu na bahe Ishq ki aisi riwayaat ne dil tod diya...

Nadim Nadeem

Hijr-e-jaanan mein bhi aansu nahin aaye mere Khushk sahraon mein barsaat kabhi to hogi...

Ahmad Mushtaq

rone lagta hoon mohabbat mein to kahta hai koi kya tire ashkon se ye jangal hara ho jayega...

Ahmad Mushtaq

bahta aansoo ek jhalak mein kitne roop dikhayega aankh se ho kar gaal bhigo kar mitti mein mil jayega...

Ahmad Mushtaq

hoti hai shaam aankh se aansoo rawan hue ye waqt qaidiyon ki rihai ka waqt hai...

Ahmad Mushtaq

jahan daale the us ne dhoop mein kapde sukhane ko tapakti hain abhi tak rassiyan aahista aahista...

Ahmad Mushtaq

jhilmilate rahe wo khwab jo poore na hue dard bedaar tapakta raha aansoo aansoo...

Ahmad Nadeem Qasmi

ik umr ke baad muskura kar tu ne to mujhe rula diya hai...

Ahmad Nadeem Qasmi

main to us waqt se darta hoon ki wo poochh na le ye agar zabt ka aansu hai to tapka kaise...

Irfan Siddiqi

ham ne dekha hi tha duniya ko abhi us ke baghair lijiye beech mein phir deeda-e-tar aa gaye hain...

Khalilur Rahman Azmi

zara aa ke samne baith ja miri chashm-e-tar ke qareeb aa mire aaine mein bhi dekh le kabhi apni zulf ki barhami...

Khumar Barabankavi

kahin sher o naghma ban ke kahin aansuon mein dhal ke wo mujhe mile to lekin kai sooratein badal ke...

Khumar Barabankavi

guzre hue zamane ko yaad na kar kabhi 'khumar' aur jo yaad aa hi jaye ashk baha ke bhool ja...

Khumar Barabankavi

ik aansoo kah gaya sab haal dil ka na samjha tha ye zaalim be-zaban hai...

Mohammad Alvi

roz achchhe nahin lagte aansoo khaas mauqon pe maza dete hain...

Mohammad Alvi

us se bichhadte waqt main roya tha khoob-sa ye baat yaad aayi to pahron hansa kiya...

Mohammad Alvi

haaye wo log jo dekhe bhi nahin yaad aayen to rula dete hain...

Saghar Siddiqui

ab na aayenge roothne wale deeda-e-ashk-baar chup ho ja...

Saghar Siddiqui

naghmon ki ibtida thi kabhi mere naam se ashkon ki intiha hoon mujhe yaad kijiye...

Saghar Siddiqui

jhilmilate hue ashkon ki ladi toot gayi jagmagati hui barsaat ne dam tod diya...

Saqi Faruqi

ye kya tilism hai kyun raat bhar sisakta hoon wo kaun hai jo diyon mein jala raha hai mujhe...

Saqi Faruqi

ye kaisi baat hui hai ki dekh kar khush hai wo aansuon ke samundar ke darmiyan mujhe...

Shad Azimabadi

main shad tanha ik taraf duniya ki duniya ik taraf sara samunder ik taraf aansoo ka qatra ik taraf...

Shad Azimabadi

jab kisi ne haal poochha ro diya chashm-e-tar tu ne to mujh ko kho diya...

Shad Azimabadi

bhare hon aankh mein aansoo khamida gardan ho to khamoshi ko bhi izhaar-e-muddaa kahiye...

Shad Azimabadi

taskeen to hoti thi taskeen na hone se rona bhi nahin aata har waqt ke rone se...

Shakeb Jalali

kya kahun deeda-e-tar ye to mira chehra hai sang kat jaate hain barish ki jahan dhaar gire...

Shakeb Jalali

wo alvidaa ka manzar wo bheegti palkein pas-e-ghubar bhi kya kya dikhai deta hai...

Shakeb Jalali

sahil tamam ashk-e-nadamat se at gaya dariya se koi shakhs to pyasa palat gaya...

Nazeer Akbarabadi

jo baat hijr ki aati to apne daaman se wo aansoo ponchhta jaata tha aur main rota tha...

Nazeer Akbarabadi

ashkon ke tasalsul ne chhupaya tan-e-uryan ye aab-e-rawan ka hai naya pairahan apna...

Nazeer Akbarabadi

toofan utha raha hai mire dil mein sail-e-ashk wo din khuda na laaye jo main aab-deeda hoon...

Nazeer Akbarabadi

munh zard o aah-e-sard o lab-e-khushk o chashm-e-tar sachchi jo dil-lagi hai to kya kya gawah hai...

Nazeer Akbarabadi

ai chashm jo ye ashk tu bhar laayi hai kam-bakht is mein to sarasar miri ruswai hai kam-bakht...

Nazeer Akbarabadi

jitne hain kushtagan-e-ishq un ke azal se hain mile ashk se ashk nam se nam khoon se khoon gil se gil...

Nazeer Akbarabadi

tar rakhiyo sada ya-rab tu is mizha-e-tar ko ham itr lagate hain garmi mein isi khas ka...

Nazeer Akbarabadi

sarsabz rakhiyo kisht ko ai chashm tu miri teri hi aab se hai bas ab aabroo miri...

Nazeer Akbarabadi

pukara qasid-e-ashk aaj fauj-e-gham ke hathon se hua taraj pahle shahr-e-jaan dil ka nagar peechhe...

Ismail Merathi

hai ashk-o-aah raas hamare mizaj ko yaani pale hue isi aab-o-hawa ke hain...

Ismail Merathi

izhaar-e-haal ka bhi zariya nahin raha dil itna jal gaya hai ki aankhon mein nam nahin...

Ismail Merathi

vaan sajda-e-niyaz ki mitti kharab hai jab tak ki aab-e-deeda se taaza wazu na ho...

Aziz Bano Darab Wafa

charagh ban ke jali thi main jis ki mahfil mein use rula to gaya kam se kam dhuan mera...

Aziz Bano Darab Wafa

zindagi ke saare mausam aa ke rukhsat ho gaye meri aankhon mein kahin barsaat baqi rah gayi...

Aziz Bano Darab Wafa

kahne wala khud to sar takiye pe rakh kar so gaya meri be-chaari kahani raat bhar roti rahi...