Explore more on Diwan E Sukhan

Nostalgia urdu

Poetry Collection

Ash'aar

hui muddat ki ghalib mar gaya par yaad aata hai vo har ik baat par kahna ki yun hota to kya hota...

yaad aai hai to phir TuuT ke yaad aai hai koi guzri hui manzil koi bhuli hui dost...

yaad us ki itni khuub nahin miir baaz aa nadaan phir vo ji se bhulaya na jaega...

dilli ke na the kuche auraq-e-musavvar the jo shakl nazar aai tasvir nazar aai...

haan dikha de ai tasavvur phir vo subh o shaam tu dauD pichhe ki taraf ai gardish-e-ayyam tu...

Momin Khan Momin

vo jo ham mein tum mein qarar tha tumhein yaad ho ki na yaad ho vahi yaani vaada nibah ka tumhein yaad ho ki na yaad ho...

Firaq Gorakhpuri

shaam bhi thi dhuan dhuan husn bhi tha udaas udaas dil ko kai kahaniyan yaad si aa ke rah gain...

Firaq Gorakhpuri

maazi ke samundar mein aksar yaadon ke jazire milte hain phir aao vahin langar Daalen phir aao unhein aabad karen...

Josh Malihabadi

mere rone ka jis mein qissa hai umr ka behtarin hissa hai...

Josh Malihabadi

shabab-e-rafta ke qadam ki chaap sun raha hun main nadim ahad-e-shauq ki sunae ja kahaniyan...

nahin aati to yaad un ki mahinon tak nahin aati magar jab yaad aate hain to aksar yaad aate hain...

uDne do parindon ko abhi shokh hava mein phir lauT ke bachpan ke zamane nahin aate...

mera bachpan bhi saath le aaya gaanv se jab bhi aa gaya koi...

yun barasti hain tasavvur mein purani yaaden jaise barsaat ki rim-jhim mein saman hota hai...

vo koi dost tha achchhe dinon ka jo pichhli raat se yaad aa raha hai...

main to biite dinon ki khoj mein hun tu kahan tak chalega mere saath...

khushbu jaise log mile afsane mein ek purana khat khola anjaane mein...

yaadon ki bauchharon se jab palken bhigne lagti hain sondhi sondhi lagti hai tab maazi ki rusvai bhi...

Altaf Hussain Hali

tazkira dehli-e-marhum ka ai dost na chheD na suna jaega ham se ye fasana hargiz...

ab bhi kuchh log sunate hain sunae hue sher baaten ab bhi tiri zehnon mein basi lagti hain...

chaar jhonke jab chale ThanDe chaman yaad aa gaya sard aahen jab kisi ne liin vatan yaad aa gaya...

Jan Nisar Akhtar

dilli kahan gaiin tire kuchon ki raunaqen galiyon se sar jhuka ke guzarne laga hun main...

Asrarul Haq Majaz

kyun javani ki mujhe yaad aai main ne ik khvab sa dekha kya tha...

ab ji ke bahalne ki hai ek yahi surat biiti hui kuchh baaten ham yaad karen phir se...

Mohammad Rafi Sauda

ve suuraten ilahi kis mulk bastiyan hain ab dekhne ko jin ke aankhen tarastiyan hain...

mausam-e-gul hamein jab yaad aaya jitna gham bhuule the sab yaad aaya...

miTTi ki mohabbat mein ham aashufta-saron ne vo qarz utare hain ki vajib bhi nahin the...

tamam khana-ba-doshon mein mushtarak hai ye baat sab apne apne gharon ko palaT ke dekhte hain...

ham apne raftagan ko yaad rakhna chahte hain dilon ko dard se aabad rakhna chahte hain...

ajab tarah ka hai mausam ki khaak uDti hai vo din bhi the ki khile the gulab aankhon mein...

khvahishen hain ghar se baahar duur jaane ki bahut shauq lekin dil mein vapas lauT kar aane ka tha...

kisi akeli shaam ki chup mein giit purane gaa ke dekho...

subh-e-kazib ki hava mein dard tha kitna muneer rail ki siTi baji to dil lahu se bhar gaya...

apne gharon se duur banon mein phirte hue aavara logo kabhi kabhi jab vaqt mile to apne ghar bhi jaate rahna...

mahak ajab si ho gai paDe paDe sanduq mein rangat phiki paD gai resham ke rumal ki...

ghar naya bartan na.e kapDe na.e in purane kaghazon ka kya karen...

mira meyar meri bhi samajh mein kuchh nahin aata nae lamhon mein tasviren purani maang leta hun...

Hawao aao mere gaon ki taraf dekho Jahan ye ret hai pehle yahan tarai thi...

Majrooh Sultanpuri

para-e-dil hai vatan ki sarzamin mushkil ye hai shahr ko viran ya is dil ko virana kahen...

Makhdoom Mohiuddin

ye tamanna hai ki uDti hui manzil ka ghubar subh ke parde mein yaad aa gai shaam aahista...

Explore more on Diwan E Sukhan